تجيني وبيه اگلك طوف
يَ سالوفة سواجي الليل
ألوذ لحضنك من الخوف .♥️بقلم الكاتبة فاتي المياح .
---------------------------------------------------------------
شفت الرسالة وما جاوبتة كملت نومتي گعدتني العصر عمتي
تين : گومي فاطمة ناخذ فهد للدكتور
فاطمة : اي اي گمت
بسرعة گمت سبحت لان الجو حار والكهرباء جانت طافية بدلت ورحنة اني وعمتي وسام اخذنة
الحمد لله الدكتور طمأنة وگال ما بي شي مجرد خوفة من الوگعة
رجعنة للبيت جنت عايفة تليفوني بالبيت صعدت سمعت يتصل علاء حارك التليفون حرك يمكن 15 مكالمة
رجعت اتصلت بي
علاء : وين جنتي
فاطمة : اخذت فهد للدكتور
علاء : اي وشگال
فاطمة : الحمد لله ما بي شي
علاء : الحمد لله
فاطمة : صُدك شعندك متصل 15 مرة صاير شي
علاء : بالي يمج شفتي الرسالة
فاطمة : اي شفتها
علاء : اي
فاطمة : انطي مجال افكر
علاء : اخذي كل وقتج ما عدنا شي
فاطمة : ماشي محتاج شي
علاء : لا سلامتج وبوسيلي فهودي
فاطمة : ماشي يلة باي
علاء : باي
سديتة منة واني حايرة اوافق او لا اجتني سالي
سالي : بشنو صافن الحلو
فاطمة : تعالي اگعدي
سالي : ها ولج خير
فاطمة : اريد رائيج بموضوع
سالي : اي شنو
سولفتلها كل السالفة من البداية اول ما اتعرفت على علاء لحد ما رجع طلب ايدي البارحة
سالي : والله ما اعرف شگلج
فاطمة : اني حايرة أكثر منج
سالي : شوفي انتي تعرفينة صار 4 سنوات وردتو تزوجون من قبل وما صارت وهو بررلج الموقف وفهمج الي صار كولة مو بيدة وهسه يحاول يرجع الماضي واتقدملج ويحب ابنج ما تلگين احسن من هيج شخص
فاطمة : يعني شنو
سالي : وافقي وانتي مغمضة عيونج لأن انتي بعدج اصغيرة ومنو گال إذا رجعتي اتزوجتي رجلج راح يقبل يربي ابنج أو يخلي عندج
فاطمة : بس اني ما اريد اتزوج
سالي : شنو تبقين كل عمرج وحيدة لازم تزوجين وانتي بعدج شابة وحلوة والف واحد يتمناج
أنت تقرأ
فصليه ابو فهد
General Fictionرجعت من السوك واني فرحانة لان صارلي اسبوع ما شايفة حبيبي انذار بالدوام دخلت للبيت وبوجهي للغرفة من فتحت الباب انصدمت بالشفتة رغد كاعدة وملابسها مشكشكة وتبجي وابو فهد نايم بقيت مصدومة شافتني رغد واجت حضنتني رغد : الله يخليج ساعديني واستري علية اح...