متاهات القدر

البارت الثالث

يكسر خاطري مرات حتى الطير
هم مثلي غريب وحسرته بصدره
يلم عشه على شجرة
وعود لازم عود ويجي
الما خايف الله يطيح الشجرة*
-----------------------------------------
فاطمه: نضفت لبيت احس راح اوكع من لتعب
ستوني صعدت ورجعت عاطت بيه
سعاد: تعااي لج ووين مولليه لاعبالج تخلصين امشي طبي للمطبخ سوي زقنبوت بكلبج
فاطمه: خاله بس اني ماعرف اطبخ كلت هاي لكلمه
لو هيه تخبلت عليه
سعاد: لج شنوو متعررفين ساق---- ادبسززز
اتجذبين عليه تردين اخدمج.
فاطمه:سحلتني للمطبخ وسدت لباب وماعرف شسوي ضلت دموعي تنزل بغزاره ع وجهي يارب وين العدل يارب مو متقبل بل ضلم شديصير هسه يالله
ماعرف شسوي طلعت بتيته وباذنجان وطماطه جنت اشوف امي اتكصصهن وتكليهن خليت لجدر ع لنار
ورحت اكصص وملتهيه وماحس بس النار كبت وطك الطباخ وصار صوت قوي من لخوف ركضت للحوش لان لمطبخ مفتوح ع لحوش بس ايدي ماحس بيها
اباوع لجلد احمر صاير
طلعت مرت ابويه تصررخ وتصيح حتركناا
جان بوقتها ستوه ابويه اجه من لشغل وركض للمطبخ
ومطفي النار بس ميفيد لان اكلت لمطبخ كله
واسمعها بعلو صوتها تصيح
سعاد:الادبسزززز العااارر بتك حركتنا تريد تموتنا
تريد تنتقم لامها الساقطه ابويه سمعها هيج لو تخبل
اجه عليه وبكل قوته يضربني لاخله وجه مادماه ولا خله شعر ماكطعه موتني كمت ماحس بشي اخر شي جرني وذبني بل غرفه مالتهم وقفلها عليه خليت راسي ع كاع وعيوني ع سكف وادعي الله يخلصني مجاي اتحمل الالم لبجسمي لو لبيدي لحرك مجاي اكدر
صح جان يضربني بس مو بهل قسوه جانت امي تهون عليه هواي بس هسه راحت منو اليه بعدها
ضليت لثاني يوم صبح اني ع هل حال متت من لوجع وتعب اريد حمام رحت ادك ع لباب وابجي
فاطمه:  فدوا افتحوو بابا افتح راح اموت افتحلي لباب عفيه اريد اروح للحمام فتحت لباب هيه
سعاد: وجعت ابويه لكلبه شلون اتصيح اذا ماخلص منج ماتسمه سعاد اني الج امشي ولي
فاطمه: عفتها تحجي وركضت للحمام تقيات حسيت روحي جاي تطلع غسلت ورحت شربت مي شفت لفات ع ميز مال طعام بل هول متحملت من جوع اخذت وحده وجاي اكل بيها ماحس بس رفسه بضهري
سعاد: بت الكلبه منو كلج تسممين حيوانه كامت تضرب بيه كوه خلصت روحي منها ورحت لغرفتي
وقفلت لباب ضليت يوم ثاني ع هل حال مجاي اكدر اتحمل متت جوع اريد اكل نزلت جوه للمطبخ منضفي كله ومغيري فتحت لثلاجه ولكيت خبز وطماطه سويت لفه واكلت ع مود بس اسد جوعي وخذتها وصعدت ليفوك ركض اكلتها ونمت
كعدت ع صوتها وهيه تصيح
سعاد: الخايسه الادبسزز نايممه واني اخدمها فتحت لباب وكالت يلااا عيني يللا بسررعه كومي نضفي لا امسح لبيت بيج
فاطمه: كمت غسلت وجهي ونضفت لبيت وهيه سوت لغده اجيت كعدت يمهم ع صينيه ماحس غير ابويه
يدفر الصينيه ويكلها ماريد اشووف خلقتها بت القندره اذا شفتها احركج انتي وياها متت قهر شنو ذنبي اني هيج يسوي بيه رحت صعدت لغرفتي وضليت ع هل حال لحدما
--------------------
ريم:  عايشين حياتنا الحمدلله وجاي انداوم وجانت بوقتها قربت الامتحانات. جنا بل اعداديه وجاي نقره اني واختي هدئ ونور  لان بقيه خواتي مزوجات وام حيدر كبيرتنا احسبها امي لان هيه ربتنا
هدئ: افففف يالله ولله تعبنا شوكت نخلص
نور: اي ولله تعبنا يارربي شوكت اتخرج
ريم:اي غير تقرن وننجح قابل هيه لعب
جاي احجي وجان يدخل اخويه مهدي
مهدي: ها سلام عليكم
كلنا: ردينا وعلييكم السلام
مهدي: شلونكم بناتي محتاجين شي اساعدكم
ريم:كلش احب كلمه بناتي من عده اخويه هوا اصغر من ام حيدر اختي لكبيره ف هوا لجان يصرف علينا ومعتبرنا بناته مو خواته
هدئ: مهدي الله عليك ولله تعبنا طلعنا شويه ضايجين
نور:اييي ولله فدووا كلش ضوجه
ريم:حبيبي مهدي اذا منتعبك ودينا لبيت ام حيدر
مشايفيها صار هواي
مهدي: ادللو البسو واني انتضركم
كملنا كلنا ورحنا لبيت اختي
استقبلتنا وكعدنا يمها شويه سوده عليه كبرانه وتعبانه
عدها جناين وبنات فصارت لمه حلوه
ام حيدر: مهدي ماسالت ع بت عمتي لمرحومه
ريم: اباوع ع وجهة صار احمر وعيونه دمعت وكور قبضت ايده حيل كانو يشد ع اعصابه
مهدي: ام حيدر متعرفين ابوها ميقبل نوصل تردين نعاركه ونجيبها يمنه مايصير جوز لبنيه تريد ابوها واخر شي النذل اتزوج وبعدها مطالعه الاربعين
ام حيدر :شوكت الله يخلصنا منه سوده عليه بنته شون وي مرت ابوها خاف تئذيها
مهدي: لا نشالله ماكو شي لو مئذيتها جان خابرت وكالت
هدئ: شبيك مهدي هيه لبنيه منيلها تلفون ع مود تخابر عمتي هيه عمتي وجانت تخابر من جوارينهم صديق جدو
ريم: كانو واحد واطانا كف ع وجهنا وصحانا ياربي خاف متاذيه اباوع ع اخويه بهت لونه
مهدي: باجر اني وجدي واخذ واحد من عمامي و اروح انشوفها و الله كريم
ريم: طلعنا من بيت اختي ورجعنا لبيتنا
وبيبي ازدهار كالت صيحي اخوج يمه
هسه بيبي رحت لمهدي وكتله بيبي تريدك
هدئ:شتريد بيبي من مهدي لازم اكو شي مهم
نور:واحنا شعلينا هاي سوالف كبار لاتدخلين احسن
هدئ: اهووو نور شبيج شكلت هسه اني بس اريد اعرف شكوو
ريم: اوكفو اني خل افهم واجيكم
رحت طلعت من لغرفه لغرفه بيبي طبيت وكعدت يمهم
بدت بيبي تحجي
بيبي ازدهار:يمه مهدي تدري بعمتك من قبل لتموت وصتنا ع بنيتها وكالت هاي امانتكم
مهدي: اي حجيه صحيح الله يرحمها برحمته اني ستوني جنت يم ام حيدر وكتلها انشالله اروح واخذ. واحد من عمامي وجدي ويايه ونروح الهم نشالله
بيبي ازدهار:ايي يمه ولله يوميه  عمتك بل حلم تجيني وتعاتبني مامرتاحه خاف بنيتها بيها شي
مهدي: الله كريم بيبي انشالله اروح ونشوف
تصبحون ع خير
ريم: راح وعافنا واني هم كمت يم لبنات وسولفت الهم. ع لصار
هدئ:اتخيل متعذبه او مئذيها خطيه ولله تقهر مشفتوها شون حالتها ع امها
نور:والله اني اكول كلشي مابيها لو بيها شي جان وصلنا خبر
ريم: انتي متسكتين شبيج يعني منين يوصل النا خبر خل نشوف باجر والله كريم
نمنا وكعدنا الصبح وجان عمي صفاء اصغر واحد بعمامي موجود. ومهدي ماخذ اجازه من لمستشفئ. وبيبياتي كلهن ووجدو.خطيه كاعد صحته صارت احسن لان ودو مستشفيات وادويه وعلاجات
ريم: صباح الخير شلونكم
الكل: صباح النور
اسويلكم ريوك
مهدي: لا مالحك اريد نروح بطريق عود ناكل
يلا بويه خل نتوكل
ريم:طلعو كلهم وسديت لباب وراهم وكعدت لبنات وطلعنا للمدرسه داومنا ورجعنا للبيت الساعه ب 12ونص نطلع فوصلنا للبيت بل 1
اني وهدئ ونور نفس لصف لان احنا توم بس ممتشابهين
ريم: طبينا للبيت وتغدينا ورجعت نمت لان كلش تعبانه كعدت ع صوت صياح مال زلم
اباوع خواتي ماكو بمكانهن
ركضت طلعت اشوف شكو
واسمع عمي يكله
صفاء:والله اله اخذها لبنيه  من عينه الكلب
النذل
ريم: ايدي ع كلبي وميته خوف يارب سترك ولطفك
التمو عمامي وعماتي وجدو حجه بصوت عالي
جدو -------يتبع
مساء الخير حبايبي هاذ لبارت طولته الكم بعد شتردون يلاا اريد تفاعل وتصويت ع مود لكل يشوف القصه. واهلا وسهلا بل جميع

الفيديو يمثل حاله فاطمه 💔