شمس السلطان ( نورا ماهر )

⭐ البارت الاول ⭐

《 استغفرك ربي و أتوب اليك 》

في المساء تبكي بشده و حرقه علي فراق احب شخص علي قلبها ابيها كانت جالسه امام قبره تبكي بشده ليه سبتني يا بابا انا مليش حد من بعدك انت كل حياتي اأاه يارب صبرني قلبي بيتحرق من وجعه انت وحشتني اوي انا مش عارفه اعمل ايه من غيرك انا بقيت تايهه و مسحت دموعها بوهن شديد و وقفت امام القبر و دموعها تنزل من عيونها بغزاره انا هجيلك تاني و هزورك علي طول

قبل هذه الاحداث

الشمس تسطع في سماء القاهره تفتح نافذه غرفتها و هي متفائله ان الله سوف يغير ايامها من حزن الي فرح نظرت الي السماء و اخذت نفس عميق اكيد في حاجه حلوه هتحصلي في يوم من الايام لا تعلم ان القدر سوف يغير امالها ذهبت حتي تجهز الفطار لوالدها و تيقظه من النوم بابا حبيبي يلا اصحي بقي علشان تاخد العلاج مينفعش نتأخر علي مواعيده

نظر اليها والدها و ابتسم لها بحب صباح الخير يا شمس تعبك معايا يا بنتي

جلست شمس بجانبه و مسكت يده و متقولش كده يا بابا انت اغلي واحد عندي في الدنيا دي لو مكنتش اتعبلك انت هتعب لمين يعني

طبطب عليها ابيها ربنا يخليكي ليا يا بنتي و افرح بيكي مع ابن الحلال

ضحكت شمس بشده و ذهبت لتأتي بالطعام له لا يا حبيبي دا انا قعده علي قلبك مش هسيبك ابدا ربنا يرحمها ماما اكيد لو موجوده كنت دلعتك احلي دلع و كنت استغنيت عني بس ابدا هفضل معاك و علي قلبك

نظر اليها ابراهيم بحزن شديد و ترك الطعام من يده اوعي تقولي الكلام دا تاني ماما موجوده هنا و وضع يده علي صدره مكان قلبه ثم نظر حوله بتوتر شمس انا كنت عايز اقولك حاجه مهمه يا بنتي بس لازم توعديني انك هتسمحيني

ضحكت شمس بحماس ايه جو الاسرار دا يا ابراهيم و بوعدك يا سيدي اني عمري ما هزعل منك ابدا

توتر بشده ابراهيم طيب هاتي صندوق اللي في الدولابي و انتي هتعرفي كل الاسرار

استغربت شمس بشده و ذهبت لتجلب الصندوق ايه دا اخيرا هتفتح الصندوق دا بجد انا مش مصدقه انت طول عمرك محرج عليا اجي جنبه فتحت الدولاب و اخذته و ذهبت و وضعته امامه و هي متحمسه بشده حتي تعرف ما بداخل الصندوق

مد ابراهيم يده و فتحه و اخرج منه صور عديده لمرأه تشبهها بشده و وضع الصور في يد شمس دي مامتك شوفيها و ملي عيونك منها

اخذت شمس الصور من يد والدها و هي ترتعش ماما دي بجد نظرت الي صور و دموعها تنزل من عيونها بصدمه و اخذت تقلب بها و هي مصدومه ثم نظرت الي والدها طيب انت مكنتش راضي اني اشوفها ليه