حارة العشق «قيد التعديل»

الفصل الرابع..

نكمل روايتنا(حارة العشق)بقلم سلسبيل كوبك..
الفصل ال4..
اخر حاجة وقفنا عندها في الفصل ال3..
غصون كانت بتجري في حواري متعرفهاش و اتكعبلت و هي بتجري فوقعت في الارض الشباب وصلوا ليها..
شاب1:بتهربي من منطقتنا..ضحكتيني!
الشاب التالت قرب من غصون و مسكها من شعرها و شدها ناحيته,غصون خافت من منظره..
غصون:علفكرة بقي اللي بتعمله ده ضد القانون..و البوليس هي..
شاب1:بوليس بوليس مين يا قطة محدش يقدر يدخل منطقتنا البوليس ذات نفسه يخاف مننا..
غصون بصت للشاب ده و بصت وراها,غصون داست جامد علي رجل الشاب و طلعت تجري..
شاب1(بغضب):هاتوها..
الاتنين جريوا ورا غصون و هي كانت كل شوية تبص وراها..
في الوقت ده عدنان كان بيقفل ورشته لانه قرر يبات في الورشة للصبح..
فجأة عدنان لقي غصون بتدخل الورشة قبل ما يقفل...
عدنان(بحدة):بتعملي ايه هنا؟!
غصون(و هي بتنهج):تلت رجالة غراب كدة جريوا ورايا لقيت المحل ده مفتوح قمت دخلته..
عدنان خرج بره الورشة لقي الشابين وقفوا اول ما شافوه..
شاب3(بتوتر):عن اذنك يا اسطا عدنان..
شاب2(بهمس):يلا نخلع..
عدنان عرفهم هما مين و دخل ل غصون الورشة لقاها بتنهج لسة جاب ليها ماية و وداها ليها..
غصون:شكرا..
عدنان قعد قدام غصون و هي خافت و رجعت برأسها ل ورا و بصتله..
عدنان:ايه اللي حصل؟!
غصون:انا نزلت اشتري كذا حاجة من السوبر ماركت و لما خرجت من السوبر ماركت توهت و فضلت امشي لغاية ما قابلتهم و قعدوا يتكلموا و كانوا عايزين احم كانوا عايزين يعني طبعا انت فاهم..
عدنان بص ل غصون و بعدها قام وقف حط ايده في جيبه و بصلها بهدوء..
عدنان:قومي اروحك بيتك..
غصون:شكرا..
عدنان خد حاجته و قفل الورشة و مشي هو و غصون..
غصون(بتوتر):متأكد ان ده طريق البيت..
عدنان مال بوشه علي غصون اللي اتفاجات من حركته..
عدنان:اسمي عدنان العربي لو متعرفيش مين هو عدنان العربي اسألي اي عيل صغير هيقولك مين هو..
غصون(بغباء):بس انا هعمل ايه بأسمك..
عدنان(ببرود):امشي و انتي ساكتة مش ناقص كلام انا مصدع..
غصون مشيت جمب عدنان و عدنان وقف قدام سوبر ماركت عارف انه بيفتح لوقت متأخر..
عدنان:خليكي هنا..
عدنان دخل اشتري حاجات بسيطة لعشاء و خرج بشنطتين وداهم ل غصون..
غصون:ايه دول؟!
عدنان:عشاء بدل اللي وقع منك في الشارع..
غصون:لا شكرا مش بقبل حاجة من غير فلوس..
عدنان:و انا مطلبتش منك فلوس..
غصون:لو سمحت دفعت كام علشان ارجعهم ليك..
عدنان(ببرود):قولتلك مصدع مبحبش الكلام الكتير..
غصون(بانفعال):انا مليش دعوة هدفعلك يعني هدفعلك مبحبش حد يعملي حاجة كدة من غير مقابل..
عدنان:طيب و انا مش عايز المقابل فلوس..
غصون(بحذر):اومال؟!
عدنان ابتسم بسخرية علي خوفها الواضح و قرب منها و هي رجعت ل ورا و كانت هتقع بس هو مسك دراعها..
عدنان:متخافيش انا بفهم في الاصول كويس..
عدنان:و لو انتي مُصرة علي الدفع فانا مستغني عن فلوسك..و كمان الايام دول..
عدنان سند غصون و وقفها و هي بصتله باستغراب,عدنان سابها و مشي و هي مشيت وراه..
عدنان وقف قدام باب بيت غصون و هي كانت بتفكر في كلامه و مأخدتش بالها انه وقف فخبطت في ضهره..
غصون:آه..
عدنان:بعد كدة متنزليش بليل احسنلك..و.
غصون:و؟!
عدنان:هدومك دي حاولي تخليها محترمة..
غصون(برفعة حاجب):انت انقذتني اه و شكرا ليك بس ده مش معناه انك تتدخل في هدومي..و كمان ا..
عدنان:بس بس مش عايز اسمع كلمة قولتلك مصدع..
غصون(بغيظ):هو انت لما بتتكلم مبتبقاش مصدع و لما انا اجي اتكلم بتصدع يعني..
عدنان:ايوه بالظبط صوتك مزعج..يلا اطلعي علي شقتك..
غصون بصت ل عدنان بغيظ و سابته و طلعت لشقتها..
عدنان مشي ناحية بيته بس وقف لما سمع صوت اخوه عمر بيناديه..
عمر:ايه هي المزة دخلت دماغك و لا ايه؟!
عدنان وقف قدام عمر و ربع ايده و بصله..
عدنان:عمر انت عارف كويس اني مش ببص لبنات الناس بنظرة زبالة زيك..
عمر(بسخرية):اه بأمارة شهد؟!هو مش انت من فترة للتانية بتروح لشهد..
عدنان(بغضب مكتوم):ملكش دعوة يا عمر و ابعد عن وشي..
عمر:ايه خايف اقول للحاج..و يعرف حقيقة ابنه اللي طالع بأخلاقه للسماء..
عدنان:مش هرد عليك و انت عارفني مش بخاف و اعمل اللي انت عايزه..
عدنان:مبقاش غير العيال يتكلموا..
عدنان بص ل عمر باحتقار و عمر بصلها بغضب,عدنان لف ضهره علشان يكمل مشي بس اتفاجئ بعمر و هو بيزقه و بيضربه بوكس في وشه..
عمر(بغل):يا انا يا انت يا عدنان و انت عارف إني بكرهك و مجرد ما بيجي اسمك بكون عايز اقتلك..
عدنان:ما ده علشان انت واحد خسيس متعرفش يعني ايه اخوة..
عدنان ساب عمر و مسح الدم اللي علي شفايفه و دخل بيت العربي و طلع شقته و قفل الباب قعد علي اول كرسي قابله...
عمر كان في قمة غضبه و دخل بيت العربي و دخل لاوضته و قعد يفكر ازاي يخلص من عدنان..
******************************
-في الصباح الباكر...
_عند رامي و نور..
رامي:همشي انا يا حبيبتي عايزة حاجة؟!
نور:لا كلمني لما توصل..
رامي:طيب..
رامي باس رأس نور و سابها و نزل,نور بدأت تشيل اطباق الفطار و تغسلهم..
الباب خبط..
نور:يا تري نسي ايه؟!
نور راحت و فتحت الباب لقت قدامها كذا شخص ببدلة سودة,رجعت ل ورا و حاولت تقفل الباب بس في شاب منهم زق الباب جامد و هي وقعت علي الارض..
نور(بخوف):انتوا عايزين ايه؟!
شاب2:هتيجي معانا..
نور(بخوف):فين؟!
في شابين مسكوا نور اللي كانت خايفة جدا منهم و حاولت تقاومهم بس في شخص وداها مخدر و ثواني و كانت نور مغمي عليها..
شاب1:يلا..
شابين شالوا نور و نزلوا من العمارة و ركبوها عربية سودة للحراسة و مشيوا..
كان بواب العمارة مرمي في الارض مضروب لانه اعترض طريقهم و هما طالعين..
بعد فترة العربية وقف قدام ڤيلا الشخص اللي اسمه وليد,نزلوا نور و دخلوها ل جوا..
عدي:براڤو..تقدروا تأخدوا الفلوس دي و تقسموها علي نفسكم...
الحراس مشيت و هي فرحانة من الفلوس,كانت نور مرمية علي كنبة موجودة باهمال..
عدي:نكلمه دلوقتي و لا نستني شوية..
وليد:استني لما نستجوبها هي الاول..
عدي مسك كوباية ماية رشها علي وش نور اللي شهقت و قامت مفزوعة من مكانها..
نور(بخوف):عدي!
عدي(بخبث):ايوه عدي يا حلوة..
عدي(بخبث):انتي هنا في بيت وليد بيه و تحت ايدي و مفيش هنا لا رامي يقدر ينقذك و لا غصون تدافع عنك..
عدي:هتقولي اللي عندك و تتكلمي و لا اشوف شغلي معاكي؟!
نور(بخوف و توتر):و الله ما اعرف غصون فين..معرفش لا انا و لا رامي..
نور(بخوف و توتر):هي اصلا مجتش عندنا من ساعة الحادثة..
عدي مسك شعر نور جامد و هي صرخت..
عدي(بغضب):عايزة تفهميني ان غصون مجتش عندكم و لا كلمتكم..
عدي(بغضب):انطقي انجزي هي فين..و الا انتي عارفاني ممكن اعمل ايه..
وليد(بهدوء):سيبها يا عدي..
عدي(بغضب):لما اعرف غصون فين..
نور(بشجاعة مزيفة):و حتي لو لقيتها غصون عمرها ما هتبص لقاتل زيك..
عدي ضرب رأس نور في الترابيزة اللي قدام الكنبة و هي صرخت باسم رامي...
عدي(بغضب):نادي عليه نادي..هيركب جناحات و يجيلك..
عدي اتصدم اول ما سمع صوت رامي من وراه..
رامي(بغضب):نزل ايدك عنها و الا و ربي كل الحراس اللي بره يكون متصفين في دمهم بأمر مني..
وليد(بحدة):سيبها يا عدي..
عدي زق نور اللي وقعت في الارض بتعيط و هي بتبص ل رامي اللي مد ايده ليها و هي قامت جريت ناحيته و حضنته جامد..
رامي(بهمس):خلاص اهدئ انا هنا علشانك..
رامي خلي نور ورا ضهره و قرب من عدي ضربه بوكس في وشه كذا مرة..
رامي(بحدة):هو محدش علمك الرجولة تبقي ازاي؟!
عدي قام وقف و ضرب رامي في بطنه..
وليد:خلاص وقف المجزرة اللي حراسك عاملينها بره دي و ابعد عنه..
رامي:احذروني مش هعيد كتير..
رامي قرب من نور و مسك ايديها و خرج بره ڤيلا وليد,شاور لحراسه يبطلوا ضرب في حراس وليد..
رامي فتح باب العربية لنور و هي ركبت,رامي لف و ركب العربية و بدأ يسوق ناحية شركته و وقف قدامها..
رامي:انتي كويسة؟!
نور(بدموع):اه..
رامي رفع وش نور و شاف الجرح اللي في رقبتها و جمب رأسها,قرب من نور و باس رأسها..
رامي:آسف..
نور(بدموع):عرفت ازاي؟!.
رامي:البواب اتصل بيا و هما مش خاطفينك علشان موصلش ليكي هما خاطفينك علشان انا اجيلهم..
نور(بدموع):رامي ما تيجي نسيب البلد يومين..
رامي بصلها بتحذير و نزل و نزلها من العربية و طلعوا للشركة و دخل مكتبه..
رامي:نور علشان خاطري افهمي إني مش ضعيف علشان اخاف و اهرب لا يا حبيبتي انا قوي و اقدر اواجههم..
رامي قعد نور علي كرسي المكتب و جاب علبة الاسعافات الاولية و بدأ يطهر جروحها..
رامي:ممكن بقي يا نور هانم تشرفينا النهاردة في شركتي المتواضعة؟!
نور(بابتسامة):اكيد..
رامي باس ايد نور و بدأ يشتغل و هي قاعدة معاه في المكتب..
****************************
-في مكان تاني..
_عند قاسم....
قاسم صحي من النوم و بدأ يغير هدومه..
"قاسم لبس بنطلون جينز و فوقه تي شيرت ابيض بكم و لبس كوتشي ابيض"..
قاسم لبس نضارته و خد حاجته و نزل ركب عربيته و راح للجامعة..
قاسم اول ما دخل راح ناحية مكتبه لقي الورقة اللي فيها معلومات عن سندس عماد..
قاسم دخل المحاضرة بتاعته و بص في الكشف لقي اسم سندس عماد ...
قاسم:سندس عماد..
قامت سندس بارتباك وقفت و قاسم بصلها..
قاسم:تكوني علي مكتبي بعد المحاضرة..
قاسم بدأ يشرح و سندس كانت متوترة و خايفة من ردة فعله,قاسم بعد ما خلص شاور ل سندس و دخل لاوضة مكتبه..
بعد دقايق كانت سندس واقفة قدام مكتبه و مترددة..
سندس:يا رب..
سندس خبطت و قاسم سمح ليها تدخل..
سندس(بتوتر):انا سندس يا دكتور..
قاسم:طبعا انتي عارفة انا جايبك ليه فمن غير لف و دوران انتي اللي كلمتيني و قولتي الكلام السخيف بتاعك..
سندس هزت رأسها بمعني لا بارتباك....
قاسم:اومال مين؟!
سندس لا رد..
قاسم(بحدة):انتي عارفة إني ممكن احولك للتحقيق و ممكن افصلك..فبلاش لف و دوران تعالي معايا دوغري و سكة(من غير لف و دوران برضو*🌚)..
الباب اتفتح و قاسم لقي ماسة داخلة و هي بتنهج..
ماسة(و هي بتنهج):اهلا..فين الدكتور الرخم؟!
سندس فتحت عينيها علي آخرهم و وقفت ورا ماسة و ماسة رفعت عينيها لقت قاسم شهقت..
ماسة:هو ده الدكتور العجوز بتاعك؟!
سندس(بهمس):هو انا قولتلك انه عجوز انتي اللي اصريتي..
قاسم(ببرود):مين سمحلك تدخلي هنا؟!هو مفيش احترام؟!
ماسة:افتكرتك هتأكل بنت خالتي..
قاسم(لغيظ):ليه حد قالك إني بأكل لحوم البشر..
قاسم:اطلعي بره..
ماسة:هطلع و معايا سندس..
قاسم:استني استني هو انتي اللي كلمتيني علي اساس صوت راجل مش كدة..
ماسة:ايوه انا يبقي تطلع سندس من حسابنا..
قاسم:حسابات ايه يا ام حسابات انتي عارفة انها ممكن تتحول للتحقيق و ممكن تتفصل..
ماسة:اوف بقي ما انت مش عايز تنجحها..
قاسم:و هي بتعرف تذاكر علشان تنجح و كمان لو نجحتها كدة من مجهود يبقي كدة انا اللي هتأذي و هتحاسب..انا مش بغش في شغلي يا آنسة..
ماسة اتحرجت من كلام قاسم و حطت رأسها في الارض..
ماسة:ما هي بتذاكر لكل المواد الا مادتك لانها مش قادرة تفهم..
قاسم:يبقي تيجي تقولي انا مش فاهمة يا دكتور مش تعملي العملة اللي انتي عملتيها..
ماسة:خلاص بقي قلبك كبير..
قاسم:قسما بربي لو اللي حصل ده اتكرر معايا او مع غيري لاقطعلك لسانك ده..
قاسم:و بدل ما تساعديها علي المذاكرة و النجاح بتساعديها علي الفشل..
ماسة(باحراج):ما قولنا خلاص..
سندس(بخجل):انا آسفة يا دكتور اوعدك هذاكر و لما تقف قصادي حاجة هجيلك تشرحلي..
قاسم:طيب يا سندس امشي..
سندس و ماسة كانوا هيخرجوا بس قاسم وقف ماسة..
قاسم:قولت سندس..
سندس خرجت و سابت ماسة لوحدها..
ماسة(بهمس):و ربي لما اطلعلك يا بنت عماد..
ماسة:افندم!
قاسم:اسمك ايه؟!
ماسة:يفرق معاك بايه جنابك؟!
قاسم:لا انا شكلي كدة هفكر اقصلك لسانك..
ماسة(بغيظ):اسمي ماسة خير افندم عايز ايه؟!
قاسم:لا مش عايز يلا روحي..
ماسة(بغضب,لنفسها):ياااااه لو انقض عليك كدة و اقتلك في ايدي..
ماسة بصتله من تحت ل فوق و سابته و مشيت...
قاسم قعد علي كرسي مكتبه و غمض عيونه و سرح بخياله و هو بيفكر في كذا حاجة..
****************************
-في مكان تاني...
_عند غصون..
غيث صحي من نومه و كان حاسس بوجع في رأسه قام وقف و خرج بره اوضته لقي غصون نايمة علي الكنبة و قدامها علي الترابيزة شنط فيها اكل فتح الشنط و بدأ يأكل لانه كان جعان اوي..
غصون صحيت لقته بيأكل كتير زعلت علي الحالة اللي وصلوا ليها..
غصون(بابتسامة):صباح الخير..
غيث(بابتسامة):صباح النور...الاكل حلو جبتيه منين؟!
غصون:نزلت بليل اشتريته بعد ما خلصت الشقة..
غيث:طيب..تسلم ايدك..
غصون:يا حبيبي..
الباب خبط غصون قامت فتحت الباب لقت شهد واقفة و ساندة بايدها علي الباب و بصتلها ببصة احتقار..
غصون:اتفضلي؟!
شهد:اسمك ايه يا شاطرة؟!
غصون بصتلها بضيق و ربعت ايديها و بصت ل شهد..
غصون:اسمي غصون الانسة غصون..
شهد(بسخرية):آنسة طيب..
شهد:و منين بقي؟!
غصون:انتي بتسأليني بصفتك مين؟!
شهد:بصفتي ستك يا روح امك..
غصون(بعصبية):انتي ملكيش حق تتكلمي معايا بالاسلوب ده..التزمي حدودك..
شهد:طب بصي يا زفتة انتي انا جاية اقولك كلمتين تحطيهم حلقة في ودنك..
ام عبده خرجت علي صوت شهد و غصون و راحت ناحيتهم...
ام عبده:في ايه يا ست شهد؟!
ام عبده:زعلتيها في ايه يا غصون؟!
غصون:اولا هي اللي جت لحد بيتي و بتتكلم بطريقة مش محترمة ثانيا هي قليلة الذوق و الرباية..
شهد وطت مسكت شبشبها و كانت هتضرب بيه غصون بس لقت ايد مسكتها بغضب..
غيث(بغضب):ايدك متتمدش علي اختي احسن و غلاوتها عندي لاقطعهالك و انا عارف انا بقول ايه..
غيث(بغضب):قولي اللي عندك باحترام و لو متعرفيش يعني ايه احترام يبقي متقربيش ناحيتنا..
غيث زق ايد شهد اللي اتصدمت من ردة فعله..
شهد:بتمد ايدك عليا؟!
غيث:انا كدة ممدتش ايدي بس ممكن امد ايدي لو حاولتي تأذي اختي..
شهد(بحدة):اسمعي يا بت انتي انا جاية اقولك كلمتين..عدنان خط احمر فاهمة يعني ايه خط احمر ده انا ادفنك و انتي حية لو قربتي منه..
غصون:عدنان مين اللي بتتكلمي عليه؟!و كمان انا يوم ما ابص مش هبص لواحد من اللي موجودين في المكان ده ناس غجرية..
شهد:و لما احنا ناس غجرية يا اختي جيتي تسكني عندنا ليه..
غصون:مش عارفة انا بتكلم معاكي ليه اصلا..
شهاب(بحدة):شهد..
شهد(بتوتر):حاج شهاب..
غيث(بسخرية):مالك خفتي ليه يعني؟!
عدنان:مش المفروض تتعلم ازاي متمدش ايدك علي حرمة و لا ايه يا غيث..
غيث:لما يتعلق الموضوع بأختي انسي إني اشوف قدامي..
غصون:احم اتفضلوا..
كلهم دخلوا لشقة غصون و قعدوا..
شهاب:بسم الله ما شاء لحقتي عملتي ده في يوم..
غصون:شكرا لحضرتك..
شهاب:احم انا كنت جاي النهاردة علشان نشوف هتحتاجوا تعويض قد ايه..
غصون:تعويض لايه؟!
شهاب:للي حصل ل غيث اخوكي يا بنتي..
شهد:يا حاج ما انا قولتلك هو اللي غشيم..
شهاب(بحدة):شهد اعتقد خلصتي اللي كنتي جاية علشانه و مفيش داعي لوجودك معانا..
شهد بصت لغصون بغضب و سابتهم و مشيت..
شهاب:ها قولتي ايه يا بنتي؟!
غصون:لا شكرا يا عمو مفيش داعي للتعويض الحمدلله علي اللي حصل..
غصون:انا راضية بكدة..
غيث(بهمس):دي فرصة حلوة نأخد فيها فلوس و كمان انا اتعورت و بتوجع و دي فلوسي انا و من حقي..
غصون(بهمس):اخرس يا مادي حقير..
شهاب:يعني انتي موافقة يضيع حقكم؟!
غصون:انا مش عايزة مشاكل انا هنا لفترة مؤقتة و همشي و مش عايزة اخلق مشاكل بيني و بين حد و كمان اكيد مكنوش قاصدين يضربوا غيث..
ام عبده:يا لهوي ده انتي علي نياتك خالص..
غصون:احسن ما اكون بلعب من تحت الترابيزة يا طنط..
ام عبده بصت ل غصون بسخرية لنظريتها و وجهة نظرها,شهاب قام وقف و كذلك عدنان..
شهاب:طيب يا بنتي براحتك..
غصون:شكرا..
شهاب:لو عوزتي حاجة فانا موجود و كذلك عدنان ابني..
غصون:شكرا لحضرتك مرة تانية...بعتذر إني مقدمتش حاجة بس زي ما حضرتك شايف يعتبر لسة مجبتش حاجة..
شهاب:تمام...عدنان خليك شوفها لو محتاجة حاجة و بعدها روح علي الورشة..
غصون:لا مش محتاجة حاجة شكرا لحضرتك..
شهاب و عدنان خرجوا و غصون نادت علي عدنان..
غصون:لو سمحت لحظة..
غصون خدت فلوس بسرعة و جريت ناحيته..
غصون:امبارح مكنتش فايقة علشان اتناقش..دي فلوسك..
غصون مسكت ايد عدنان اللي بصلها بصدمة لما اتجرأت و مسكت ايده و حطت في ايده الفلوس..
غصون:باي باي..
غصون قفلت الباب في وش عدنان اللي كان مصدوم من جراءتها و نزل ورا شهاب..
ام عبده:هتشوفي ايام سودة يا غصون..
غصون:انا معملتش حاجة لحد...
ام عبده:و ايه اللي بينك و بين اسطا عدنان علشان تناديه و تروحيله كدة..
غصون:علفكرة يا طنط انا مبحبش الرغي الكتير..
غصون:بقولك يا غيث تعالي عايزاك في موضوع..
ام عبده بصت ل غصون بغضب و سابتها و خرجت بره الشقة..
غصون كانت بتتكلم مع غيث و فجأة سمعت صوت صريخ في الشارع طلعت هي و غيث البلكونة...
غصون:ايه اللي بيحصل ده؟!
غيث:احنا قولنا منتدخلش يا غصون..
غصون:خليك هنا يا غيث..
غصون خرجت بره الشقة و غيث نزل جري وراها..
كانت منار بنت صاحب المكتبة اللي في الشارع بتصرخ و كان في شخص ماسكها من شعرها و بيضربها علي وشها بالاقلام..
الشخص كان لسة هيضرب منار لقي غصون مسكت ايده..
غصون(بحدة):مين اداك الحق انك تمد ايدك علي واحدة ست؟!
شخص(بغضب):و انتي مين انتي؟!
غصون:ملكش دعوة انا مين..
شخص(بغضب):انا ابقي جوزها..
منار(بعياط):ابدا طليقي..
غصون:اهي قالت طليقها يا ريت تبعد بقي..
كل الستات كانت واقفة تتفرج و الرجالة ماسكين طليق منار علشان كان عايز يضربها هي و غصون..
غصون(بحدة):هي الرجولة انك تضرب واحدة ست في الشارع؟!
عمر(بحدة):ايه اللي بيحصل هنا؟!
غصون(بحدة):ملكش دعوه..
عمر مسك غصون من شعرها بغضب..
عمر:قولتي ايه يا روح امك؟!
غصون بصتله و غيث مستحملش ده يحصل ل غصون جري علي عمر ضربه بوكس في وشه,عمر بِعد عن غصون و غصون خبت غيث ورا ضهرها..
غصون:انت اللي بدأت فاياك تقربله احسن و ربي..
غصون(بوجع):آه...
عمر ضرب غصون قلم علي وشها,و في نفس اللحظة كان عدنان وقف قدام غصون و ضرب عمر بوكس في وشه...
***************************
يتبع::::::::::