حب بين ثنايا الثار

البارت 1

حب بين ثنايا الثار

البارت 1

الكاتبه شيو النجفيه

تبدأ الأحداث ب2014

صدقه . كاعده وحاطه دشداشتي بحضني واخيط بيها لان ممزوكه من يم الصدر وهي اصلا تعبانه ومخيطه من كل اكتارها بس شسوي ما عندي غيرها وفجئة سمعت صوت امي

ام غياث . صدقه صدقه وينج ولج

صدقه . ها يمه جايه جايه طلعت من الغرفة اركض رحت للكليدور ها شكو

ام غياث . ولج وينج صارلي ساعة اصيحلج

صدقه . يمه وين صارلج ساعة راسن بس سمعت صوتج اجيت

ام غيات . انجبي ولا تلاسنيني افتهمتي ويله صعدي للسطح جيبي هدوم الويلاد

صدقه . شنو ماكو بس اني بالبيت والله تكسرن رجيله من الصعده والنزلة للسطح

ام غياث . امشي ولا تشجين (شتكين أو تنكين)
♡♡♡♡♡♡♡♡♡♡♡♡♡♡
اني اسمي صدقه عمري 18 سنة طالبة سادس اعدادي وعندي 5 اخوان اكبر مني غياث الجبير عمره 22 سنة طالب هندسة نفط وياسين عمره 21 سنة طالب محاماة ونبيل عمره 20 سنة طالب محاسبة وانمار عمره 19 سنة طالب كلية لغات قسم انكليزي وباسم ابن عمي واخوي بالرضاعة عمره 19 بكد اخوي انمار امه ماتت بالولادة وابو مات بمرض خبيث وخواله نكروا وكالوا كرط اختنه وذبوا وامي رضعته وربه ويانه وصل للثالث متوسط وترك وظال عطال بطال بس المشاكل تجينه من وراه و3 اخوات اصغر مني ايثار عمرها 17 سنة طالبة خامس اعدادي وبسملة عمرها 16 سنة طالبة رابع اعدادي وتسنيم عمرها 15 سنة طالبة ثالث متوسط
♡♡♡♡♡♡♡♡♡♡♡♡♡♡
صدقه . اخذت السلة من يم الغساله وصعدت للسطح لميت الملابس بيها وانزلت صفيتهن وطلعت للمطبخ اساعد البنات رح يصير وكت الغده وبعد ميلحكن طبيت للمطبخ لكيت بسملة تغسل اماعين وايثار تنطف بالكاونترات وتسنيم واكفه تحظر بالغراض اني وايثار وبسملة نعرف نطبخ مو مثل تسنيم متعرف تطبخ بس تنظف وتعزل وكلما نكله تعاي نعلمج تكول بعدني صغيره لاحكه اكبر واتعلم اجيت اكلب بالكدور واضوك واتاكد من طعم الاكل

تسنيم . ها شيف بشري شنو الطعم طيب لو لا تره باسم يحركنا اذا طلع الاكل مو طيب

بسملة . ليش والله اني طبخت وحيل تعبت على الطبخه

ايثار . بالله ما تكرمينه بسكوتج ست تسنيم

صدقه . اهوووو هم رح تتعاركن كافي رحمه للحسين سكتن الاكل زين

تسنيم . على كيفج ست صدقه شحجينه وسكتينه بسرعة

ايثار . انت متعرفين تلزمين هذا لسانج الفالت

باوعتلنه بنطرة كلها توسل وقهر وحجت بصوت مكسور وناصي

تسنيم . شبيجن جنت اشاقه