Oops! This image does not follow our content guidelines. To continue publishing, please remove it or upload a different image.
السلام عليكم
رشا رعد المالكي طفولتي و حياتي بغداد بالبنوك اما حاليا السكن ديوانية والاغلبية مايعرفها اسمها القادسية يم الحله بصفها النجف بعد اكثر من هيج وصف مااكدر 😁
مواليدي ٩٠ 😌
طالبة مرحلة رابعة علوم قرآن والحديث يعني شبة خريجة ان شاء الله وادعولي نجاح بامتياز واكمل تحقيق احلامي دراسات عليا واصير دكتورة لابناء دكاترتي وارسبهم اللله يرادلها بخت على الفرفحه الي مفرفحيني بيها اشاقه 🙈 ربي يوفق كل الطلاب المجتهدة
الاغلبية يعرفني كاتبة قصص وروايات
لكن اليوم تعريفي عن نفسي فقط .. بعيد عن القصص😊 أم لاثنين كتاكيت أنو (بنين) واعتقد كلكم تعرفون أسم أنو عمرها ٧ وميسي(مسلم) حبيبي عمره ٦ سنوات هذه صورهم ❤
اما شغلي كومه اشكال اشتغل🤦🏼♀ تجهيز اكلات بيتيه ، ادرس طلاب خصوصي ، اجهز بحوث تخرج ، اشتغل طباعة يعني مثل مانكول سبع صنايع بس الحمد لله بختِ ماضايع بوجود اهلي واطفالي
هسه نسولف عن الكروب الهدف منا فقرات منوعه للمرأة دراسه معلومات نصائح تعليم يشمل جميع الفقرات المنوعه الي تخص المرأة
حاليا ماتخصص بفقرة لان عقلي متشتت بسبب الدراسة والامتحانات لكن ان شاء الله ح انشر اشياء مفيدة وحلوه ومميزة وتوجد مسابقات هداية بوجود زميلاتي الادمن ووجودكم ان شاء الله ينجح كروبنا ويرضي الجميع
اي سؤال او استفسارات تحبون تسألون اسألوا براحتكم وان شاء الله اجاوبكم واي موضوع يغثكم او مشاكل داخل كروبنا وتحبون تشتكون اني موجوده وحسابي مفتوح للكل وان شاء الله ماكو مغثه ولا زعل بكروبنا ويكون بيت واحد
تحياتي❤
______
Oops! This image does not follow our content guidelines. To continue publishing, please remove it or upload a different image.
