قعدت ابكي عمو جا دق لي الباب قشقشت دموعي وفتحت قال لي ي بت بتبكي عشان حسام؟؟ انت صح قلتي م دعاء الصغيرة ال بحركها زي م عايز طيب ي بتي تبكي ليه؟ انتي عارفة غلاوتك عند حسام وعارفة حسام وقت يزعل بحصل ليهو شنو بس هو خايف عليك ودا م كببرغ يتهمك لكن انتي عارفة حسام شايفك زي بتو انا م جاي ابرر ليهو ولا اقول ليك هو م غلطان هوو غلطان شديد وانا الليلة رفعت يدي علي حسام انا ي بتي دموعك دي لو نزلت قدامي انا بكره نفسي والله بحس روحي م قدر الثقة بتاعت ابوك الله يرحمو...عمي فضل يتكلم معاي كتير والله غير مودي ووراني قدر شنو هو بحبني خلاني أنسى زعلي!!.
حسام بعد يوم جا اعتذر لي قبلت اعتذارو وانا خلاص بقى م فارق معاي ولا حاسة بوجودو..جميل سالني اذا توصيلو لي سبب لي مشكلة قلت ليهو لا م حصل شي🙄..
عدت الأيام والايام وم بطلع من غرفتي وخالتي سهير علاقتي بيها الأكل بس..اي نعم م بتناقش معاي لكن باين كرها لي يعني سبحان الله كرهتني عشان ورثة بس يعني؟🙄 وحسام من يوم السوق كلامي معاهو قل شديد شديد بقيت اتجنبو...
جا أول يوم في الجامعة اظن من الفرح نمت ساعة ونص🤣 فرحانين عاد ي يمة صحيت بدري صليت ودعيت شوية ولبست عباية فيها بالكحلي وطقمت بالكحلي وشوية ماسكرا م كنت عايزة أبين خلعتي..عمي مشا معاي لغاية م دخلت قاعتي وقعدت كان فيها ناس كتار واشكال البنات تخلع المهم اليوم الاول كان يوم تعريفي ساي كل دكتور بجي يدينا تعريف وانترودكشن(مقدمة) وخلاص ف حسيت بالملل بقيت ماشة واسأل عن الكافتيريا لقيت زول بقول لي واههه اتخلعت قبلت لقيتو جميل قلبي قال واحح قال لي منورررة ام ابو السودان كلها قلت ليهو جميل انت جيت هنا كيف وليه؟قال لي عشان م اخلي زول يبرلمك ي عيوني يلا يلا أكيد عايزة تشربي عصير وتاكلي يلا يلا م اداني فرصة اتكلم طوالي اتحرك...وجود جميل واهتمامو بي مخليني افرح شديد م عارفة ليه لكن اححح جميل وكل شي جميل فيهو♥️مشينا طلب اكل قلت ليهو لا لا بدفع براي قال لي يعني انا م راجل قدامك مثلا؟قلت ليهو حاشا قال لي يلا تأكلي هسي يلا يلا...بقى ياكل عشان م يحسسني اكلت شوية بعد شوية قمنا اتمشينا جميل كان عارف اي مكان في الجامعة قلت ليهو انت بتعرف الجامعة كلها ليه؟قال لي عشان انا قريت هنا يا عيوني مش قلت ليك؟قلت ليهو ها صح صح اتذكرت يلا كويس تساعدني قال لي قبل م تتطلبي يتنفذ حالا قلت ليهو ماشة البيت خلاص قال لي اوديك؟قلت ليهو لا بدردح براي عشان إتعود 🤣قبل م يرد علي كان داخلة لي مكالمة من رويدة قالت لي دعاء كيفك قلت ليها زينة وانتي قالت لي كويسة. انتي في الجامعة؟ قلت ليها ياب قالت لي يلا خليك جاياك قلت ليها طيب قفلت منها وكنت مستغربة من هدوئها دا!!!...جميل قال لي أكيد م ح تقولي لي أمشي عشان م تشوفك معاي ! عاديي ي ستي انا اساسا جاي لي أصحابي وشفتك جيت سلمت عليك بس وغمز لي😉 قلت ليهو مجرم🤣تاني رويدة ضربت لي تاني قالت لي وين انتي اتلفت كدا قلت ليها جمب كدا كدا ربع ساعة حتى جاتني ووشها قالب...جات استغربت من جميل لكن قال السناريو الفوق دا😂 سلمت علي و قعدت قلت ليها مالك صارة كدا يختي فرهدي ونعنعشي ولا راجلك بقى مسيخ وم بسبوسة!؟ قالت لي اخ ياخي زهجت من البيت قلت ليها ها انزلي جامعة ي بيبي قالت لي ان شاء الله أكيد قعدت معانا مسافة بعد شوية جميل ودعنا وفات قالت لي شنو حكايتك مع ولدنا احكي طبعا رصيتو كلو ليها🤣
بعد خلصت قالت لي اوووو اياامك😉ح تعرسي قريب تحصليني قلت ليها اختيني كدا قبل م ترد راجلها ضرب ليها عشان تتطلع طلعت معاها عشان اقدمها..
