فَزيت من حُبَك بَعد
ترخص گُمت مَا تغلى
و حَليآن بغيابَك نَعم
صَاير أنه هوآي أحلى
والله گُمت آنة أنحسد
بقمة دَمعتي وخَنگتي
والشآفني شآف العَكس
عَبالة چنت بحَفلة
وحَتى بوَگعتي آنة أختلف
وگعتهآ حلوهَ الگذلة
عآيش عَلى الله وعَ الصور
مو سَهلة أشگهن أي چنت
بَس هسة كِلش سَهلة .
مريم
كال هيج وبجيت وشمرت روحي بحضنه شبكني حيـل وكال بـوية ردتلي روحي واني حاضنته ودموعي تنزل
عشرة عشرة رفع راسي باسني ومسح دموعي وكال بهدوء اشش يروحي عليمن البجـي هاهية صـرتي الي
بعد محد يكدر ياخـذج منـي كتلة وعيوني مدمعة للموت سوية؟ شبكنيي حيل حسيت ضلوعي تكسرت
وكال للموت بوية للموت ابتسمت ومسح دموعي وكال بحنـية وهوة يمسد علئ شعري احـبج حيـل بحـيث
تجيني مرات احس انتِ هذا النفس اليصعد وينزل بصدري انتِ روحي وراحتي ابتسمت بخجـل غمض
عيونة وتنهد وكال ضعيف كدامج كلش ضعيـف دنكت واندك الباب فزينا عدلت بدلتي وهوة مسح كصته
دخـل بابا وسد الباب وراه يمة اجيت اموت بمكـاني وكف يمنا ضمني لحضنه وكال وهوة يحجي وية احمـد
بوية ترا انطـيتك وردة مو تذبلها !رد عليه احمد بابتسامة واحراج من رخصتك عمي حاسبها بنيتي كال
هيج اجيت اموت بمكاني من الخجل عزا يمة فديته ابتسم بابا وضل يوصي بية علية وكلة ان شاء الله
بفترة الخطوبة تتفاهمون بعد اكثر كلت بكلبي يمة مايدري بي حافظني حفظ ومتفاهم وياي من قبل
شوية وطلع بابا واحمد ودخلن البنات يمي ونصبن علية يمة موتني من الخجل لو سارة تكلي اشم ريحة
بوسة لو ريحانة تكول نسئ روحة يمج وطلع بعدين صعدنا فوك نزعت البدلة ودخلت اسبح عزا تعبت من
نزعتها عبالك هم وانزاح مني طلعت من الحمام لبست دشداشة قصيرة ورفعت شعري كباية صعدت ماما
شايلة صينية خلتها وكالت تعالي ماما اكلي متي من الجوع كتلها واني اخلي مرطب لوجهي يا ماما غير
هسة اني اجي اصعدها موزين عليج ليش تشيلين ثكل كالت بحنية لايروح امج شسالفة كتلها تعالي اكلي وياي
كالت لا مااشتهي خلي البنات ياكلن وياج اجني وداد وسارة وريحانة كعدن وياية ياكلن ونزلت ماما ضلينا
نسولف ونضحك والحمدالله مابقت وحدة ماحجينا عليها فصلانهم تفصل .
طالب
وانخطبت وردة ثانية من ورداتي، مثـل اي اب يفرح لبنته فرحت بس جانت غصة بكلبي هية شلون راح
افارك بناتي؟ شلون بعد يومين تروح ريحانة وراهة مريم؟ هذني اني ربيتهم وتعبت بيهم ونومتهم علئ
YOU ARE READING
﮼يأس ﮼القلوب
Romance#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
