حارة العشق «قيد التعديل»

الفصل التاسع عشر..

نكمل روايتنا(حارة العشق)بقلم سلسبيل كوبك..
الفصل ال19..
اخر حاجة وقفنا عندها في الفصل ال18...
عدنان حاوط غصون بايده و مسك منها الجواب و هي بصتله بخوف و بدأت عينيها تدمع....
غصون:سيبه مش حاجة مهمة قولتلك..
غصون مسكت الجواب و هو في ايد عدنان و عدنان بصلها بحدة..
عدنان(بحدة):طالما مش حاجة مهمة مش عايزاني أشوفه ليه؟!و لا مخبية عليا حاجة؟!
غصون:لا بس مكتوب حاجات يعني شخصية..
الجواب فضل بين ايدين عدنان و غصون و كل واحد باصص للتاني و عدنان عارف أنها بتكدب و هي خايفة ليقرأ اللي مكتوب...
غصون:مش في ضيوف جاية ليك سيب الجواب و انزل هاته يلا ليا..
عدنان(بهدوء):و انا مش همشي و هنزل من هنا يا غصون الا لما أعرف الجواب ده فيه إيه انا محبش مراتي تكون بتخبي عليا حاجة أو تكدب عليا و انا بكره الكدب و انا متأكد ان الجواب ده مش عبارة عن شوية طلبات و بس..
غصون بلعت ريقها بتوتر و كانت لسة هتتكلم الباب خبط خدت نفسها بعمق..
غصون:روح أفتح..
عدنان:الجواب د...
غصون:و لما تطلع هبقي أحكيلك..
عدنان بص لغصون و سابها و خرج فتح الباب لقي عهد اتنهد و بصلها...
عدنان:خير؟!
عهد:الضيوف جم..
عدنان:طيب..
عهد:غصون جوا؟!
عدنان:أيوه ادخلي لو عايزة انا نازل..
عدنان ساب عهد و نزل لتحت و عهد دخلت جوا الشقة ملقتش غصون فنادت عليها..
غصون:حاضر هغير هدومي..
غصون بدأت تغير هدومها و هي بتفكر في ردة فعل عدنان و هل من الصح انها تقوله و لا لا..
"غصون لبست شورت باللون الأسود و فوقه تي شيرت بنص كم طويل للركبة باللون الأبيض و رفعت شعرها ديل حصان"..
غصون خرجت لقت عهد ابتسمت ليها و قعدت معاها.
غصون:ايه أخبار الدروس معاكي؟!
عهد:مرمطة مرمطة بجد..
غصون:ربنا معاكي..علي ما أعتقد انتي قد غيث أخويا؟!
عهد:أيوه..
غصون:الضيوف جت؟!.
عهد:اه..
غصون:مش المفروض ننزل نساعدهم..
عهد:معرفش بس استغربت ان يوسف جه..
غصون:مين يوسف ده؟!.
عهد:يوسف اللي زينة بتحبه...
غصون:اه...
غصون:لحظة هطمن علي غيث..
غصون مسكت موبايلها اتصلت بغيث...الخط اتفتح..
غصون:ازيك يا غيث..
غيث:الحمدلله انتي اخبارك ايه؟!.
غصون:الحمدلله طمني عليك اخبارك ايه دلوقتي..
غيث:أحسن الحمدلله..
غصون:كلت كويس؟!
غيث:الحمدلله...
غصون:طيب يا حبيبي كنت بطمن عليك خلي بالك من نفسك و نام بدري و متنساش دروسك..
غيث:حاضر بحبك...
غصون:و انا كمان يلا باي..
عهد:هو في حاجة بينك انتي و عدنان؟!
غصون:حاجة زي إيه؟!
عهد:مش عارفة بس من ساعة أصلا ما داليا دي جت و الدنيا خربت..
غصون:هما اطلقوا ليه؟!
عهد:هي اللي طلبت الطلاق من عدنان و..
عهد(باحراج):انا كدة شكلي هعك خلي عدنان يقولك احسن..
غصون:بس انا من حقي أعرف مش كدة يا عهد؟!
عهد:تعالي ننزل نساعدهم بس غيري هدومك الاول يلا..
غصون:انزلي انتي انا تعبانة شوية هنام..
عهد:طيب..
عهد سابت غصون و نزلت لتحت و غصون قامت و دخلت أوضتها مسكت الجواب بتاع رامي..
مضمون الجواب:-"غصون عارف أنها طريقة قديمة للتواصل يعني بس عدي انتي عارفاه مش هيبطل أنه يدور عليكي غير ان موبايلي انا و نور و مراد متراقب و دي الطريقة الوحيدة اللي هعرف اكلمك بيها من وقت للتاني خلي بالك من نفسك..كنت عايز أقولك تقولي لجوزك عن اللي حصل لو انتي لسة مقولتيش هيبقي في مصلحتك يا غصون و يكون حد واقف جمبك و انتي عندك بدل ما تبقي شايلة الهم لوحدك ربنا معاكي خلي بالك من نفسك يا غصون و فكري في اللي قولتلك عليه هو ده الصح"..
غصون مسكت الجواب قطعته كذا مرة و رمته في الشارع من البلكونة بتاعتها و دخلت قعدت علي السرير و كانت بتفكر في كلام رامي لغاية ما نامت..
_تحت عند عدنان..
عدنان نزل لقي شهاب و قاسم قاعدين مع عفاف و بوسف ابنها..
عدنان:السلام عليكم..
يوسف:اسطا عدنان..
عدنان:أقعد يا يوسف..
عدنان قعد جمب الحاج شهاب و لمح زينة و هي واقفة جمب المطبخ بتبص علي يوسف بصلها بحدة و هي جريت علي جوا علطول..
حنان:اهدي يا بنتي شوية مش كفاية اللي حصل..
زينة:تفتكري يوسف جاي ليه يا عمتي..
حنان:انا أعرف..
زينب:اهدي عدنان هيتصرف...
عهد:ماما..
زينب:خير يا مقصوفة الرقبة؟!
عهد:غصون عايزة تعرف هو ليه عدنان و غصون اطلقوا؟!.
حنان:و انتي قولتي ليها؟!
عهد:وقعت بالكلام و قولت ان داليا هي اللي طلبت الطلاق..
زينب:ده معناه أن عدنان مقالش لغصون لغاية دلوقتي..
حنان:يا تري ايه اللي أخر عدنان كدة؟!
زينب بصتلها و مردتش و حنان بصت لعهد..
حنان:عهد متقوليش حاجة تاني فاهمة..
عهد:حاضر..
شهاب:ايه يا يوسف هنفضل ساكتين كدة ما تقول يا ابني جاي ليه؟!
يوسف(بتوتر):الصراحة يا حاج انا جاي أطلب ايد بنتك الانسة زينة..
شهاب:و اشمعنا زينة؟!
يوسف:لأنها محترمة كل الناس تشهد بأدبها و احترامها و علشان انا بحبها و لو لفيت الدنيا كلها مش هلاقي زيها اتنين..
الكل بص ليوسف باندهاش حتي والدته,زينة كانت مبسوطة أوي و خايفة من ردة فعل شهاب..
شهاب(برفعة حاجب):جرئ أنت يا يوسف..
يوسف:مش جراءة بس انا عايز لما نيجي نفتح صفحة نبدأها بالصدق بدل الكدب..
قاسم:احم احترمت فيك شجاعتك دي بس برضو الرأي رأي الحاج و العروسة..
عفاف:خد وقتك يا حاج شهاب..
شهاب لمح نظرات زينة اللي واقفة جمب المطبخ..
شهاب(بصوت عالي):يا أم زينة هاتي الشربات..
يوسف(بفرحة):حضرتك موافق؟!
شهاب:موافق يا يوسف موافق..
عدنان ابتسم لزينة اللي مكنتش مستوعبة اللي حصل و هتموت من كتر فرحتها بموافقة والدها..
عفاف:طب و رأي العروسة؟!
شهاب:انا أدري برضو ببنتي يا حاجة..
شهاب بص لزينة اللي اتحرجت و دخلت بسرعة لجوا المطبخ,زينب و حنان خرجوا قعدوا معاهم..
عفاف:نقرأ الفاتحة؟!
شهاب:نقرأ..
و بدأوا كلهم يقرأوا الفاتحة و يوسف كان مبسوط أوي و كذلك زينة بتعيط من كتر الفرحة..
قعدوا شوية يتكلموا في مواضيع بسيطة و بعدها يوسف و مامته استأذنوا يمشوا...
يوسف(بابتسامة):شكرا يا اسطا عدنان علي اللي عملته..
عدنان حط ايده علي كتف يوسف..
عدنان(بهدوء):فرحة زينة عندي بالدنيا و ما فيها اياك في يوم تزعلها أحسنلك....
يوسف:عيوني عن اذنك يلا يا امي..
يوسف خد مامته عفاف و مشيوا و عدنان دخل من باب البيت و قعد بتعب علي الكرسي..
قاسم:انت كويس؟!
عدنان:اه..
شهاب:كنت تعرف ان أختك بتحبه؟!
عدنان(بهدوء):اه يا حاج..
شهاب:نتكلم بعدين بس حسك عينك تخبي عليا حاجة تانية..
شهاب ضرب عدنان علي رجله بعصايته..
شهاب:مفهوم..
عدنان(بضحك و وجع):مفهوم يا حاج..مفهوم..
قاسم:احم طب يا حاج كنت عايزك..
شهاب:خير عايز ايه؟!.
قاسم:كنت عايز اتجوز انا كمان..
زينب زغرطت اول ما سمعت قاسم و شهاب بصلها راحت سكتت بسرعة و بصت لحنان اللي ضحكت عليها..
شهاب:مين تعيسة الحظ؟!
قاسم:ماسة..
شهاب:ياااااااه ماسة تصدق عرفتها..
سهال(بحدة):ايوه مين ماسة بشم علي ضهر ايدي..
قاسم:بنت من القاهرة قابلتها مرة و عندها اخت انا بدرس ليها في الجامعة و أعجبت بيها و بس المفروض نروح ليها آخر الاسبوع ده..
شهاب:المفروض نروح؟!يعني انت أخدت القرار من نفسك..
قاسم(بسرعة):لا و الله الرأي رأيك طبعا ده انا بقول يعني الميعاد ده هيناسبني و هيناسبك و هيناسبنا كلنا صح مش كدة يا عدنان..
عدنان(بضحك):كدة..
قاسم(بهمس):يا رخم..
شهاب ضحك علي ارتباك قاسم منه..
شهاب:و اهلها؟!
قاسم:متوفيين..
شهاب:بص يا قاسم انا عمري ما جبرت حد علي حاجة و لما جه عدنان و قالي عايز أتجوز واحدة من بنات القاهرة انا رفضت و هو عاند قولت سيب الدنيا تمشي زي ما هي و اديك شوفت اللي حصل فكل اللي عايز أقوله لو تناسبك و بنت ناس يا قاسم اتوكل علي الله و في الاخر انت اللي هتتحمل نتيجة اختيارك..
قاسم:تمام يا حاج..
عدنان(بضيق):هطلع ارتاح علشان اصحي اودع يارا قبل ما تمشي..
عدنان:عن اذنكم...
عدنان قام مشي و راح ناحية اوضة داليا و خبط بهدوء و داليا فتحت الباب..
داليا:عايز حاجة يا عدنان؟!
عدنان:يارا نامت؟!.
داليا:أيوه..
عدنان:هدخل ابوسها قبل ما انام..
داليا:اتفضل..
داليا فتحت الباب و عدنان لقاها لابسة لبس قصير غمض عيونه و فتحهم بهدوء و دخل لقي يارا نايمة باس رأسها و غطاها كويس و خرج علطول و داليا نادته فاضطر يقف..
داليا:هنمشي بكرة..
عدنان:قولتيلي..
داليا:يارا محتجاك هناك..
عدنان:هبقي ازورها كل شوية..
داليا:بس.
عدنان:تصبحي علي خير يا داليا..
عدنان ساب داليا وطلع شقته فوق دخل اوضته لقي غصون نايمة بص عليها و جه قعد جمبها ملس علي خدها بخفة..
غصون فتحت عينيها ببطء و لقت قدامها عدنان استغربته و رفعت عينيها ليه..
غصون:في ايه؟!
عدنان(بهدوء):مُصرة تخبئ عليا موجود ايه في الجواب؟!
غصون(بخفوت):انا مخبية عليك حاجة اه بس ممكن تسيبني اخد وقتي و اقولك..
عدنان(بهدوء):طيب..
غصون كانت هتقوم بس لقت عدنان شدها ناحيته..
عدنان:احنا متجوزين من امتي؟!
غصون(باستغراب):اشمعنا بتسأل؟!
عدنان حاوط وش غصون بين ايديه و غصون غمضت عينيها بتوتر عدنان قرب من غصون و....
***************************
-في مكان تاني...
_عند عمر..
سوسن:مالك سرحان في ايه؟!
عمر:ها؟!مفيش يا أمي..
سوسن:تفتكروا افتقدونا؟!
عمر:اللي زي دول لا يا امي...
سوسن:انبسطت يا ابني..
عمر:حد يشوف أهلك و مينبسطش يا امي..ربنا يخليهم ليكي..
سوسن:هما عزوتك يا حبيبي..
سوسن:ده كان خالك حاطط عينه عليك طول القعدة..
عمر:اشمعنا؟!
سوسن:علشان تتجوز بنته داليدا..
عمر:داليدا!!.
سوسن:أيوه..
عمر:اه تمام..
عمر كمل سواقة و سرح بتفكيره..
_Flash back..
عمر راح مع سوسن يزوروا أهلها اللي عايشين في الصعيد..
عمر:انزلي انتي يا امي و انا هركن و اجي..
سوسن:طيب..
سوسن دخلت البيت و عمر ركن عربيته و لسة هينزل لقي اللي بيخبط في باب عربيته بالعجلة..
عمر(بغضب):مش تفتح يا حمار أنت..
داليدا:آسفة..
عمر(بغضب):و كمان بنت ده انتي ليلتك سودة...
داليدا:ما جولتلك مرة آسفة عايز إيه تاني؟!
عمر(بحدة):غوري من وشي..
داليدا:بص يا جدع أنت انا اعتذرلتلك لاني اه غلطت لما دخلت بعجلتي في باب عربيتك لكن تسوج فيها مش هسمح و كمان امشي انت ده داري اللي انت واقف قدامه ده..
إيهاب:واجف عندك ليه يا ولدي؟!
إيهاب:داليدا تعالي اهني بتعملي ايه عندك يا بت انتي..
داليدا(بصوت واطي):هتجبلي الكلام مجيتك نحس..
داليدا:مفيش يا ابوي ده الواد صابر نسي العجلة عند دوار الحاج حسنين فروحت اجيبها..
إيهاب(بحدة):طب اطلعي علي فوج يا بت انتي..
داليدا(بضيق):حاضر يا أبوي..
داليدا بصت لعمر قبل ما تمشي من تحت لفوق و دخلت علي جوا..
إيهاب:تعالي يا ولدي نجعد جوا دي داليدا بتي..
عمر(بهدوء):تمام يا خالي..
_Back...
عمر وقف قدام بيت العربي و نزل هو و مامته سوسن دخلوا لجوا..
عمر:تصبحي علي خير يا امي..
سوسن:و انت من أهله يا ولدي..
عمر(بضحك):كل مرة بتيجي من عند بيت اهلك بتقلبي لسانك كدة..
سوسن:برضو من ريحة أهلي يا عمر..
عمر:طيب يا امي يلا ادخلي نامي بكرة نكمل كلامنا..
عمر ساب سوسن و دخل اوضته و كذلك سوسن..
****************************
-في الصباح الباكر...
_عند رامي و نور..
نور(بضيق):اقفل الزفت الستارة دي يا رامي..
رامي:اصحي يا نور مفيش وقت..
نور(بضيق):هنغور في أي داهية..
رامي:المستشفي نشيل أم الجبس اللي في ايدك ده..
نور(بضيق):سيبني انام شوية بس صغيرين..
رامي:لا علشان انا هوديكي المستشفي و مراد هيجي يرجعك و انا هروح شركة غصون في اجتماع مهم..
نور قامت قعدت علي السرير بضيق و قعدت تنفخ..
رامي:انفخي براحتك بس يلا قومي..
نور(بلامبالاة):تعالي شيلني..
رامي:اعمل ايه!!.
نور(ببرود):شيلني يا رامي..مزاجي اتشال بقي..
رامي قرب من نور و شالها بين ايديه و دخل بيها الحمام و نزلها و سابها و خرج..
نور غسلت وشها كذا مرة و نادت رامي تاني..
رامي(بضيق):خير يا هانم؟!
نور:شيلني النهاردة انا مش عايزة رجلي تلمس الارض...
رامي:و ده من امتي الكلام ده؟!
نور:مليش فيه..
رامي:الصبر يا رب من عندك..
رامي شال نور و دخلها أوضة الملابس و هي غيرت هدومها و نادت علي رامي اللي شالها و خرج لبره البيت و ركبها العربية..
نور:شطور..
رامي(بصيق):بطلي تعامليني كأني عيل صغير..
نور:حبيبي العسل يا ناس..
رامي اتعصب و بدأ يسوق ناحية المستشفي..
رامي:انزلي..
رامي نزل من عربيته و مشي ناحية المستشفي بس نور فضلت في العربية ببرود استفز رامي اللي لف ليها و فتح باب العربية بعنف و شالها و دخل المستشفي..
رامي:اصبري عليا اخلص من مشاكلي اللي في الشغل و الله لامشيكي علي عجين ميلغبطش..
نور:هو انت بتخليني أشوف حد غيرك و طالما بقي انت بتعمل كدة فانا هزهقك في عيشتك..
رامي:انتي عارفة مبثقش في حد غير عدد محدود و مش عايزك تختلطي بحد يستغل طيبتك الهبلة دي..
نور:مش كل الناس وحشة..
رامي:بس بقوا كلهم بتوع مصالح..
رامي فضل مع نور لغاية ما فكت الجبس بتاعها و مراد كان جه...
رامي:حبيبتي هروح انا..
نور:طيب..
رامي باس ايد نور و رأسها و ساب مراد مع نور..
مراد:يلا نروح..
نور:يلا..
مراد خد نور و ركبوا عربية مراد اللي ساق ناحية شقة رامي و نور كانت مبسوطة انها فكت الجبس..
****************************
-في مكان تاني..
_عند شهد..
شهد:يعني ايه انساه انتي مجنونة؟!
اماني:شهد انا و انتي عارفين ان اسطا عدنان عمره ما هيبصلك خليكي كافية خيرك شرك كدة و بس..
اماني:دلوقتي جت طليقته اللي هي ماضيه و معاه مراته اللي هي حاضره ممكن تفهميني انتي هتبقي مين في حياته..
شهد:مستقبله..
اماني:مش هينفع يا شهد انا لو بقولك كدة بقول كدة علشان مصلحتك انتي اختي و انا مش بكرهك ربنا عالم بحبك قد ايه انا بقولك كدة علشان عارفة نهاية الطريق دي ايه..
شهد:بس عدنان كان بيقولي انتي جدعة و انا برتاح لما بتكلم معاكي..
اماني:أخوة يا شهد و لما عرف مشاعرك الحقيقة قطع خالص..
اماني:بصي لنفسك و مستقبلك يا اختي..
شهد:لا لا انا اللي المفروض ابقي مكان البت اللي ما تتسمي غصون دي..ما صدقت ان الزفتة داليا مشيت تيجي هي تكمل عليا لا و الف لا..
اماني:براحتك انتي الخسرانة..
اماني سابت شهد تفكر و دخلت أوضتها..
******************************
-في مكان تاني...
_عند غصون..
غصون كانت نايمة بعمق في أوضتها..موبايلها رن كذا مرة فهي فتحت عينيها بكسل و مدت ايديها فتحت الخط..
غصون(بنوم):الو..
غيث:لسة نايمة؟!.
غصون(بنوم):عايز ايه اخلص؟!
غيث:هأجي اتغدي معاكي النهاردة بعد الدرس..
غصون(بنوم):اقفل يا غيث مش فايقة ليك كلمني كمان شوية..
غصون قفلت مع غيث اللي استغرب تصرفها,غصون مدت ايديها جمبها لقت المكان فاضي استغربت و فتحت عينيها و قعدت نص قعدة علي السرير..
غصون قامت من علي السرير و بدأت تدور علي عدنان ملقتهوش في الشقة خالص..
غصون قعدت علي الكنبة اللي في الصالة حطت رأسها بين ايديها و هي حاسة بوجع في رأسها..
الباب خبط..
غصون:مين؟!
زينة:انا يا غصون..
غصون:حاضر لحظة..
غصون دخلت أوضتها فتحت دولابها مسكت أول حاجة لقتها قدامها كانت عبارة عن عباية طويلة خرجت فتحت الباب لزينة اللي خدتها في حضنها بسرعة..
زينة(بفرحة):بابا وافق..
غصون:اهدي و احكيلي حصل ايه..
زينة(بفرحة):بابا وافق اننا نتجوز انا و يوسف..
غصون(بابتسامة):مبروك فرحتلك..
زينة(بفرحة):و انا اوي بس اتحرجت..
غصون:من ايه؟!
زينة:لما عدنان نزل النهاردة اتحرجت اشكره..
غصون:هو عدنان تحت؟!
زينة:أيوه قاعد مع يارا قبل ما تمشي...
زينة:تعالي ننزل تحت و بالمرة تشجعيني..
غصون:ا..
زينة:يلا بس قومي يلا..
غصون:حاضر هدخل اخد دوش سريع..
غصون سابت زينة و دخلت الحمام خدت دوش و خرجت غيرت هدومها..
"غصون لبست بنطلون واسع باللون الأسود و فوقه تي شيرت باللون الأبيض بنص كم دخلته جوا البنطلون و لبست كوتشي أبيض عالي رفعت شعرها علي شكل كحكة"..
زينة:يلا..
زينة و غصون نزلوا تحت كان الكل قاعد مع بعض حتي شهاب...
غصون:السلام عليكم..
الكل ما عدا داليا:عليكم السلام..
شهاب:اقعدي يا بنتي..
غصون:شكرا يا عمو...
يارا:شكلك حلو أوي..
غصون:يا روحي انتي أحلي و جميلة أوي كمان..
داليا(بضيق):عدنان انا همشي متنساش حفلة أولياء الأمور...
عدنان(بهدوء):السواق لسة مجاش يا داليا ملهوش لزوم اقعدي..
داليا:ب..
حنان:اقعدي يا داليا عدنان ملحقش يشبع من يارا بنته..
داليا:هو اللي كان مشغول من ساعة ما هي جت و كمان هو اللي عمل كدة..
عدنان(بحدة):داليا..
سوسن:خلاص يا داليا اقعدي جمبي كدة و انتي ساكتة لغاية ما يجي السواق..
قاسم:اهدوا يا جماعة محصلش حاجة..
عمر:السواق جه..
داليا:شكرا يا عمر يلا يا يارا..
عدنان نزل لمستوي يارا و باس رأسها...
عدنان:بصي يا حبيبتي قريب هجيلك و مش عايزك تزعلي خالص و ابقي اتصلي بيا علطول..
عدنان:مفهوم؟!
يارا:حاضر يا بابي..
عدنان:خلي بالك من نفسك...
عدنان حضن يارا جامد و هي باسته علي خده و هو ابتسم ليها و مشيت مع داليا اللي بصت لغصون و خرجت بره البيت...
زينب:هتوحشنا أوي كانت عاملة روح للبيت..
شهاب:إن شاء الله ترجع لحضن أبوها..
شهاب:أخبار أخوكي ايه يا سوسن؟!
سوسن:بيسلم عليك يا حاج..
شهاب:الله يسلمه..
عمر:عدنان..
عدنان بصله بهدوء و قام وقف و بعدها بص لغصون اللي حطت عينيها في الأرض خجلا من عدنان و بعدها بص للحاج شهاب..
عدنان:عن اذنك يا حاج هروح الشغل...تعالي يا عمر..
عدنان خد عمر و خرجوا لبره البيت بس زينة شدت غصون و خرجت ورا عدنان..
زينة:عدنان..
عدنان:خير؟!
زينة:غصون كانت عايزة تقولك حاجة..
زينة ضربت غصون في كتفها اللي بصتلها بصدمة هي و عدنان..
غصون(بتوتر و خجل):زينة كانت...
عدنان:قولي يا غصون..
غصون(بتوتر و خجل):زينة كانت عايزة تقولك شكرا معرفتش دخلتني انا ليه...
عدنان:لما نرجع نتكلم..
زينة:هترجع النهاردة؟!
عدنان(بهدوء):احتمال لا..
عدنان:يلا يا عمر..
عمر و عدنان مشيوا بس عمر بص لغصون قبل ما يمشي..
غصون:هما كلهم بيبصوا ليا قبل ما يمشوا ليه الله؟!
زينة:في ايه؟!
غصون:انا تبيعيني..
زينة(بضحك):استني بس..
زينة طلعت تجري و وراها غصون و هي متغاظة منها..
بعد فترة علي الغداء غيث جه و اتغدي مع غصون و عدنان مجاش اتغدي و فضل شغال لغاية وقت متأخر في الورشة..
زينب و حنان و غصون كانوا قاعدين مع بعض بليل..
غصون:طب كدة عدنان اتغدي و لا لا؟!
حنان:اسألي جوزك..
غصون(بتوتر):مش بيرد....
زينب:استنيه لما يرجع..هو عادةً مش بيأكل من بره..
غصون:يعني قعد ده كله من غير أكل!!!
حنان:ممكن..
زينب:الوقت اتأخر انا هدخل انام...
حنان:و انا..
غصون:تصبحوا علي خير..
زينب و حنان قاموا ناموا و غصون كانت هتطلع الشقة بتاعتها و هي متضايقة من تجاهل عدنان طول اليوم ليها بس حست بتأنيب الضمير انه لسة مأكلش..
غصون دخلت المطبخ و بدأت تسخن الأكل و حطته في علب و حطته في شنطة و كانت محتارة تروحله و لا لا لغاية ما قررت هتروحله...
غصون طلعت لبست "جاكت جينز قصير لغاية الخصر"..
غصون خرجت و كانت حافظة الطريق و وصلت للورشة و وقفت قدامها و خدت نفس عميق..
غصون بدأت تدخل لغاية ما لقت عدنان و هو واقف بيشتغل..
غصون(بحماس):انا جيت...
عدنان لف بسرعة اول ما سمع صوت غصون و استغرب وجودها..
عدنان:ازاي جيتي و تيجي ازاي من غير أذني؟!
غصون:كنت هنام بس طنط قالتلي أنك عادةً مش بتأكل و انت بره البيت فصعبت عليا فجيت..
عدنان(بحدة):بعد كدة متجيش من غير أذني..
غصون:إن شاء الله..مش هتأكل بقي؟!
عدنان:كمان شوية..
غصون:خلاص هقعد معاك لغاية ما تخلص و تأكل و نروح سوا..
عدنان بص لغصون بطرف عينيه و كمل شغله,غصون كانت قاعدة حاسة بملل بسبب صمت عدنان فجأة صرخت لما لقت عدنان بيقع قدامها علي الأرض مغمي عليه..
*****************************
يتبع:::::::