صحيت تاني يوم بعد صليت وسويت الشاي نضفت البيت سرعة وكتبت الورقة بتاعت الحاجات ومشيت لبست لي أقرب عباية ومشيت لي حسام قلت ليهو ارح السوق طلعنا وعمي طلع قفلنا البيت ومشينا.. دخلت سوق الخضار اشتريت ال بعرف عليهو الباقي خليت حسام يختار عشان بعرف يعني اانا بتغشى مشينا بقالة راقية قريبة للسوبر ماركت عشان اشتري حاجات التحلية والحاجات المعلبة دي بتاع البقالة ولد شاب كدا اثناء م انا بشتري طرحتي وقعت وم ركزت اساسا عشان انا منتبهة في الحاجات الولد بتاع البقالة خلى شغلو بقى مركز معاي حسام كان برا بتكلم بالتلفون خلص ودخل لقاني ماسكة القشطة والطرحة واقعة وبتاع البقالة مركز ...واقفة كدا الساعة ال احس ليك بي شي في راسو وقوي عاينت حسام خاتي لي الطرحه في راسو وربطها عديل وقرب يديني كف قال لي بصوت اظن البقالة كدا سمعتو عاجبك شعرك الطاير وال يسوى وال م يسوى يعاين ليك قلت ليهو حسام براحة انا م ركزت بس قال لي كيف يعني طرحتك واقعة وانتي م ركزتي؟يعني عادي عبايتك تقع وانتي م بتكوني مركزة صح؟ قلت ليهو وبس ي حسام قاطعني قال لي هسسس تعالي وراي سرعة مشيت قال لي جيبي الورقة ال فيها الحاجات مديتها وانا خلاص ح ابكي قال لي شايفة العربية دي؟لو نزلتي منها م تلومي إلا روحك اتفقنا؟ دخلت العربية قعدت وهو مشى دايرة ابكي خلاص عيوني رقرقو تاني قلت حسام شنو الببكيني أصلو هو بحب يبكيني من انا صغيرة شكلو بفرح لو بكيت تاني أصلو م ح ابكي ليهو الكريه المتوحش يتحكم فيني قايل روحو منو المفتري "دا كلو وانا بتكلم بصوت عالي ومقبلة راسي علي المكان التاني" فقر خلاص اي شي دعاء لا دعاء لا شعرك روجك عينك يااييي علي الشهم ياي اتخلعت لمن سمعت صوتو بقول لي اي شهم في اعتراض؟ طبعا سكت سايي خت الاكياس ورا وركب اتحركنا وانا شاماهو شمة وصلنا البيت نزل الاكياس عايزة امشي قال لي انتظري وقفت م لفت راسي ليهو اساسا مدا لي كيس بفوق راسي كان فيهو شبس وكوكيز اكتر اتنين بحبهم احيي شلتو منو ودخلت دايرة اضحك لكن كرامتي طبعا..
قبل ادخل اتذكرت خالتي سمية شلت الحاجات الح تعملها لي ومشيت سلمت عليها واديتها الحاجات ورجعت البيت لقيت خالتي سهير قاعدة شعري جادي كلو قام الليلة قلت الله يعدي اليوم علي خير يرب سلمت عليها وقعدت معاها مسافة مترددة كدا تاني قلت ليها عازمة صحبتي ديك جات من شهر العسل قالت لي عمك كلمني ارتحت قلت الحمد لله خالتي سهير مشت رقدت في غرفتها...
ختيت الخضار اقطعو ح أسوي بيتزا وفطاير والدجاج وسلطات والفاصوليا وصينية بطاطس والتحلية صينية كيك معاهة سلطة فوواكهة وكريمهة وحاجات كدا في قالب واحد يعني المهم ختيت الخضار وانا شايلة هم كيف اخلص دا كلو هسي وخاتة جمبي الشبس الجابو حسام اكل منو واتذمر وانيص واشتغل حسام كان برا جا لقاني قاعدة ولسه باقي لي كتير شديد مشا المطبخ جاب حاجات وجا قال لي يلا شدي الهمة نخلص بقى ينضف لي الخضار وانا بقطع ومصدومة منو دا مالو شوية حنين شوية قاسي ومنفسن إنسان غريب غايتو كل دقيقة بشكل المهم ساعدني شديد وعمل معاي سلطة الفواكه وطعم لي السلطات وانا محتارة محتارة فيهو قال لي انتي واصلي الشغل انا بسوي الفطور وفعلا مشى جاب فول وطعمية وبيض وعمل الفطور وانا لسه محتارة ختاهوو ونادانا انا وامو خالتو سهير قالت شبعانة أكلنا انا وهو ورجعنا الشغل ليهو ماشة ارتب المكان شوية وابخر عشان خلاص الوقت جا قال لي حاضر جري مشيت ضايرت مكان النسوان وفرشت وكمان الرجال ومشيت لي خالتي سمية بالحيطة قالت لي باقي لي شوية دجاج احمرو وبناديك ترفعيهو قلت ليها م بتقصري ي شبه القمر ضربت لي عمي اذكرو مواعيد العزومة وضربت لي رويدة قالت لي شفقانة دي متذكرين انحنا جايين لقيت جميل متصل علي م اشتغلت بيهو رجعت لقيت حسام بضاير في المطبخ وكل شي خلاص انتهى والتحلية في التلاجة واي شي تمام اتنهدت براحة كدا وحبيت حركة حسام ساعدتو في الماضيرة كدا العصر اذن مشيت صليت وخالتي سمية رفعت لينا الحاجات قلت ليها لازم تجي بدون اعتراض ومشيت منها عشان م تتعرض جهزت الحاجات وجري اتوشت ولبست فستان حلو كدا ورفعت شعري وشوية قلوس وحلق الباب دق عايزة امشي لقيت حسام مشى كان عمي سلمت عليهو واتذكر اني م سويت العصير اتخلعت خلعة جري قطعت الفواكه وخلطتو دخلتو التلاجة ورجعت قعدت انتظرهم الباب دق وكان ناس رويدة دخلت لابسة فستان والحنه والميك اب والبت دي بقت سمحة سماحة أول م شفتها جريت جري سلمت عليها لا عارفة اضحك لا أبكي همست لي في أضاني قالت لي اوعك تبكي البورة قاتلاك عارفين م تفضحينا قرصتها براحة كدا وتاني رجعت سلمت عليها رويدة أختي ال م ولدتها امي🤍سلمت علي راجلها وضيفتهم جبت العصير ناديت حسام يودي لي راجلها دا كلو وخالتي سهير م طلعت إلا للحمام مرة شربت موية مرة وبس ختيت الغدا وخاالتي سمية الساعدتني ليهو ناديت خالتي سهير جات لقت خالتي سمية بقت تحدر ليها لمن خالتي سمية اتعقدت قلت لي رويدة خالتي سمية جارتنا عزمتها معاك ودي خالتي سهير خالتو سهير تافف ساي..
خلص الغدا وجبت التحلية كان كل شئ رهيب شديد خالتي سمية اكلت سرعة وطلعت علي بيتهم صادفها عمي طوالي دنقرت راسها عمي قال ليها يا سمية كيفك قالت ليهو تماامم يا حاج انت كيف عمي قال ليها كويس ان شاء الله اتغديتي قالت ليهو اي والله أصلو دعاء حلفتني قال ليها يعني ي سمية إلا يحلفوك البيت بيتك تجي طوالي انتي خالتي سمية نحنحت كدا وقالت ليهو تسلمو يا حاج وعن اذنك ومشت من عمي جري😂🤍اظنها قدر عمي في العمر أو اصغر شوية ملامحها هادية كدا رغم التعب الواضح فيهم ورغم الشعر الابيض لكن وشها م مشلخ وناير سمرة كدا بتسرح شعرها مساير حنيتها كدا تشوفها من بعيد دايما محتمشة لابسة توب وغاطة شعرها كل الناس بحبوها لانها طبية شديد علي عكس خالتي سهير الاتعجرفت ورفعت نخرتهها وصوتها بقى عالي وتنبح اليوم كلو مع عمي..🙄
لنا لقاء
