حارة العشق «قيد التعديل»

الفصل الاول..

نبدأ روايتنا(حارة العشق)بقلم سلسبيل كوبك..
الفصل ال1..
_
شخص(بصوت عالي):اهربي يا غصون اهربي..
غصون(بخوف و دموع):لا...
شخص(بصوت عالي):اهربي يا بنتي يلا بسرعة..اهربي..
غصون(بدموع):يلا يا غيث يلا..
غصون مسكت ايد غيث و بدأت تجري و هي كل شوية تبص وراها لقت مجموعة من الأشخاص اللي لابسين بدل سودة بيجروا وراها..
غصون(بخوف):اجري اسرع يلا..
غصون و هي بتجري اتكعبلت و وقعت..
غيث(بخوف):غصون قومي يلا..
غصون رفعت رأسها بخوف لقت الاشخاص اللي بيجروا وراها بقوا قريبين منها,غصون قامت بسرعة و مسكت ايد غيث و طلعت تجري بأقصي ما عندها..
غصون لقت شارع ضلمة دخلته مع غيث و استخبوا فيه..
غصون(و هي بتنهج):اهدي اهدي..
غيث(بخوف):هيمسكونا؟!
غصون(و هي بتنهج):إن شاء الله لا بس انت متعملش أي صوت..
غصون لمحت الاشخاص اللي كانوا بيجروا وراها و هما واقفين قدام الشارع اللي هي فيه..
شخص1(بغضب):شكلهم هربوا..
شخص2:هنعمل ايه؟!
شخص1(بغضب):و ربي لاجيبك يا غصون و لو في آخر الدنيا..
شخص3:يلا نروح نبلغه..
الشخص الاول قعد يبص حواليه كتير بغضب علي امل انه يلمح غصون بس معرفش رجع مع الباقي..
غيث:مشيوا يا غصون..
غيث(بقلق):غصون غصون..
غيث لقي غصون مرمية في الارض مغمي عليها...
_
شاب:غصون يا غصون..
غصون:ها؟!بتقول حاجة يا رامي؟!
رامي(بابتسامة):قومي علشان الغداء..
غصون:حاضر..
غيث:غصون..
غصون:نعم يا حبيبي..
غيث(بابتسامة):هو احنا هنقعد هنا علطول؟!
غصون:لسة يا حبيبي معرفش..
غيث:انتي مبقتيش تضحكي ليه زي الاول؟!
غصون ابتسمت ل غيث بمجاملة..
غيث(بابتسامة):بحبك تضحكي علشان غمازاتك تبان..
غصون:و انا بحبك..يلا نروح نأكل..
الاتنين خرجوا من البلكونة و راحوا ناحية السفرة و قعدوا عليها..
رامي:كلي يا غصون..
غصون:بأكل يا رامي شكرا..
رامي:ما تهتمي يا نور..
نور:غصون لازم تعرف ان ده بيتها..
غصون(بابتسامة):شكرا يا نور..
غيث:الاكل حلو تسلم ايدك يا نور..
غصون:رامي ابقي كلم مراد و شوفلي الحوار اللي قولتلك عليه..
رامي:تمام..انتي متشيليش هم..
غصون(بتنهيدة):حاضر..
غيث:طب ايه؟!
نور:ايه؟!
رامي:عايز ايه ياض انت؟!
غيث:نتفرج علي فيلم ايه رأيك يا غصون؟!
غصون(بابتسامة):لا معلش يا حبيبي مرة تانية اتفرجوا انتوا..عن اذنكم هدخل اوضتي..
رامي:و مراد؟!
غصون:لما يجي ناديني عن اذنكم...
غصون راحت لاوضتها و قفلت الباب و قعدت تعيط بحرقة و هي حاسة بتعب شديد في كل جسمها..
_بره..
غيث(بحزن):انا مش عايز اشوفها حزينة او شايلة الهم..
نور:متخافش يا حبيبي هي هتبقي كويس متقلقش انت..هو فترة و هتعدي...
رامي:انت وظيفتك ايه بقي تبقي الراجل بتاعها مش كدة؟!و كمان تهون عليها و متزعجهاش..
غيث(بحزن):حاضر بس هي ترجع زي الاول..مش بتأكل كويس و بترسم انها قوية علشان خاطري..
نور و رامي بصوا ل بعض و بعدها بصوا ل غيث بحزن,غيث كان بيفكر في اخته غصون..
*************************
-في مكان تاني...
_في حارة شعبية متوسطة الحال..
كانت الحارة عبارة عن سوق و ناس ماشية و راحة..
كان في بنت ماشية و رافعة عبايتها في ايديها و ماشية بدلع فخبطت في واحد..
بنت(بزعيق):مش تفتح يا خفيف..
شاب:آسف يا ست شهد..
شهد(بزعيق):آسف اصرفها منين آسف..كدة تخبط فيا و انا ماشية...
كان المشهد ده قدام القهوة ف خرج صاحب القهوة راجل كبير في الخمسينات..
راجل:ايه يا شهد خلاص عديها؟!
شهد:ما هي الاشكال اللي زي دي السبب يا عم رشدي..
رشدي:خلاص امسحيها فيا..امشي انت يلا..
رشدي:ما تيجي في القهوة نتكلم شوية..
شهد:يلا..
رشدي و شهد دخلوا القهوة قعدوا علي مكتب رشدي..
رشدي:انتي برضو مش هتتغيري؟!
شهد:اللي فيه عادة مبيغيرهاش يا عم رشدي و انا كدة..
رشدي:لحد امتي؟!
شهد:لحد ما يحن يا عم رشدي و يبصلي..ده قاطع ماية و نور و مش بيجي ناحيتي الا كل فين و فين..
رشدي:متعلقيش نفسك في حبال دايبة..
شهد:بحبه يا عم رشدي..
رشدي:مش عارف اقولك ايه..
شهد:متقولش همشي انا دلوقتي..
رشدي:طيب..
شهد قامت لفت عبايتها حواليها و مسكت ديلها في ايديها و خرجت بره القهوة و مشيت شوية لغاية ما خبطت في حد تاني..
شهد(بزعيق):لا ده انتوا مستقصدين بقي..
شهد(بتوتر):سي عدنان...
عدنان:مين ده اللي مستقصدك يا شهد؟!
شهد(بتوتر):لا مفيش حاجة..
عدنان(بهدوء):طيب لو في حد ضايقك انتي عارفة ايه اللي المفروض تعمليه و كل واحد ادري بمصلحته..
شهد:شكرا شكرا..
عدنان(بهدوء):و بطلي كل ما تشوفيني تقولي سي عدنان..
شهد:لا ده انت سيدنا و سيد الناس لازم الالقاب يا سي عدنان...
عدنان:اولا مش لايقة ثانيا مبحبش الكلمة دي و كمان ملكيش انك تقولي اني سيدك..
عدنان:روحي شوفي انتي راحة فين...
عدنان ساب شهد و مشي,شهد حطت ايديها علي قلبها..
شهد(بحب):يخرببيت تقلك و جمالك..
شاب:ايه يا ست شهد محتاجة حد يوصلك للبيت؟!
شهد(بخضة):يا غبي..
شهد(بزعيق):انت مالك انت يا واد يا عصفور غور من وشي..
عصفور:قولت اساعد..
شهد(بزعيق):ملكش دعوة..
عصفور:الله مالك يا ست شهد داخلة علينا بقلب جامد كدة..
شهد:وسع كدة من وشي...
شهد زقت اللي اسمه عصفور و راحت ل بيتها..
_في بيت عائلة العربي...
قاسم:انا همشي..
ست:ليه بس يا ابني بدري اوي؟!
قاسم:معلش بقي عليا محاضرة لازم اروح بدري..
قاسم:سلام يا ست الكل..
ست:ماشي يا حبيبي..
قاسم:خلي بالك منها يا زينة انتي و عهد..
زينة:في عينيا..هو انا ورايا حاجة قاعدة هنا جامعة و خلصت..
قاسم:طيب..يلا باي..
ست:خلي بالك و انت سايق يا ابني في رعاية الله..
قاسم:حاضر..
زينة:زوزو..
ست:امشي يا بت النظرة دي مش مطمناني..عايزة ايه؟!
عهد(بغمزة):افهمي انها عايزة تنزل تجيب العيش يا زينب..
زينب(والدة قاسم و عهد و زينة):نفسي اعرف سر حبها للعيش..
عهد:بتحب تساعد..
زينب:انزلي يا زينة..
زينة(بفرحة):حاضر حاضر..
زينة حضنت زينب اللي استغربتها..
زينب:مالك يا بت؟!
زينة(بتوتر):علشان يعني علشان بقالي كتير مبنزلش من ساعة التخرج فحاسة بخنقة...يلا هنزل انا...
عهد:الله يسهلو..
زينة:بس يا بت لتنقي فيها..
زينة قامت بسرعة جريت علي اوضتها و غيرت هدومها لهدوم شيك و لبست الطرحة علي شعرها و خرجت بره بيت العربي..
عهد:انا قايمة اذاكر..
عهد و هي قايمة خبطت في جسم حد..
عهد(بغيظ):الله بقي في ام عضلاتك دي..
عمر(ببرود):عهد ابعدي من وشي مش طايق نفسي..
عهد:و من امتي و انت بتطيق حد يا عم ريح نفسك الله...
عمر(بزعيق):و انتي مالك الله؟!
عهد:انا عملت حاجة..
زينب:بتزعق ل عهد ليه يا عمر؟!
عمر:مزاجي انا حر..اختي..
زينب:لا مش حر يا عمر..و البنت مغلطتش..
عمر:تؤ طلع ليكي لسان انتي مين انتي يا زينب بصي لنفسك و لمكانك كدة..
ست(بحدة):عمر احترم نفسك دي مرات ابوك...
عمر:و حتي لو انا مالي و كمان مش عهد اللي وقفت قصادي...وسعوا من وشي ده انتوا عائلة تقرف..
عمر سابهم و خرح بره بيت العربي...
ست:معلش يا زينب انتي عارفة تربية سوسن..
زينب:عارفة و مش زعلانة..
زينب:ربنا يهديه حقيقي زعلانة عليه..
ست:ربنا يأخد سوسن السبب..
سوسن:سمعتكوا بتجيبوا في سيرتي..ايه يا ضرتي انتي و اخت جوزي مالكوا سكتوا يعني..
ست:شوفنا عفريت بعيد عنك..
سوسن:مين دي اللي عفريت يا حنان؟!
حنان(اخت شهاب,برفعة حاجب):هي الحقيقة عيب يا سوسن..وشك يقطع الخميرة من البيت..
سوسن(بغيظ):طيب يا حنان خليكي كدة في صف زينب لغاية ما هتضحك عليكي...
زينب:ربنا يسامحك يا سوسن..
سوسن:اتمسكني انتي يا اختي...
زينب:ربنا يهدي...هروح اشوف عهد راحت فين يا حنان..
حنان:طيب يا حبيبتي روحي...
زينب راحت لاوضة عهد و حنان قربت من سوسن..
حنان:مش هنضحك علي بعض يا سوسن انتي عارفة انا بالنسبة لشهاب ايه و متزعلنيش منك علشان ميزعلش هو منك..
حنان طبطبت علي كتف سوسن و رفعت عينيها في عين سوسن..
حنان:هرجع اقولك الكلام ده للمرة المية ابعدي عني انا خالص و عن اي حاجة تخصني احسنلك..
سوسن بصت ل حنان بغيظ و سابتها و مشيت..
_في اوضة عهد..
زينب:عهد..
عهد:نعم يا ماما..
زينب:متزعليش من اخوكي عمر يا حبيبتي..
عهد:لا متخافيش عادي جدا..
زينب:تمام يا حبيبتي..
حنان:هو فين زينة؟!
زينب:نزلت تجيب العيش من الفرن..
حنان:طيب..
_عند زينة..
زينة نزلت من بيتها راحت للفرن...
شاب:ست زينة ايه اللي جابك؟!
زينة:هجيب عيش لينا..
شاب:ده انا اجيبه و اوصله لحد باب البيت..
زينة(بابتسامة):ملهوش داعي انا جيت اهو..
شاب:طب اتفضلي اقعدي..
زينة:هو عدنان جه؟!
شاب:لا لسة ملفش علي الفرنة..
زينة:طيب عايزة العيش بتاعنا..
شاب:حاضر يا ست الكل..
الشاب دخل للفرن و جاب العيش ل زينة و خرج ليها..
شاب:اتفضلي..
زينة:شكرا..انت عامل ايه و اخبار شغلك؟!
شاب:انا بخير الحمدلله يا ست الكل..
عمر(بحدة):انتوا واقفين تتكلموا انتوا الاتنين و انت يا زفت سايب شغلك ليه؟!
شاب:كنت بودي العيش لست زينة..
عمر(بحدة):طب غور من وشي..
زينة بصت للشاب بدموع و هو ابتسم ليها و سابها و مشي..
زينة:علفكرة يوسف مغلطش..
عمر(بحزة):زينة ثانية و ملقكيش قدامي..
زينة(بعصبية):انت فاكر ان حد بالطريقة دي هيحبك؟!تبقي غلطان يا ابن ابويا..
زينة سابت عمر و مشيت رجعت البيت,عمر قعد علي كرسي و هو بيفكر بعصبية..
عدنان:كوباية شاي..ايه يا عم عمر مالك؟!
عمر(بعصبية):سيبني في حالي يا عدنان..
عدنان(برفعة حاجب):انت نسيت انه بينا سنتين فرق و لا ايه النظام؟!
عمر(بعصبية):يووووووه انا ماشي يا اخي و سايبك..
عمر ساب عدنان و مشي و عدنان استغربه..
عدنان:ايه الشغل النهاردة؟!
الكل:كله تمام يا كبير..
عدنان:طيب كويس..
بنت:يا اسطا عدنان..
عدنان:ايه يا منار؟!
منار:عمر اخوك..
عدنان:ماله عمل ايه؟!
منار(بدموع):جه لابويا في المكتبة و طلب منه فلوس ايجار المحل..
عدنان:ايوه و بعدين يا منار اخلصي؟!
منار(بدموع):و لما ابويا قاله ان لسة في اسبوع علي الدفع زعقله و قاله اخر يوم بكرة للدفع..
عدنان:طيب انا هتصرف روحي انتي..
منار(بدموع):شكرا يا اسطا عدنان..
عدنان:يلا روحي..
منار سابت عدنان و مشيت,عدنان وقف يشرب كوباية الشاي بتاعته..
عدنان لقي شاب جاي ناحيته بيجري..
عدنان:في ايه يا رمضان جاي كدة ليه؟!
رمضان(و هو بينهج):مكان ما الحاج شهاب موجود في خناقة كبيرة حصلت..
عدنان ساب كوباية الشاي و قام جري و معاه رمضان,عدنان فضل يجري لغاية ما وصل للخناقة..
عدنان راح وقف جمب شهاب و وقف بيبص علي كل اللي موجود,شهاب كان واقف ماسك عصايته في ايده..
شهاب(بحدة):خلاص يا رجالة مبقاش في احترام الكبير..
شخص:هو اللي بيقول كلام بيخالف الاصول يا كبير..
شهاب:عارف يا حمدان..
شهاب:يا حاج إيهاب..
إيهاب:نعم يا حاج شهاب..
شهاب:اقعدوا و نتكلم..
كلهم قعدوا و شهاب بص ل عدنان و بعدها بدأ يتكلم..
شهاب:انتوا بترضوا باللي بحكم بيه؟!
الكل:طبعا..
شهاب:يبقي يا حاج إيهاب ابنك يطلق بنت الحاج حمدان و كله بالاصول بنت الحاج حمدان تأخد عفشها و دهبها..
إيهاب:بس ده مش عدل يا حاج شهاب..
عدنان:الحاج شهاب طول عمره بيقول الاصول و أي حد هيجيب سيرته بكلام مش هيعجبني يقول علي نفسه يا رحمن يا رحيم..
إيهاب:ا..
شهاب(بحدة):اسكت انت يا حاج إيهاب انا مخلصتش كلامي...
حمدان:كمل يا كبير..
شهاب:و الحاج حمدان هيدفع للحاج إيهاب 25 ألف..
حمدان:ليه كدة يا كبير؟!
شهاب:متنساش بنتك عملت ايه..
شهاب قام وقف و مشي و جمبه عدنان..
عدنان:هو ايه اللي حصل؟!
شهاب:مرات ابن إيهاب ضربته بالسكينة في كتفه..
عدنان:علشان كدة...
شهاب:و مش هأجي علي ولية فقسمت البلد نصين هما يأخدوا عوض و هي تأخد حاجتها و ترجع بيت ابوها..
عدنان:هتروح علطول يا حاج؟!.
شهاب:ايوه انا من الصبح بلف..
عدنان:طيب هروح الورشة انا..
شهاب:طيب..
عدنان راح للورشة بتاعته و مسك تليفونه اتصل بقاسم اخوه...الخط اتفتح..
قاسم:لحقت اوحشك؟!
عدنان:انت مشيت من غير ما تعدي عليا ليه؟!
قاسم:هو انت ليك مكان ثابت؟!
عدنان:وصلت؟!
قاسم:في الطريق اهو..
عدنان:ناوي ترجع النهاردة؟!
قاسم:لا هرجع آخر الاسبوع مشغول عندي محاضرات و حوارات كدة في الجامعة..
عدنان:طيب ابقي طمني عليك..
قاسم:طيب..
قاسم:انت اتكلمت مع عمر؟!
عدنان:هو ده حد يعرف يتكلم معاه يا عم؟!
قاسم:عندك حق و الله..
عدنان:هبقي اكلمك تاني..
قاسم:طيب يلا باي..
عدنان قفل مع قاسم و بدأ يشتغل في الورشة..
_عند قاسم..
قاسم كان بيسوق بعربيته و لقي الطريق زحمة..
قاسم قعد فترة كبيرة و لسة في زحمة فزهق و نزل من عربيته و حاول يشوف في ايه..
قاسم:لو سمحت هو في ايه؟!
راجل(بملل):بيقولوا واحدة ست بتتخانق مع راجل..
قاسم مشي جمب العربيات لغاية ما سمع صوت زعيق قرب من المصدر..
بنت(بزعيق):لا يا حبيبي لو كنت شايفني سهلة يبقي متعرفش انا مين..
ست:اهدي يا بنتي ما هو بيقول انه مقربش منك..
بنت(بزعيق):طبعا ما لو كانت بنتك كنتي قولتي كلام غير ده..
بنت(بزعيق):تعتذرلي حالا يا حيوان يا قليل الادب..
قاسم(بحدة):في ايه هنا؟!موقفين الطريق ليه؟!
سواق:معرفش بتتبلي عليا و هي اللي حاولت تغريني..
بنت(بزعيق):طبعا ما انت راجل ناقص يا راجل يا ناقص..
البنت مسكت في قميص الراجل و كانت هتضربه قاسم مسك دراعها و شدها..
قاسم(بحدة):هو ده أسلوب..اهدي كدة و قولي في ايه؟!و انجزي مش فايق..
بنت(بزعيق):و انت مالك انت كمان؟!
قاسم(بحدة):بصي وراكي شوفي كام عربية و كام شخص متعطل بسبب جنابك..
البنت لفت ورا و شافت العربيات الواقفة كلها و الناس اللي حواليها..
بنت:قصدك يعني ان لما راجل ناقص زي ده يعملي حاجة اسكت سواء انا او اي بنت غيري اومال فين العدل..
قاسم:ايه اللي حصل؟!
بنت:كنت هركب ورا لقته نزل راجل من جمبه و قالي تعالي اركبي يا آنسه و لما ركبت جمبه و حاول يلمسني و قالي كلام قذر..
قاسم:شهادة حق مين هنا شاف اللي حصل؟!و خليك عارف ان اللي هيشهد بأي شهادة سواء كانت زور او حق هيتحاسب عليها..
الناس بدأت تبص ل بعضها و بعدها بصوا لقاسم..
ست:عندها حق..
شاب:ايوه ده حصل...و سمعته و هو بيقولها كلام زبالة..
قاسم قرب من السواق اللي خاف اول ما شاف هيئة قاسم و رجع ل ورا,قاسم مسك السواق من قميصه و ضربه كذا مرة في وشه و في كل جسمه..
قاسم(بغضب):لما تفكر تعمل كدة حط مكانها بنتك او مراتك او اختك او حد من عائلتك و لو قبلت عليهم كدة يبقي انت******..
قاسم(بحدة):و انتوا شايفين نفسكم رجالة؟!لما يبقي قدامكم واحدة ست بتتعاكس و انتوا واقفين ساكتين هي دي الرجولة..
قاسم(بحدة):اعتذر ليها..
السواق(بخوف):انا آسف..
البنت كانت حاسة بالفخر الشديد من اللي قاسم عمله..
قاسم(بحدة):يلا غور في داهية و فضوا الطريق..
قاسم سابهم و مشي و راح ناحية عربيته البنت جريت وراه بس ملحقتهوش,كانت كل العربيات بدأت تتحرك و قاسم ساق ناحية الجامعة بتاعته..
****************************
-في مكان تاني...
_عند غصون..
غصون كانت في اوضتها اللي في بيت رامي نامت بعمق و من كترة العياط و التفكير..
الباب خبط كذا مرة و كانت نور عايزة غصون,نور ملقتش رد من غصون فدخلت ليها و قربت من غصون...
نور:غصون غصون يا غصون..
غصون(بخضة):ايه؟!
نور:ايه يا حببتي بناديكي..
غصون(بنوم):عايزة ايه يا نور؟!
نور:قومي مراد اتصل و قال انه في الطريق...
غصون قامت بسرعة من نومها و رجعت شعرها ل ورا و بصت ل نور..
غصون:طيب طيب هقوم البس و اجي..
نور:طيب يا حبيتي يلا..
غصون:شكرا يا نور انك واقفة جمبي..
نور:انتي هبلة يا بنتي انتي اختي..انا من غيرك مكنتش اتجوزت رامي اللي بحبه انتي ساعدتينا كتير في حياتنا و اللي بنعمله معاكي ده حاجة بسيطة..
غصون حضنت نور جامد و باست خدها..
نور:يلا قومي..
غصون:حاضر..
نور خرجت بره اوضة غصون و غصون قامت دخلت الحمام و غسلت وشها و خرجت تغير هدومها..
"نور لبست بنطلون اسود و فوقه تي شيرت باللون الاسود بأكمام واسعة و نازل من علي الكتف و قصير لغاية الخصر و لبست كوتشي ابيض و سيبت شعرها علي ضهرها و شدت شعرها من قدام ل ورا"...
غصون خرجت من اوضتها لقت غيث قاعد هو و رامي بيلعبوا بلايستيشن مع بعض...
رامي:خلي بالك..
غيث(بسخرية):رامي متحاولش تداري علي خيبتك..
رامي:اوف بقي هو محدش يقدر يكسبك...
غيث(بسخرية):عمرك شوفت غيث الاسيوطي بيخسر اي مباراة...
غصون:انتوا مش هتكبروا؟!
رامي:اخوكي المغرور ده مصنوع من ايه؟!
غصون:و حياتك ما اعرف ده اذا كان انا اخته و معرفش الغرور ده جايبه من فين..
الباب خبط جامد..
رامي و غيث قاموا وقفوا,غيث راح ناحية غصون اللي حضنته و غمضت عينيها جامد و هي خايفة..
رامي فتح الباب و اتنهد..
رامي:حرام عليك يا شيخ افتكرتك هما..
مراد(و هو بينهج):هو فعلا كمان خمس دقايق و هنلاقيهم هنا..
غصون:ازاي؟!
مراد(و هو بينهج):طلعوا بيراقبوني لازم تختفي انتي و غيث من هنا...
غصون ضمت غيث لحضنها اكتر و بصت ل رامي و مراد..
رامي:نور نور جهزتي اللي قولتلك عليه؟!
نور:ايوه الشنطة جاهزة..
رامي:اسمعيني يا غصون..
غصون:ايه؟!
رامي:زي ما قولتلك قبل كدة هضطري تعيشي في مكان بعيد لفترة لغاية ما نعرف الحقيقة..
رامي:و هما مينفعش يجوا هنا و يلاقوكي...
مراد:رامي مفيش وقت انجز..
رامي:ا..
كلهم ارتبكوا لما سمعوا صوت ناس طالعة علي السلم و حد بيخبط علي الباب بطريقة مفزعة..
*****************************
_*إيه رأيكم في البداية؟!و إيه رأيكم في غلاف الرواية؟!*♥️..
*******************
يتبع:::::::