انتقام زرعه ابي
الحلقة 2 | هُدُوءْ مَا قَبْلَ العَاصِفَةْ ً
#بقلم الكاتبه _ام الــخـيـر _عائشة_خالد_المجراب
_______________________________
في كل بداية حلقه سوف اوجهه لك رسالة تحفيزية يمكن ان تكون قصير او طويلة هذا هوا الاسلوب الجديد الذي وعدتكم به قراءة ممتعه
————————————————————-
ريناد | شافت لي الروشن وكلها امل ان تقدر تطلع منه فتحاته بس للأسف لقت الروشن ملبس بالحديد اذكرت ان عندها رقم تلفون الارضي الي عطاهولها رؤى خدت تلفونها وشرينت لي التلفون الارضي متع جمرة الي كان في الدور الفوقي
جمرة | ركبت تجري منغير متفكر في الصوت الي سمعاته في الدار لان كانت تستنى في مكالمة مهمة
ريناد | فتحت الدار وطلعت تجري وبمساعدة رؤى طبعا قدرت تطلع من الحوش مشت تجري منغير متشوف وراها لين وصلت لي سيارة ميس
ميس | تشوفلها وعيونها حمر
ريناد | سوقي بسرعة اطلعي اجري
ميس | والله منقدر منقدرش معش قادرة حتى نمس الدومان
ريناد | اطلعي ولا معش تقدري حتى تتنفسي ميس اطلعي اجري طلعينا ع الاقل من المنطقة هاذي قبل ما اظلم الدنيا بسرعة ميس ارجوك
ميس | ولعت السيارة ويديها ورجليها يرعشوا وطلعت من لمكان الي هيا فيه وفجأة درست سيارة قدام سيارة ميس قريب خشت فيها في اخر لحظة شدت فرينوا !!! ....
________________
دعاء | ميته من الخوف لان لو عرف إيڤان ان تكذب عليه ولا يقول لي نضال ولا تصير حاجة قريب تهبل التفكير مسيطر علي راسها وفي اللحظة هاذي سمعت صوت نضال في الدور الارضي نزلت تبي تشوف مع مني
نضال | قتلي يكون عندك الساعة عشرة شن لعب لفروخ هذا
مروان | اهدأ و نادي علي إيڤان نتفاهم معاه
نضال | مش في الحوش السلاح حيكون عندي مع زوز حربات سامات
مروان | منين بنجيبها الحربة
نضال | دبر راسك هاذم أوامر السيد إيڤان افندي وانت تعرف شن يصير فيك كان مجبتهمش
مروان | تنفس بغلل....تمام لكن عطيني فرصة لي غدوا
نضال | كانه في يدي راه عطيتك لكن هذا إيڤان وانت تعرف ان كان سمع مستحيل مزال تخدم معنا
مروان | انا منخدمش مع عصابة باش تقولي نبي سلاح وحربه من امتى إيڤان يستعمل في الحاجات هادي
نضال | انا بندير روحي مسمعتش و حنكلملك إيڤان يعطيك فرصة لي غدوا تمام هيا توا تحرك من هني
مروان | طلع وهوا في داخله مش مطمن لي الشيء هذا بس ربي يستر وخلاص
دعاء | مش مصدقة الي سمعاته ركبت تجري لي الحوش قبل مايشوفها نضال قعدت تلود بعدين نزلت تجري لي نضال
