ترف وشيخ الجنوب

البارت الثاني عشر

جاسم:بنت اصل

_ يصير الي ترديه وماطولكم كلكم كاعدين هنا يا بنات انا اريدكم تنزعون الأسود 

ريم:مستحيل

رغد:ابد

نوال:شيخ مصار 6 اشهر من توفى ابنك الغالي

_وانا هذا طلبي كلكم اريدكم تنزعون الاسود يا رغد انتي حامل والله رزقنه بهل فرحه وتريدين تبقين لابسه اسود تعترضين بيها على حكم الله لو انتي يا ريم

ما تكولين انا اعرف ليث وتعرفين بيه ليث يكره لون الاسود يختنك منه ويا نوال رجلج يحب الألوان وعينه زايغه انا كتلج بعد مو اذا جاب حرمه تجين تبجين.... حلمت بيه ورايد منكم تنزعون الأسود حجيت الحلم يم سيد وكال الي طالب هل شي و الأسود لا راح يرجعه ولا يسوي شي الحزن بالقلب

ريم:اوف يا خويه

_استغفر الله وثانيا يا ريم كافي انا اجلت فرحتج لحد ما تطلع السنه

ريم:شنو يا فرحه

_حسين طلبج ونهى عليج لو مو كد كلمتك

حسين:لا..اني ..اني اشاقه مو قصدي انهي عليها هل شي قصدي هو

_لا قصدك ولا شي الرجال ما يرجع بكلمته خيتي انتي راضيه بحسين رجلج

جاسم:انا راضي

احمد:اخذها وخلصنه

_واذا تردين رأيي يا خيتي ما اتمنى عريس غير حسين الج وانتي بعد رأيج

كامت بسرعه وجهة صار دم وطلعت ترف وياها ومرت ساعات اجو ولد وحجينه بموضوع ريم والكل بارك لحسين حسين انا ربيته على ايدي واعرف بيه يحب ريم من زمان عينه عليها وحجه اكثر من مره بهل موضوع بس من وفاة ليث ما فتح السيره وريم ما قاصره هواي تقدمو الها وانا الي ارفض لان اعرف هو يموت لو صارت لغيره مرت ايام طويله ورغد ممنوعه تشيل سجين بالبيت اجت الحجيه وانوب هي كامت ما تخليهة تكوم وزعنه اكل وثواب و فلوس لكل عايله بالمنطقه محتاجه وسددنه ديون العوايل دفعه بلة اليوم نوال و ريم طلعن يتسوكن من الصبح لليل يله رجعن وياهم احمد فات احمد للبيت عيونه براسه وكال وهو يصيح

احمد:لحد بعد يوديني وياهن اكلن راسي ودوني لجهنم ولا ويه هل نسوان اخذهن السوك  ولكم الله واكبر عليكم كل محل ساعه كل مكان يقيسن كل اللبس اللله واكبررر

نوالك:كتلك ودينه ويه السايق انت مكدرت تغار عليه

احمد:ان شاء الله اموت اذا بعد اغار عليج واجي وياك للسوك