ردت ..
" ديري بالج تحجين العلي يموت مايتحمل "
رديت ..
" بالعكس يمكن هيج يرتاح ليش متعذب وهو يشوف ابوه مو مثل الاباء "
تعصبت ..
" مالج دخل انت لاتتدخلين ولاتحشرين روحج بينا .. ابني يتعذب اكثر لو عرف .. عبن لايگدر يغير اسمه ولا يغير نسبه وراح تنفتح علينا ابواب مانگدر على سدها "
رديت ..
" اني مااحجي بس خليت السالفه يمج .. الاحسن تگليله انتي ولا يسمع من غيرج هالسر مايضل مضموم الاخر العمر "
ردت ..
" بس انت لاتحجين وهو مايطلع محد يگدر يطلعه عبن يخافون لاتنفضح اسرارهم "
سألتها ..
" وشني هالاسرار هاي "
سكتت ..
" يخص رضوان لو منو "
ردت ..
" مايخص احد جنج ماسمعتي "
سألتها ..
" عمتي مهجة شلها غرض وتفضحيها شسوت ؟"
تعصبت ..
" كافي ارحميني كافي .. البيه مكفيني اني حايرة بأبني وضيمه هو راتب ومامكفيه هسا شلون ياكل وشيشرب ودور ايجار ومصرف "
اتنهدت ..
" علي مامتعود يگعد بلا شغل يموت .. هو هسا وضغطه مرتفع وخايفه عليه .. منو الي بعده "
ردت ..
" امشي ارجعي الرجلج ومالج شغل ..اني ادبرها مااخليه بعازة احد ومنهل الله يجازيه على عملته .. مااخلي ابني ينزل راسه اله علمود يرجعه هسا من حور الراتب اليطوهيا .. "
گمت طلعت تأخرت ولازم ارجع وعلي مايدري بجيتي ..
سالت دمعة ..
" شبي علي .. "
رديت ..
" ظلموه مثل ماظلومنا اني وامي "
عفت البيت وطلعت صار بوجهي جعمقة ..
" شكو "
عاينت وبحرگة گلب ..
" الله ينتقم منكم "
عفته وطلعت ..
فيصل يركض وراي ..
" شبيج طايرة جدي شسوالج "
رديت ..
" فصلوا علي من الدوام "
شهگ ..
" وهسا شتسوين ؟"
رديت ..
" لاتكول العلي اجينا لهنا "
سأل ..
" واذا سأل وين جنتو "
سكتت ماحجيت..
طول الطريق دمي فاير مااعرف منين اجتني هالقوة الواجهت بيها عمي بس گدر يلوي ذراعي بماسة…
راح يخليني اسكت واسكت علي علمودها ..
مانشفت دمعتي طول الطريق ..
رجعنا وي المغرب..
دخلنا للبيت ام گاعدة على نار ..
" وين رحتي گلبي نار عليكم ومااعرف وين اروح والمن اسأل "
سالتها ..
" علي گعد ؟"
ردت ..
" ماگعد بس للحمام ورجع "
" وماسأل عليه "
ردت ..
" سأل وكلتله راحت وي فيصل تجيبلك دوة وكام يحجي يكول ليش راحت وياه "
اتنهدت ..
سألتني ..
" شسويتي ؟"
JE LEEST
بيوت بلا جدران
Algemene fictieرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
بارت 56
Start bij het begin
