نورسين
بكتاباتي وتأليفي
نورسين بجبتها اللي فيها احزام من النص امبينتلها تفاصيل حلوه في جسمها مع انها مش رابطاته هلبا لونها زيتوني ووشاح بيج اللي تحته طاقيه كحله
ووجهها صافي مش امدايره ولا نقطت مكياج
اتلود في محل للملابس لان الجامعه اقريب وتبي تشري كم حاجه
اخدت كم سوريه وبدله وسروال وامشت بتخلص
خلصت وهيا طالعه بتمشي لسيارتها اللي في الجهه التانيه من الطريق
وهيا طالعه
ولد صفر ...وين ماشي الحلو
ولد تاني...غر اعطينا وجهه
ولد...ياحلوه انتي
نورسين مكلفتش روحها حتى تشبحلهم وهي اتقص في الطريق جتها سياره تجري اشوي وقبتها كان مجي وشدها التالي
معاويه...ردي بالك
نورسين... شكرا
معاويه...ديري بالك اقريب عفساتك
نورسين...انشاء الله وشكرا مره تانيه
معاويه...عفوا
نورسين امشت قصه الطريق وركبت السياره وامشت
اما معاويه اقعد يشبحلها لين خشت للسياره شداته ريحت عطرها مع انها مش باخه هلبا بس لما شدها ليه جاته الريحه
اقعد يشبحلها ويدكر في تفاصيل الاحظات اللي كانت بيناتهم
وفي الاخير هوا راجل واي شي ايأثر فيه خصوصا انه بوه سكير وسفر على الشمال
المهم خش للمحل وشد التوكه امتاعه
عند نورسين ركبت السياره وحطت يدها على قلبها اللي مستغربه فيه خيره ينبض بالشكل هادى
استغفرت ربي وحركت السياره وروحت
وصلت للحوش حوشهم عادي فيلا متوسطه مش هلبا اكبيره زي حوشنا يعني
المهم خشت
نورسين...السلام عليكم
امها..وعليكم السلام القيتي شن تبي
نورسين ...ايه القيت
امها ...باهي اكويس
نورسين...درتي كيكه
امها...لا مش قلتي بديريها انتي
نورسين ...ايه نسحابك درتيها خل نمشي لنشوف الحوايج وانجي
امها...تمام
نورسين قاست اللي اشراته القت سوريه اصغيره ردتها في الشكاره مع الفاتوره ونزلت
امها...اكويسات
نورسين...سوريه اصغيره تو انردها غضوه
امها ...باهي اكويس
نورسين امشت للمطبخ
دارت المكونات قدامها طبعا نورسين محترفت كيكات وادير في طورتات زي الهوايه يعني
المهم خلطت خلطت ودارت وصبت المهم كملتها بعد 1 حطتها في الثلاجه وطلعت
امها ...يابنتي عارفاتك متحبيش عمامك وعماتك لكن مطره انك اتسايريهم
نورسين...رزق بوي مش حنتنازل اعليه
امها...ومني اللي بيتنازل انتي ديري روحك مش فاهمه وخلاص
نورسين..حاضر على خاطر بابا والله
امها ...ربي ايصبرك يابنتي
نورسين عيونها دمعت ...المشكله مشبحتاش حتى وهوا ميت باهي وينه خيره مجابوشي هوا مات بره ليبيه مش مفروض ايجيلوه معقوله حتى الدفن مش دافنينه في بلاده وين باهي وين
امها...الله اعلم متزيديش عليا يابنيتي بري اتوضي وصلي وادعيله بالرحمه
نورسين...انشاء الله
قصه موتت بو نورسين تو انقولهالكم في الحلقه الجايه توا خل نمشو لخوات معاويه
معاويه عنده زوز اخوات
وحده عمرها 17 التانيه 18 اكبار يعني
الكبيره اسمها صبا
صبا...افففف توا اني غضوه اول يوم في الجامعه شن بنلبس
اختها علا....اونه سوريتك
صبا...البستها
علا...عادي عاودي البسيها
صبا...مفيش حل تاني اصلا غضوه تو انقول لمعاويه ياخدلي
علا...كيفك
علا راقده على السرير واتكلم في حبيبها الرابع والا الخامس
عكس صبا اللي معمرها مدارت علاقه مع ولد
YOU ARE READING
نورسين (روايه ليبيا)
ספרות נוערبتأليفي وكتابتي haneenal2005 انشاء الله تعجبكم روايه من أقوى رواياتي تتكلم على بنت فقدت بوها بس ياترى بوها حي ولا ميت زي مقال عمها باهي معاويه شن حيدير ومن هوا معاويه اصلا كله حتعرفوه لما انخشو وتقرو الروايه وطبعا كامله الروايا هادى 🤙🤙🤙👌👌👌
