فصليه ابو فهد

الجزء الواحد والأربعين

ما اعرف شنو احجي وياها كلامها صح بس اني ابد ما حاطة فكرة الزواج أبالي

سالي : إذا ما توافقين علي اني اريدج لأخوي رامي

فاطمة : ههههه تشاقين مو

سالي : لا والله وين الكة احسن منج هم ادب واخلاق وجمال وشطارة

فاطمة : حبيبتي بس اني ابد ما مفكرة بالزواج

سالي : لا تستعجلين علمود لا تتندمين بعدين فكري براحتج

فاطمة : الله كريم

عافتني وگامت نزلت ساعدت البنات بالعشى واتعشينة فهد نايم اول ما رجعنة من الدكتور

ثاني يوم ما داومت گلبي ما انطاني اعوف فهودي واروح

علاء ما اتصل واني هم بقيت افكر اني احب علي بس ابني منو راح يربي منو يكبر يريد اب يستند علي اني ما اگدر وحدي

بعدين ارجع اگول اني اگدر اتحمل مسؤولية ابني واني ويا ما نحتاج أحد

يمكن جان اصعب خيار بحياتي وما اختاريت من جهة ابني ومن جهة حبي وذكرياتي ويا علي ما اگدر اتخلى عنهن بيوم

ثاني يوم داومت ما شفت علاء بس عرفتة مداوم من سيارتة

جنت گاعدة بالكافتيرا اراجع عندي امتحان وما مضبطة المادة من ورا هبطة فهد اجت ياسمين وگعدت بصفي

ياسمين : تسمحيلي اگعد

فاطمة : اتفضلي

ياسمين : اني اسفة علمود فهد

فاطمة : حبيبتي الحمد لله عدت على خير وما صار شي وفهد زين

ياسمين : والله ما اعرف شلون بس صارت ردة فعل

فاطمة : ردة فعل

ياسمين : انتي تدرين اني احب علاء ومن سمعتة ما اتحملت

فاطمة : انتي شتحجين

ياسمين : اني عدت السنة علمود واذا ابالج بعد هذا تعبي كلة تجين تاخذينة انتي غلطانة

فاطمة : شنو اخذ ليش هو كتاب وبعدين انتي تعرفين هو ما يحبج

ياسمين : وإذا اول وتالي يحبني انتي بس عوفي وابعدي عنة وعني وهو يحبني

فاطمة : ياسمين انتي تستوعبين الجاي تحجينة

ياسمين : اي عوفينا انتي ليش تردين اتخربين احلامي الناس الي تدخل لحياتج كلها تموت اهلج ماتو ورجلج مات عوفينا

ابد ما صدكت الحجي معقولة ياسمين هيج تكرهني وحاقدة علية كُلش انقهرت وگمت ابجي إذا اقرب صديقة هيج تفكر بية الناس شلون

عفتها وگمت اخذت كتبي وجنطتي وطلعت جاي اطلع صار بوجهي علاء

علاء : شبيج ليش هاي الدموع منو وياج احجي