كمين الضراير

الخامسه

#كمين_الضراير
الحلقه :الخامسه
بقلم :فاطمه سالم الورفلي
........................................
....
عند الضراير:
مشت قعمزت بحدا ضرايرها وللاسف لقت عزوزتها

العزوز حضريه:ياحليلي عليك عيون فيها تقول بحر مش كيف .. "وشبحتلهن ".. عليك حظ يا وليدي تلاته ما هناك وحده تنفع

سندس شقمت فمها وقالت بصوت واطي :كيف حظ بوه ايواه

ورده نخصتها: اسكتيي تو تخلينا نحصلو في الماعين ولا شي حاجه زي في عرسي اني ما عندي ليهن جهد

حضريه :شن توشوشن!

ورده :لا شي غر قتلها مواسي مكياجي!

حضريه تعفلقت :والله غوله اتولدي ما هناك لا شكل لا عون خلي نمشي لي كنينتي

-ومشت عزوزتهم وتلمدت هي وبناتها وقعدن يصفقن على فيروز

حضريه :هدا وين فقص نواره زواجه الاول غير خساره

-ورده تقول من كب عليها مايه ساخنه .. والضراير تانيات نجمطن في مكانهن

سندس :كله منك يا ورده كان هفتي توا بتاكلنا بقشورنا شوفي الناس كيف تشوفلنا

ام العروس بشماته:وردة حمراء حصلتوها اتلفو العالم ماتلقوها

فايزه :قيسه بوه عليه مرضي واللي داعيله متوضي

حضريه:خديتو من الناس الزينين اعيار الواحد والعشرين

فايزه:حتي كان الزين خدينا
تفاحة لبنان عطينا 💃👏

ام العروس :قيسه بوه عليه مربح ف العين السوده يصبح

عبير :ياودي سكتوهم معاش قدرت حضريه تقول حاجه

سندس ضحكت :يستااهلو ناسبو من يقدرهم وكاسحهم

ورده :تسخفي انتي غر قدام الناس كان هدا جابتلها شتاوه في السنون

عبير :اسكتن العزوز الحرفه تشبح فيكن افردن هالزومه خير ما تجينا تحشمنا تو تفش غلها فينا

-وعبير ما كملتش كلمتها والا وهن ابتسم ابتسامه شقن الوجه

ورده من بين سنونها قالت:معاش نقدر نتحمل البغدد هدا

سندس :قعمزي هنا شن بديري

ورده :اسكتي انتي بس

-وناضت ورده كلمت المنشطه تفتح اغنيه " لي ما جا بطيبه نديرو له بسبوسه تجيبه ".. وقعدت ورده تلوي وتخمس وتزغرط وترقص هي وبناتها التلاته وحده في غمرها واتنين في جنبها وناضت سندس معاهن ولحقت منى وبعدين عبير 😂مشي قعدت حضريه ادير بيديها بمعنى سحنه فيكن عرفتنها 🤛👋هك عرفتنها 😂.. والناس يضاحكو وفيروز خافت تمشي فايزه تقول لمنشطه تفتح اسماء الله الحسنى خافت على اختها 😂😂قعدن يضاحكن الضراير ويطقن فيها لبعضهن وحضريه تسحن عليهن  .. مشي خلتهن يقعمزن وبعتتلهن " زينب "بنتها..