قصر التركماني بقلم ضحي حامد .

البارت الثلاثون والاخير

اكمل كمال بغضب :عشان كده كانوا بيعيوا بنفس المرض لحد ما يموتوا انتم مش بنى ادمين خساره فيكم الموت ..... ويبقي علشان كده نوران محصلهاش حاجه علشان ناريمان كانت مقعداها جنبها معرفتش تدخل القصر ،كنت بتحط السم في اوضة الخدم يا حيوان يا واطي .....فى حاجه اخيره عاوز اعرفها لما هي طلبت منك تقتل فريده ازاى قتلت عدلى

_يا بيه دى كانت اول مره امسك سلاح
وانا شوفته من بعيد وهو بيحدف العربيه بعد ما كنت ماشي وراهم  وكنت عاوزه يوقف بس هو سابقني وحدف العربيه وهو راجع  وقفته و هددته عشان اعرف منه مكان فريده رفض يعرفنى مكانها هددته بالمسدس راح شده من ايدى وضربنا بعض وكنت عاوز اخد منه المسدس لكن خرجت منه رصاصه من غير قصد ،حد فينا داس عالزناد لاقيته غرقان بدمه وكان لسه عايش سبته وهربت ..والباقى معرفش عنه حاجه

_والمسدس جبته منين؟!
=دولت هانم هي اللى جبتهولى وهى عرفتى ازاى استخدمه

حاولت دولت إستغلال شجارهم والخروج من المكان والهروب خارجاً لكن أوقفها ما جعلها تُصدم بشده حين أردف إحدي الضُباط :كفايه كده يا كمال بيه احنا كده هنكمل التحقيقات فى النيابه ...اتفضلى معانا يا دولت هانم ...وانت يا سيد ومين التاني اللى كان معاك فى العربيه اللى طاردتوا بيها عدلى الله يرحمه ، اتكلم احسن ليك
_هقولكم كل حاجه يا بيه
=تمام ...يلا خدوهم ع البوكس....متشكر جدا لحضرتك يا كمال بيه على تعاونك معانا
من غيرك مكناش هنعرف نوصل لدولت واعترافتها هى والنصاب التاني

أردف كمال بهدوء :من غير شكر دا حق اخويا الله يرحمه من يوم موته وانا حلفت انى اخد حقه
واخلى المجرم ياخد جزائه

صافح كمال الضابط ونظر نظره اخيره لدولت واغلق عينيه بأسف قبل أن يصعد ويجمع العائلة بأجمعها وحكي لهم جميع ما حدث

كانت ردة فعلهم شبه بارده فدولت كانت سيئه ولا تتحدث معهم أما عن مُرجان أُغشي عليها وصعد بها عُثمان إلي جناحها مما أغضب زُمرد لكنها تمالكت نفسها فهذا ليس الوقت المناسب لهذه الغيره .
...........
وبعد يومان قد هدأت مُرجان كثيراً واقتنعت أن هذا الحل الصحيح بخصوص والدتها بعد كم المصائب التي اقترفتها بحقهم وحق نفسها.

طرقت علي جناح نريمان واردفت بإبتسامه :ممكن ادخل يا anna
ردت ناريمان بإبتسامه اكبر :تعالى يا حبيبتي

قبلت مرجان يدها ثم تحدثت بخجل : انا عارفه إني غلطت كتير وعملت حجات كتير غلط وكنت ماشيه ورا ماما في كل حاجه بس خلاص انا عرفت الصح من الغلط وشوفت اخر تفكيرها وصلت لحد فين ،، انا ناويه اتغير بس مش عارفه اتغير ازاى ومحتاجه حد يساعدني انا حسه انى وحيده اوي يا anna ياريتني مت مع بابا .
_لاء يا مرجان انتِ مش وحيده ..انتِ ليكى اخت وهى اللى هتساعدك وتقف معاكى
=مش فاهمه يعنى ايه ليا اخت وهي مين وكانت فين من زمان
_انا هفهمك
وبعد أن قصت لها ناريمان ما حدث
وقفت مرجان بزهول وأحاسيس مختلطه ومختلفه تحاول إستيعاب أن لها اُخت بل أيضاً اختها هي نفسها التي أهانتها وقللت من شأنها أمام الجميع