وِدي أحط
گُصتي أعلهَ گُصتَك
وأبچيّ سَكتَة.
ودِي كُل ألنَاس
تِمشي وتُبقى إنتَ .
ريحـانة
رجع دزتصـبحين علئ خير نامي ولا تسهريـن باجر وراج بدوام ابتسمت بخجل ودزيتله تمام،وأنتَ بخير،
غلقت المبايل وكبل وصلت الي رسالة من وردة تنهدت وفتحتها وبديت أقرا ودموعي تصب، مرحبا، اسفة علئ
كل شي ولو ادري الأسف مايفيد اني ندمانة كلش ندمانة ويوم عن يوم الندم جاي يزيد ،مادري شلون
اتفقت وية سحر وصديقاتهة عليج بس حتئ اقهرج؟ اني حقيرة اي وكلش حقيرة ،شلون هيج هانت علية
وماصنت صداقتنا شلون انطاني كلبي اذيج؟ مادري بس كل الي اعرفه اني جنت ناوية اسوي كلشي بس
حتئ سحر متنشر صورتي، جانت تهددني وتهدد لحد مااستلمت وغدرت بيج، وهذي الفترة جنت اتودد الها
او بالاحرئ اتلوك الها علمود تمسح الصورة ومسحتها وماارتاحيت شلون ارتاح واني مسوية بيج هيج؟
وبالنسبة للكلام الي سمعتيه اليوم كله مشهد تمثيلي ادري مراح تصدكين وتكولين هاية تجذب علية بس
هاية الصراحة جانن يدرن بيج اجيتي وكللي وضليت احجي واتمضحك غصب عني شايفتلج هيج حقارة؟
موبس انتِ جنتي ضحية سحر ببعض الامور اني جنت ضحيتها بأكبر الامور وكدرت تبعدني وتفرقني عنج
وماعايشة مرتاحة واحس شي ياكل بية اكل هوة جان المفروض اكلج واخليج تساعديني وتصرفين بس خفت
عليج وخفت علئ نفسي ومالكيت غير هذا الحل وبالنسبة للولد الي هذاك اليوم خفتي منه ترا هم سحر
دازته غايته تخوف هالبنية واني خفت منها وجان المفروض اني اخلي الولد يتواصل وية باسل بس
مولهل درجة اني حقيرة وماتوكف بعيني صداقتنا، اشتريت رقم جديد واني راسلت باسل بعد مااخذت
رقمه من مبايلج ودزيتله صورج ولحد هسة سحر عبالها الولد هوة رسل الصور متدري اني وشسوي خلي
تسوي ميهمني وبعد مااستمر بلعبتها وحتئ لو حذفت الصور اكيد عدها نسخة، خلي تنشرهم ميفرق عندي
يكتلني بابا ولا اعيش هيج بذنب والندم ياكل بية اكل، رغم كلشي بعدني وردة اي اني وردة الي بتصرف واحد
خسرتج وراح ابقئ ندمانة لاخر يوم بعمري ،ديربالج علئ روحج والله يحفظج ويخليج وتبقين طيبة
وتصرفاتج طفولية وبريئة واحسن من عندي دمرت نفسي بادية احبج صديقتي في امان الله، شمرت
المبايل وشبكت نفسي وضليت ابجي واكتم شهكاتي بالمخدة ليش هيج ديصير بية هيج يالله والله احبها
YOU ARE READING
﮼يأس ﮼القلوب
Romance#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
