رواية | إنتقام زرعه أبي .
الحـلـقـة 1 | كُلْ شَيِءْ أَوْ لَا شَيِءْ .
#بقلم الكاتبة / أم الـخــيــر / عائشة خالد المجراب
_________________________
في هذه الحياة ستتعلم كل شيء وحدك إلا القسوة سيقوم احد بتعليمها لك !!
_________________________
.
.
لقطة من الماضي سنة 2015🔥
ذياب | ماشي بخطوات كلها ثقة وفي يده شريط فيديو خش لمكتبه و قعمز في كرسيه وحط الشريط ع المكتب ..
مجاهد | خدي الشريط وفي لحظات كان معروض ع البروجكتر ....
ذياب | داعش المنظمة العالمية الي تشوه في الإسلام الفيديو هذا ح يقضي عليهم
بالكااامل 🔥 .. طلع من الغرفة فجأة نغرس في رقبته موس رقيق لين طلع من الجيهة التانية !! ...
مجاهد | سمع صوت شك ان في شيء سكر الفيديو ولوح الشريط تحت المكتبة ...
.
.
.
لقطة من المستقبل سنة 2020 🔥
إيڤان | سكر الاب توب ... وهوا مصدوم من الي شافه ناس ملثمة علم أسود عليه كتيبة بيضة ... ضرب يده ع المكتب و قال .... دااااعش🔥
ميار | ...
________________
ملاحظة / في نهاية الرواية ح نقولك علي حاجة مافي حد يعرفها ح نتعمقوا في حاجات أول مرة ح تنكشف بنوريك حاجه مافي حد شافها في العالم غيري ح تعرفها انت/ي يا قارئ انا وياك بس ح نخوضوا مغامرة كبيرة ونشوفوا حاجات انا علي تواصل معاك !! ايه ايه معاك .....
و أعتبر هذا أول سر في الرواية 🔥
بقلم الكاتبة / أم الخــيــر / عائشة خالد المجراب
.
.
.
الوقت الحالي إلي هوا في سنه 2018 👇
جمرة (مرت بوها) | بنسألك مرة وحدة ونبيك تجاوبي كويس فاهمة
وين الكلب ولد عمك
ميار | اسألي بأسلوب لبق باش نجاوبك كويس
جمرة | تفنص في عيونها ... قتلك وين كلب العيلة
ميار | ناضت خبطت ع الطاولة بكل قوتها....قتلك تكلمي كويسس🔥
جمرة | نادت علي الخدم الزوز الي عندها
...أربطوها
رؤى (بنت جمرة) | لكن يا ماما مش ضروري تربطيها
جمرة | سألتك انا .. شن انتي الي تحددي ان نربطها ولا لا ؟... و انتم شن تستنوا قتلكم اربطوها تربطوها
ميار | تسحابي انك تقدري تاخدي كلمة مني هههه اضحكي
جمرة | ضربتها كف ... نسألك اخر مرة وين إيڤان
