اللهم لك الحمد حتى ترضى،
ولك الحمد اذا رضيت ولك الحمد بعد الرضا ، ولك الحمد أبدا أبدا .....ولك الحمد أنت قيوم السماوات والأرض و لك الحمد حمدًا كثيرًا طيبًا مُباركًا فيه
♥♥♥♥♥♥♥♥♥♥
حمدي بصدمة: اأحمد
أحمد جري عليه وحضنه بعض جامد
أحمد: وحشني ي صااحبي
حمدي: وانت والله ي احمد اي فينك عامل اي طمني عنك دورت عنك كتير الفترة اللي فاتت
أحمد: عايز اقعد معاك لوحدنا شوية
حمدي بصوت واطي: طيب استنى ف عريس جاي لبنتي هطفشه واجي انا اصلا رافض الجوازة دي
أحمد: طيب مع علمك انا ابو العريس
حمدي: انت هتهزر
أحمد: والله بتكلم جد هطفشه ولااي
حمدي: ههههههه لا لينا كلام تاني كدا تعالى ندخل ف جوا ف المكتب
ودخلوا
حمدي: عامل اي ي أحمد
أحمد: مش كويس من بعد رحمة ي حمدي خصوصا لما عرفت ان ليا بنت
حمدي بتوتر: بتقول اي
أحمد بخبث: انا عرفت كل حاجة بس مش عارف مين بنتي ولا هي فين نفسي اشوفها ي حمدي
حمدي: بنتك هي رضوى ي صاحبي وسامحني سامحني اني خبيت عنك بس والله والله ده كان وصية رحمة ده حتى قالتلي فهم علي انه اخوها وانهن راضعين مع بعض وهما اصلا مش اخوات وعايش ف تأنيب ضمير والله
حمدي: طيب هي حرمتني من بنتي لي تخليك تفهم علي انه رضوى اخته لي هي مش عارفه ان كدا حرام
أحمد: قالتلي عايزة بنتي تختار شريك حياتها وميتفرضش عليها رضوى جالها عرسان كتير جدا جدا جدا انت متخيل كل يوم حد يكلمني بس اولا البنت رافضة رفض تام ومش عارف السبب وانا بيني وبينك بحب ولادي جدا وعايزهم جنبي ده انا حتى كنت ناوي افشكل الجوازة النهاردة
أحمد: بنتي لازم تعرف اني ابوها وتيجي تعيش ف حضني ي حمدي كفاااية حرمان العمر خلاص انا لازم اعوضها
حمدي: حاضر والله انا كنت بدور عليك الفتره اللي فاتت لاني حاسس بتأنيب ضمير جدا بس رضوى لو عرفت ممكن يحصلها حاجة لازم نخطط ازاي نقولها
أحمد: ان شاء الله هنلاقي حل ع فكرة انا كنت عارف ان رضوى بنتي لسه عارف النهاردة بس كنت حابب اعرف هتقولي ولا هتفضل تكدب عليا بس مخلفتش ظني ي صاحبي وان شاء الامور تتصلح ونرجع اكتر من الاول
حمدي: بإذن الله
أحمد: هتوافق ع فهد مفيش رفض لجوازة
حمدي: ههههههههه ماشي ي عم
أحمد: والله ابني فهد بيعشق بينتك
حمدي بغيره: شافها فين
أحمد: معرفش بظبط تفاصيل بس هو شافها مره باين مع علي ومره ف الدرس ومره لما راحت الشركة مع رضوى كدا يعني
حمدي: بقا انت صاحب شركات الرحمة لسه كنت بقولهم اسم الشركة هيخليني اوافق
أحمد: مقدرتش انساها ي حمدي خلفت اربعه وبرضو معرفتش انساها
حمدي: ربنا يباركلك فيهم ي رب ومين قدر ينساها ي أحمد ربنا يرحمها ويجمعنا بيها
حمدي: يرب
أحمد: يلا نطلع للعيال تلاقيهم خللوا برا هههههه
حمدي: يلا
طلعوا
أحمد: احنا جينا خلاص ههههههه
فهد: اي ي بابا اتأخرتوا لي كدا
حمدي: انت فهد
فهد: ااه ي عمي
حمدي حضنه
أحمد: شوف سبحان الله كانوا اصحاب هو وعلي ومحدش خد باله ويشاء القدر ونتجمع دالوقتي
الضحك كله ان مراتك فكراني انا العريس
حمدي: ههههههههههه مانت لسه شباب ي عم
سميرة: يعني انت فعلا أحمد
احمد: اه اي رٱيك بقا
حمدي بص لسميرة متتكلمش عشان رضوى
سميرة: اخيرا هنتجمع من تاني
أحمد: الحمدالله امال فين عروستنا
سميرة: ادخل نديها ي علي
علي دخل لملك
علي: اي اللي حطاه دا ي هانم
ملك:دي رضوى والله
علي: وانتي اي عادي كدا سبتيلها نفسك تعاالي اطلعي وبعدين نشوف الموضوع دا ي اختي
ملك طلعت
احمد: ماشاء الله ع عروستناا
ملك اتكسفت وقعدت جنب بابها
احمد: طبعا ي حمدي احنا جايين طالبين ايد ملوكه لفهد
حمدي: مقدرش ارفضلك طلب مانت عارف
أحمد: ههههه دا العشم برضو نتكلم بقا ف الموضوع عروستنا عايزة تقعد لوحدها ولا معانا
فهد: معلش ي بابا دي حاجة خاصة ابقا نتكلم فيها انا وهي بعدين
أحمد: طيب اللي تشوفوه اي طلباتكم
حمدي: كل الحاجات اللي بتتكلم فيها مش بينا احنا ي احمد ولااي
أحمد:طيب اكيد عروستنا ليها طلبات
حمدي: اتكلمي ي ملك براحتك
ملك بحرج : اذا جاءكم من ترضون دينه وخلقه فزوجوه
فهد بفرحة كبيرة: اختاروا صح ي جماعة بتفرق احنا اصلا هنكتب الكتاب خلال ايام
ملك اتكسفت جدا
علي: طيب اي نقرا الفاتحة ولااي
حمدي:لاء ي ابني استني انا مش موافق ع كتب الكتاب دالوقتي خالص ع الاقل خالص شهرين
أحمد: وانا من رأيك ي حمدي
فهد بغيظ: ي بابا
حمدي: ي ابني لازم احسسك بقميتها الاول لكن كتب الكتاب ع طول هتكون محلل ليك كل الكلام معاها فانا مش عايز كدا انا عايز اغلى بنتي واحسسك بقميتها
فهد باقتناع: وانا موافق ي عمي
أحمد: قولي بقا طلباتك ي ابو العروسة عارف اني مش بينا دا بس دي بنتك ولازم تتضمن حقها
حمدي: رحم الله رجلاً يسر ف زواج ابنته واءلان الكلام وجبر قلبين اراد الحلال
فهد بفخر شديد: انا كدا عرفت ملك طالعة لمين ربنا يبارك فيك ي عمي
أحمد: حمدي دي بنتك واحنا مفروض جايين نتفق ع طلبات الزواج ده حقك وحق بنتك
حمدي: من اروع القصص اللي ممكن تسمعها عن تيسير الزواج قصة زواج بنت الفقيه الورع سعيد بن المسيب واللي رفض أن يزوج ابنته لولي العهد وزوجها من أبي وداعة تلميذه الفقير تحبوا تسمعوها
كلهم: اكيد
حمدي: كان لسيدنا سعيد بن المسيب العالم الجليل ابنه مؤمنة ذاع صيتها وشاع امرها وذلك لشدة ايمانها وكثرة عملها بكتاب الله وسنه رسوله صلى الله عليه وسلم
ولما علم بها هشام بن عبد الملك وكان اميرا للمؤمنين اراد ان يخطبها لولده وولي عهده فأرسل رسولا الى ابيها ف مدينة رسول الله صلى الله عليه وسلم
ليبلغ سعيد بن المسيب رغبة امير المؤمنين ف ذلك فما كان من سيدنا سعيد إلا أن قال لهذا الرسول: ابلغ أمير المؤمنين اني رافض لهذه الخطبة
قال له رسول المؤمنين ولماذا؟ قال سيدنا سعيد لأن ولي عهد امير المؤمنين رجل غير محمود السيرة فلجأ رسول المؤمنين اولا الى اسلوب الترغيب فقال له أترفض الملك والعز والعز والجاه والغنى والمال أترفض ملك امير المؤمنين فكان سيدنا سعيد ع تلك المقالة أن قال: إذا كانت الدنيا كلها عند الله لا تساوي جناح بعوضة فكم يكون ملك أمير المؤمنين ف جناح هذه البعوضة
فلجأ رسول المؤمنين إلى اسلوب الترهيب فقال له اني اخشى عليك بطش أمير المؤمنين
فقال سيدنا سعيد أن الله يدافع عن الذين آمنوا
وبعد ذلك جلس سيدنا سعيد ليقرأ درس العصر بمسجد رسول الله صلى الله عليه وسلم
وكان من تلاميذه ف الدرس شاب ورع تقى يسمى ابا وداعة وكان قد غاب عن درس سعيد لم يحضره ثلاثة ايام فلما رآه سعيد قد حضر سأله اين كنت ي ابا وداعة؟ قال توفيت زوجتي فاشتغلت بها فقال سعيد ألا تخبرنا فشهدناها ثم اراد انا يقوم فقال: هل استحدثت امرأه؟ قال ابن أبي وداعة يرحمك الله ومن يزوجني وما أملك إلا درهمين أو ثلاثة
يقول ابو وداعة: قال سعيد انا فقلت: او تفعل قال: نعم ثم حمد الله وصلى على نبي الله محمد وزوجني ع درهمين
شايفين يولاد لو الاباء عملت كدا ذي الشيخ الجليل مش هيكون ف شاب اعذب أو بنت بدون زواج
انا عارف لو طلبت منكم اي هيحصل وهتعملوه
بس انا كفاية عليا اوووي اخلاقك ي فهد ي ابني ااه انا متعملتش معاكم بس سماهم ع وجوههم وكمان انت ابن أحمد بس انا حبيت اقول القصة دي عشان تعرفوها وتفتكروها
فهد: ربنا يبارك فيك ي عمي وبإذن الله هكون عند حسن الظن
علي بشك: طبعا انا فرحان من اللي بيحصل دا وكل حاجة بس ي بابا انت معاملتك مع احمد جوز اختي خلود ساعة الخطوبة مكنتش كدا
حمدي: احمد ده ف معزتك بظبط ي علي بس انا هو بيحب يعاندني لكن فهد فعلا مختلف لانه هيجمع اللي اتفرقوا من سنيين
علي: هيييييح عقبالي ي رب
ياسين غمز لرضوى:وانا معاك
أحمد: هننزل نشتري الشبكة امته بقا
حمدي: مستعجل لي كدا ع العموم شوفوا اصحاب الشأن عشان لو ملك عندها رأي تاني
أحمد: طيب عشان نكون متفقين الشبكة هتكون هدية مش من المهر يعني لقدر الله لو حصل اي خلاف الشبكة مش هترجع ده من حق ملك
حمدي: لاء ي احمد ده هيبقا حقكم وبرضو هدية ماشي بس لو حصل خلاف الهدية ترجع لاصحابها
فهد بابتسامة: عن ابن عمر وابن عباس عن النبي صلى الله عليه وسلم قال: لا يحل لرجل أن يعطي عطية أو يهب هبة فيرجع فيها إلا الوالد فيما يعطي ولده ومثل الذي يعطي العطية ثم يرجع فيها كمثل الكلب يأكل فاذا شبع قاء ثم عاد ف قيئه)
حمدي بفخر: طيب اللي تشوفوا
ملك قاعدة فخورة ان اللي بيتكلم دا هيكون جوزها
ياسين: طيب الفاااتحة بقااا
علي: صدق الله العظيم عقباااااالي ي رب
أحمد: طيب نسيب عروستنا مع عريسها شوية
ملك: قال رسول الله صلى الله عليه وسلم لايخلون رجل بامرأه إلا ومعها ذو محرم
فهد ابتسم: خليك ي علي معانا
علي: ومين قالك اني هسيببكم اساسا ده انا هطلع عينك ي ابني اتقل بس
عقبااااالك ي رووودي ده ف عريس جايلك مش هتصدقي مين بس ع العموم قولتله اكيد هتترفض ذي العشرتلاف اللي قابلك ههههههههه
رضوى وشها أحمر
علي: ي خرااثي ع خدوده
فهد بغيظ: ماتحترم نفسك ي علي مش كدا احنا قاعدين
علي: طيب يلا هش كلكم برا وسبوني مع عرسنا وعروستنا
وكلهم طلعوا
ملك ساكتة ومكسوفة جدا
علي: طيب اي مااتتكلموا
فهد: احم لو عندك اي سؤال ي ملك حابه تسأليه
ملك: لي انا!!!!!؟
فهد: مش فاهم
ملك: لي اخترتني أنا
فهد: بحسك مني
ملك: دي مش إجابة
فهد: طيب ممكن نأجل الاجابة دي لبعد كتب الكتاب
ملك: تمام
فهد: اسئلي
ملك: كل الاسألة اجابتها واضحة معدا السؤال دا ف انا قولتهولك بس كدا
فهد: ازاي اجابتها واضحة
ملك: يعني بتصلي؟!! بتدخن؟!! بتبر اهلك؟!!! كدا يعني والجاحات انا عارفة اجابتها
فهد: طيب سؤالي ليكي لي وافقتي عايزة اطمن ان علي مضغطش عليكي
ملك: ههههههه أنت متخيل اني ممكن حد يضغط عليا ف موضوع ذي دا مستحيل طبعا
لي انت!!!!!؟
عشان اخلاقك كفيلة انها تخليني اوافق كفيلة جدا
وانا بفكر مع نفسي قولت هو دا اللي اقدر آمن عليه نفسي وهيتقى الله فيا هو دا اللي عارف كويس يعني اي ورفقا بالقوارير وهو دا اللي عارف واتقوا الله ف الضعيفين المراه واليتيم
هو دا اللي عارف يعني اي مودة ورحمة
فهد: بعيدا عن اني هتغر جدا من كلامك المفرح دا بس برضو لو كان جالك واحد نفس الاخلاق مثلا بس يعرفك اسم بس وجاي يشوفك اي ردك
ملك بجرأة: لمعة الحب اللي بشوفها ف عينك اعتقد مش هشوفها ف عينه وبس كدا ي سيدي اتمنى انك تكون عند حسن ظني بيك
علي عامل نفسه مركز ف الموبايل بس هو مركز ف كلامهم وفرحان جدا
فهد: بأذن الله هكون عند حسن الظن
ملك: طيب هو انت ممكن تقبل مني حاجة صح
فهد:اكيد
ملك: ثانية واحدة
وقامت جابت شوكلاته من اوضتها
ملك: اتفضل دي
فهد بستغراب: لي دي
ملك: اي شوكلاته
فهد: اعترفي طيب
ملك: اعترف ب اي
فهد: اي السر ف انك تديني الشوكلاته
ملك:طيب كلها الاول كلها
فهد: لا انا خايف ههههههه
ملك كشرت
فهد: خلاص هاكلها
علي:ماتجيب حته ي فهد
فهد: لاء
علي: خليك فاكرها
فهد: استنى بس نشوف اي سر الشوكلاته دي اهو كلتها ي ستي ف اي بقا
ملك: مش تتريق عليا
علي: اعدلي لسانك ي ملك ميه مره اقولك مش تتريق مش تتكلم مش مش اي ي امي ف اي
فهد: وانت مالك ماهي كلامها وهي حره فيه كملي ي ملك محدش هيتريق
ملك: انا كنت قريت قبل كدا اني مكلش شوكلاته لما العريس يجي وكدا
فهد: لي بقى ووكلتيني انا لي
ملك: لأن الشيوكلاته بتساعد المخ على انه يفرز مادة الدوبامين والعلماء اثبتوا إن الفأره لما تتحقن بالمادة دي ف وجود فار قدامها بتحبه وبتطلعه بعد كدا من وسط ١٠٠ فار
فهد: هههههههههههههه عشان كدا وكلتيني انا
علي: هههههههه ي بنت اللاعيبة
فهد: بس كدا كدا انا واقع اطمني
ملك اتحرجت
فهد: طيب كملي انتي باقي الشوكلاته بقا
ملك: لاء
فهد: لي اشمعنا انا ي نصابة
ملك: عشان انا كلت كتير من اللي انت جبته ف المستشفى
فهد: ههههههههه اذا كان كدا ماشي
علي: يلا كدا كفاية اوووي عليكوا
فهد: ماشي ي عم
وفهد وملك وعلي طلعوا
أحمد: جدعان متأخرتوش دا حمدي كان مطلع نار من ودانه
علي: هههههههههه انت هتقولي ع بابا
أحمد: طيب نستأذنكم احنا بقا
ياسين: لا استنوا انا كمان عايزة اتجوز
وهنا البارت خلص 👀
رأيكم ف البارت
وتوقعاتكم
مهنتوش عليا ونزلتلكم قبل يوم الاربع اهو
يلا بقا ادعولي كتير 💜💜
رواية ملك الفهد
بقلمي آلاء شعبان
استودعكم الله 😍
أنت تقرأ
ملك الفهد
General Fictionوفي البدايه يكون كلٌ منا قد أصر علي أن يعيش حياه هادئه مطمئنه بقلب خالي من الحب ومعاناته .. يكون قد سن لنفسه قانونًا يعيش به طوال حياته، ولكن بدون اي مقدمات يأتي من يكسر هذا القانون .. يأتي ليغير مجرى الحياة؛ بل ليغير الحياة بأكملها .. يأتي ليسكن ال...
