الضابط والمطلقة

البارت ٢٥_٢٦_٢٧_٢٨_٢٩

البارت الخامس والعشرون

كامو راحو للصالة كملنا اني ورؤى وود وقدر المطبخ
رؤى /نور حبي معليج بحجي فرقان والله مضغوطة منج ﻻن مامتزوجة
كعدنا نتفق على خطوبة خالد
ود/نور حبابة كولي لصكر عود نشتري ترة ماعدنة
نور/خطية تعبان اليوم عود باجر اكلة
ود/اوووي عيني نخاف علي خوش باجر
كعدنة نضحك ونسولف لحد ماصار العصر اجوي قصي وخالد وصكر وعلي كعدو ويانة بالحديقة نتبهت على قصي صافن لكيتة يباوع على قدر من تضحك او تسولف شافني اباوعلة دنك وباوع علية حركتلة بحواجبي شكو ضحك واشرتلة بسيطة
كمنا ﻻن وذن لكل صلى واحنى البنات حضرنة العشة كملو صبينا وهم نفس الشي ناكل ونسولف ونضحك عكس الغدة الجو متوتر اما هسة الكل يضحك ومتونس ورة العشةة جابو الجاي رؤى حايرة بجهالها رحت وراها
نور/رؤى انطيني خالد وطبي غسلي لكرار
رؤى/الله عليج هاج حبي وهذه الممية شربي
نور /خوش حبي
اخذتة وطبيت للصالة كمت اشربة ممية كام يبجي سكتة وفجأة الكل سكت باوعتلهم يباوعون علية
ام صكر/كون سنة الاخ ابنكم بحضنج يارب
الكل/امين يارب العالمين
صكر يباوعلي ويضحك ويغمزلي اجة كعد يمي ادري محيفوتها والكل رجع يسولف
صكر بهمس/ليش منفذ امنية امي خطية ونجيب طفل اني الا اسمع حجي امي تعرفيني حباب
نور صخنت /عزززا صكر كوم من يمي كلش حباب
صكر/احلا ام حسوني
نور/حسوني ؟؟،!
صكر/ايي اذا ولد اسمي حسن واذا بنية عشق
نور/اوووو حلو
اجت رؤى مغسلة لكرار وكعدت يمي كام صكر كعد يم علي ويسولفون
رؤى/تعرفين يلوكلج تصيرين ام
نور/اكلكم شبيكم متفقين علية اليوم
رؤى/هههههه ليش
سولفتلها خربت ضحك
لل11 بليل
ابو علي/يلة بوية احنة نترخص
ابو صكر/وين خوية كاعدين
ابو علي/ﻻخوية على غير مرة عيني يوم اﻻربعاء تعالو مثل اليوم
الكل/ان شاء الله
ضلو يسلمون وطلعو اني بسرعه لغرفتي سبحت ونمت من ورة التعب

البارت السادس و العشرون

كعدنة الصبح وغسلت ولفيت شالي ونزلت لكيت الكل كاعد ماعدا ود وقصي بدوامهم
نور ببتسامة /صباح الخير
الكل/صباح النور
صكر باوع عليها وبتسم بوجها نور راحت سوت ريوك وجابتة لﻻستقبلل كعدو ياكلون كامت نضفت البيت وخلصت سوت وية عمتي الغدة صارت ب12 صعدت سبحت ومشطت وافكر ﻻزم اكول لصكر نطلع نشتري هدوم للخميس عندي بس اسود حطيت عطر وكحلة وطلعت
رحت لغرفتة دكيتها
صكر/تفضل
دخلت شافني كام
صكر/حبيبي من تريدين تجين بدون متدكين الباب خوش
هزيت راسي باي
صكر/تعالي
رحت يمة كعدت
نور/صكر اطلب منك طلب
صكر/أمري حبيبتي
صكر/اخذنة اليوم اني وود نشتري ملابس ليوم الخميس
صكر/اووك حبيبي اني هم اريد اشتري
نور بفرح /صددددك حبيبي شكراً كامت باستة من خدة احبك رادت تطلع
صكر/وين وين
نور اندارت/اروح اخابر قدر وود
صكر/تعالي هسة عدهن محاضرات
رحت يمة بحضنة وضلينا نسولف وهو يلعب بشعري
صاحت عمتي
ام صكر /يمة نووووور وينج
كمت حبيبي حروح طلعت ااااجيت عمة
لفيت شالي ونزلت رادتني احضر الغدة ﻻن قصي وود على جية /صار عمة نزل صكر كعد يمي على الميز ويكلب بالفون
صدك 5 دقايق اجو فاتو من باب المطبخ
قصي وود/السلام عليكم
صكر ونور/وعليكم السلام
كعدو يسولفون
ود/صكر نور كلتلك على روحة العصر
صكر/ايي حبيبتي كلتلي العصر تحضرو قصي اني راح اشتري هدوم تريد تجي
قصي /اووك
ود اجت حضنت صكر شكراً
راحو يبدلون اني غرت من ود شنو تحضنة صح اخوها بس ماعرف ليش ضجت وهو ماقصر حبيبتي وحبيبتي
نداريت شافني ضجت
صكر اتقدم يمي حضني /شبيج حبيبتي
نور عصبت/هاي الكلمة بس الي فاهم صكر
صكر/ياكلمة نورة
نور/حبيبتي بس الي تكولها خوش وسالفه الحضنة لاعبالك ناسيتها
صكر ضحك بصوت عالي/هههههههههههه خرب بيومج ولج تغارين علية من اختي
نور/صكرررررر لتضحك
صكر حضنها /ولج والله احبج وانتي حبيبتي وعمري بس انتي باسها من راسها خوش
نور/يي
صكر/يمة فديت حبيبتي التغار
نور/احبك
صكر/واني اموت عليج
طب قصي يغني بسرعه صكر وخر عني
صكر/هاااا ولكم شدسون وغمز
صكر ضربة على راسة وكلة ولك ابني اعقل
قصي/يي بابا تدلل
صكر/روح صيح امي وابوية وود
قصي/ايي اصيح بس ود امي وابوية ماصيحهم
صكر/ليش ولك
قصي/صكر عيب افوت لغرفتهم
صكر راد يضربة بالكلاص بس فلت
صكر/هههههه طاح حضك ولك بطل
سوالفك عيب
قصي بصياح /العيب بالجيب حياتي والجيب مشكوك وطاح العيب بالكاع
ام صكر/ولك شبيكم تصايحون
صكر اشر لقصي اسكت/لا حجية ماكو شي
ام صكر/ها عمة كملتي
نور/ايي عمة
كامت تشيل المواعين توديهم للصالة نزلت ود ساعدتها وكعدو الكل ياكل
ابو صكر/باجر معزومين على عشة بيت ابو علي تحضرو ب5
الكل/خوش حجي
كملو اكل كامت ود غسلت المواعين ننور سوت جاي صعدت غسلت وصلت نامت ب4 كعدتني ود
ود
كملنا غدة غسلت المواعين بعدين صعدت توضيت وصليت وكعدت اقرة لل4 كعدت نور
نور
طبيت سبحت وبدلت وحطيت مكياج وود هم سبحت وبدلت وحطت مكياج
ود /اكلج من هسة نشتري نفس الشي
نور/اووك
نزلنا ب5 لكينا صكر وقصي جاهزين طلعنا للكرادة صكر مشغل اغنية عمري وغلاي انتة ويباوع علية بالمراية
وصلنا مشينة سوة
طبينا لهواي محلات
ود /نور شوفي ذني الفساتين والاحذية
نور/واو حلوات طبينا اشترينا نفس الفستان
فستان وردي فاتح وبي حزام اسود يخبل بي فيونكة وبي اسود كلش حلو وشال ستن اسود وحذاء اسود
طلعنا نفس الشي صكر وقصي هم كالو كلش حلو دفعو الحساب وطلعنا
ود بهمس/كولي هل نروح لمحل المكياج
نور ود ندارينة الهم
صكر وقصي/هاا خير
نور/نريد نفوت لمحل المكياج
قصي/اهووو شكد اكره هذا المحل
ود /حبابين والله ماعدنة مكياج
قصي/كولي والله مرتي ذاك اليوم فتت لغرفتكم داخذ الشاحنة الميز التواليت مينشاف من ورة العطور والمكياج
نور وود بوجه بريئ/حبابين
صكر/5 دقايق ماكو غيرهن بين منشري هدوم من ذاك المحل الكدامكم
ود /يعني تشترون هدوم ب5 دقايق
صكر/لعد مثل النسوات 5 ساعات دنرهم شال
نور/خلاص خلاص روحو واني حنفوت
صكر/نور ود متطلعون لحد مااحنة نجي
ود ونور/اووك
طبينا المكياج يخبل بنفسج تشتري كلة شتربنة كريمات وحمر وايشاادو وكحلة وايلاينر ومسكارا وعدسات
نور/بعد محتاجة شي
ود /تعالي نشوف ذني الزيوت
شفناها زيوت للجسم ولشعر اشتريت واحد للشعر ريحتة تخبل واشترينا عطور
نور /عزززا هذا صكر ديدك كال 5 دقايق واحنة صارلنا اكثر من نص ساعه
ود/يلة بسرعه ندفع الحساب ندفع الحساب قصي يدك على نور وصكر يدك علية حركونا
طلعنا ود معصبة كلش اعرفها لح تغرد عليهم
ود/افتهمنا افتهمنا مسوين مداهما بعد طبو للمحل سحلونا بين خلق الله سويتو علينا مداهمة انتة علية وانتة الثاني على نور ميصير هيج انتو شتربتو هدوم بالعافية خلونا نشتري مثل اﻻوادم كلساع قصي يتصل بك ميثير يااخي ميصير اوووف منكم
صكر ونور وقصي صافنين عليها عاطت بيهم
ود/شبيكم
قصي/ولج صوتج الله يعين الياخذج ويطلهج ويغلط يدك عليج ثاني يوم العرس يجيبج النا عمي اسفين ونعتذر بعد والله مادك راح اكسرة للتلفون خلاص
ضلو يتناكرون بيناتهم واني وصكر نضحك عليهم
صكر/يلة كافي امشو رحنة للسينما واكلنا موطا وكعدنة بمطعم تعشينا قطينا قصي وصكر قطة تمام
رجعنا جبنا لعمي ولعمتي سفري وجبنا لعمتي فستان بيجي يخبل ويا شال تشكرتنة وصعدتا فوك بدات وعلكنا الفساتين وحطينا المكياج بمكانة واﻻحذية ضميناهم
نزلنا جوة
قصي /يمة ماسولفلج شصار بالمول
ام صكر/شصار يمة
قصي/يمة اجتني بنية اووووويلي تطك بالكاع تخبل كالت هيلاووو حبيبي ان ايتغربت كتلها حبيبج؟ كالت ان شاء الله
للحكاية بقيه 😙😗