بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
.
.
تعال تعال ي بطل تعال شوف بت عمك الصغيرونة حلوة كيف ح تقعد معانا تعال شوفها..."جا ماشي عليهم بخطوات متثاقلة دالة علي رفضو لي الانسان الغريب الحيعيش معاهم دا" عاين ليها كانت بيبي صغيرة بتحرك رجلولها في الهواء وتصرخ وتلعب وشها كان ملائكي تعاين ليها كدا تتبسط شايلة شبه امها شديد...
عاين ليها ابتسم برغم عنو وسرعة مشى بعيد منها ووقف يعاين لي ابوه وهو بلعبها قال. ليهو بصوت طفولي مليان زعل "يعني ح تقعد معانا كل يوم؟!"ابوهو قال ليهو ايوة ح تقعد معانا لانو ابوها وامها مشو مكان بعيد م بجو تاني وعيب تكون قاعدة كدا براها صح م بتقدر تشتغل لي روحها ح تبكي لانها صغيرة شوفها..."صر وشو وم عجبو كلام ابوه"
جرا لي أمو في المطبخ قال ليها امي امي صحي البيبي ح تقعد معانا كل مرة؟قالت ليهو ايوة ي حبيبي ح تقعد معانا كل يوم..بعد أمو اكدت كلام ابوه خلاص إقتنع انو دا الواقع ومفروض يتقبلو...رجع تاني لي ابوهو بقى يعاين ليهم ابوهو شافو ناداهو يقيف معاهم قال ليهو ي بطل انت ح تكون اخوها القوي الشجاع وم تخلي زول يجي يهبشها كلو كلو ولا تزعلها وتراضيها وتحبها زي م بتحبنا انا وماما حاضر؟.."عجبو موضوع انو بقى كبير وخلاص بقى بطل قوي هز راسو بي ايجابية وفرح"قال لي ابوهو ايوة ح ادق ليها الناس لمن يكبو الدم كدا هيع هيع🤛🏻🤜🏻 ابوه ضحك عليهو شديد البيبي سمعت الضحك بقت تضحك وتهز رجولها
"يا ياسين جيب الولد دا وتعال الأكل ح يبرد خلاص ولا اقول ليكم خلاص انا بجيب الأكل عندكم عشان م تزحو النونو من هناك عشان المكان داك دافئ"
__________________________
بعد ست سنة
عمو انا مش مشيت المدرسة يعني بقيت كبيرة مش؟يعني ح امشي لي ناس امي وأبوي واشوفهم واقول ليهم انتو ليه خليتوني براي انا قعدت مع ناس عمو كتير انتو م جيتو ليه؟..(عيون عمها دمعو) قال ليها ايوة ي بتي بقيتي كبيرة خلاص ح تمشي المدرسة وتكبري تمشي الجامعة ربنا يطول عمرك ي حبيبة عمو..." يا بطل يا حسام تعال وصل بت عمك المدرسة"حا حسام شايل شنطتو ومبتسم مسك دعاء من يدها وقال لي اابوهو ح اوصلها وارجعها عشان انا راجل البيت ابوهو قال ليهو ايوه انت المسؤول عنها ي بطل يلا ربنا يوفقكم يا اولادي وينور طريقكم و..."بعد سيل من الدعوات الحلوة من عم ياسين لي ولدو حسام و دعاء بت اخوهو المات هو ومرتو في حادث طلع حسام ودعاء علي المدرسة...حسام كان اكبر منها بخمسة سنة هي في أولى وهو في سادس اساس"
في الشارع علي المدرسة:
انتي عارفة ي دعاء أنا ح احميك هسي عشان انتي صغيرة وانا بقيت كبير وبدق الناس وبعد تكبري انا بعرسك عشان احميك برضو...يعني انت ح تكون معاي في كل مرة؟......ايوة ح اكون معاك دايما.... خلاص بتوديني اي مكان انا دايراهو؟....اي بوديك انا بقدر اوديك اي حتة... خلاص اننا ماشة لي ناس أمي وأبوي عمو قال لي بعيدين هم بتقدر توديني؟؟؟..."سكت مسافة كدا بفكر" اي بوديك خلاص "ابتسمت ومسكت يدو شديد وبقت تضحك كان بعاين ليها زي الاب البعاين لي بتوو البتكبر كل شوية قدام عيونو💙"
