حب بين ثنايا الثار

البارت 4

الى متى تبقى المرأة تدفع ثمن اغلاط لم ترتكبها تعاقب بغير ذنب تحرم من أحلامها تسلب الاعراف حقوقها وتجردها المعتقدات رئيها الى متى تبقى ضحية الجهل والتخلف،،،،،،

بقلمي شيو النجفيه

حب بين ثنايا الثار

البارت 4

الكاتبه شيو النجفيه

قصي ،، شنو هذا الغلط

صدقه ،، التفت وراي شفت قصي ابن الشيخ خفت لا يضرب تسنيم كبل جريتها خليتها وراي وهاي جنان كبل طفرت  بحضنه

جنان ،، خالو شفت هاي شلون تغلط عليه ولسانها زفر

تسنيم ،، ماكو غيرج الي لسانها زفر

قصي ،، اسكتن كلجن لا اركع راس براس

صدقه ،، دفع جنان ومشه وهاي هم غمتنه ومشت طبينه للمخزن وسديت باب المخزن خفت لأ هم شو منو يطب علينه كعدت بالكاع ابجي وين جنه وين صرنه خوفي يزيد أكثر واكثر خايفه من الجاي سمعت صوت جنان وراي تصيح

جنان ،، هيووو كومن يله صار وكت العقد

صدقه ،، كمنا واني دموعي منشفت بس ابجي معرف شسوي وحدي لاول مره احس هاي اني بلا سند ومعندي أحد احتمي بي وضاله تايه ومعرف شنو الي مضموملي لكدام كمت ضميت شعري وعدلت عباتي وكومت وخواتي مشيتهن ومشيت وراهن وهاي بس

تغلط علينا باوعت اني هذا غلطها كل عمري مسامعه بي اول مره اسمع بشر يغلط اتذكر جان باسم يغلط بس مو هجي يعني غلطاته بسيطه الا هاي لسانه زفر لدرجة مو طبيعيه طبينه للاستقبال مالت بيت الشيخ جبير يمكن يطلع بكد بيتنه وقنفات من الجهتين على

طولة وهواي بي اثاث غالي كعدنه على القنفة صاحت بينه مرت الشيخ صوت سوت طفارنه ماله والي

ام قصي ،، كومن بنات الفكر وين كعدتن  كعدن هناك

صدقه ،، باوعت للمكان الي أشرت عليه لكيتها تاشر يم النعل(تكرمون) رحنه كعدنه والشيخ اجه استغرب مكان كعدتنه وطلع مرته وطبب ولد والشيخ اني وخواتي دنكنه روسنه بس نبجي وخواتي ذبن نفسهن عليه يبجن وحاضناتني وكانوا يحتمن بيه

ميدرن اني خايفه أكثر منهن عقد الشيخ وأحسه بكل كلمة يكولها يلف حبل على ركبتي ويجر بي لحد ما يشنقني خلص وطلع والشيخ طلعنه لصاله نفسها الي انكتلنه بيها كرفصت واني وخواتي بزوايه بس نبجي وشفت 3 نسوان وكفن يم الشيخ سلم عليهن وحجه

وياهن وادور اتجهن النه اني خفت لا يرجعن يضربنه بس لا هن سحبن روحي مني اجن وكل وحده منهن جرت وحده من خواتي خذتها جر وهن يبجن ويباوعن الي واني بس ابجي كلشي ما اكدر اسوي اصعب شعوري من تحس نفسك ضعيف وعاجز

كلشي متكدر تسوي ضال مثل ورقة الشجر اليابسه يمشيك الهوى مثل ما يريد جرتني وحده من وره شمرتني بالكاع وظلت تخنكك بيه وتكول