SCARY pranks! Iyon ang madalas na content ni Yves sa mga vlogs niya. Mas mabenta kasi iyon sa mga manonood. Sa katunayan ay naging kilala ang vlogs niya sa mga content na gano’n. Isang beses ay naisipan niyang i-prank ang kapatid niya! Gugulatin niya ito dahil matatakutin ito! Sinuot na niya ang nakakatakot niyang costume at nagtago siya sa loob ng aparador sa kwarto nila ng kapatid niya. Nagulat na lamang siya nang maalala niyang isang buwan na pala siyang patay nang ikulong siya ng kapatid niyang may sakit sa puso sa aparador nang malaman nitong tatakutin niya ito.
