متاهات القدر

البارت الثاني

يهل تنشد على امي....شالت امي
المنيه ابليله گشره...... شلت  امي
بقت بس ذكره عندي.. شيلت امي
وعطرها جروح من ايفوح بيه ...

🧚‍♀️💜الكاتبه نرجس
...................................................
فاطمه:اكعد بامي وماتكعد مابيها نفس
ضليت ادك والطم. كمت اصرخ اريدها بس تحاجيني
ابويه اخذها وطلع لشارع
طبو جوارين ع صريخي وبجيي
واني اصرخ والكم امي ماتتت دخيلكم امي
مره من جوارين اجت حضنتني وتبجي ويايه
جانت صديقت امي حيل تحبها
لاساعه ولا ساعتين وماكو خبر عن امي
باقيه انتضرها ع امل انو عايشه وترجعلي
صارت دنيا ليل واجه ابويه وياه زلم جوارينا
من لباب تلكيتهم
فاطمه: وين اميييي وين وديت امييي
مالكيت امي نزلو تابوتها بلكاع وملفلفين علي عبايه
هاذ اخر منضر شفته هاي اخر مره شفت امي بيها
اخر مره شفت وجها
فتحت التابوت وكعدت يم راسها وابجي واحجي وياها
فاطمه: ماما حبيبتي اكعدي فدوا اروحلج لاتعوفيني ماما منو الي غيرج يووم لاتعوفيني فدوا متجاوبني
هاذ اخر شي اذكر بعدها حسيت بسواد ع عيوني او وكعت من طولي
-----------------------
ريم: اني ريم امي عافتنا وراحت اتزوجت بعد ماتوفه ابويه من جنه صغار عدي 7 خوات او اخ واحد  تربينا ابيت جدو الي هوا بيتنا لكبير جدو مزوج اربعه جان واسمائهن حليمه وصبريه وازهار وانتصار  وعدنا هوايه عمام وعمات وجنا كلنا بنفس المحافضه اله عمه وحده من عماتي جانت بل عماره كلنا نسال جدو ليش متجينا هوايه  حته بتها مشايفينها جان يكول ميرضه زوجها تجي اذكر شكلها من جنه صغار وتخابرنا بس متجينا ولا احنا نروح الهم لان ميحبون
زوجها بيبي جانت ليل نهار تبجي عليها
ريم :جنت بلغرفه وي هدئ اختي كاعد نقره ومانسمع بس الصريخ الي ترس الدنيا والعياط حيل مضل بيه اريد اطلع من لغرفه واشوف شكو هدئ ركضت قبلي
وجانن بيبياتي يبجن ويصرخن ويصيحن ولجن ماتت عمتجن ولجن راحت العزيزه اجه مهدي اخويه ومبين ع وجهة القهر وعيونه حمر   وكال توفت عمتي ام فاطمه  متت قهر وبجيت هوايه صح ماعدنا ذكريات وياها بس تبقئ عمتنا وخاصه مو جبيره بعدها صغيره وتوفت محد سال لسبب شنو موتتها جنه ملتهين شون نروح الهم تحضرنا كلنا ورحنا للعماره اجن عماتي كلهن ولبنات وعمامي اوولدهم كلش مقهورين عليها جان عياطنا مالي الدنيا بيبتي الي تخربطت او ودوها للمستشفئ. وجدو الي جان مريض بي جلطه رجع تخربط عليهم وحتارو بي الولد واحنا رحنا للعماره
بعد مرور بعض ساعات وصلنا لبيتها وشفنا الجوارين موجوده وحمواتها هناك وحال بنتها الفاقده
فاطمه: كعدت وبيدي لمغذي بل مستشفئ ضليت ابجي واصرخ اريد ارجع للبيت اريد امي
رجعوني للبيت وبعدها طلعنا للنجف شذكر وكفتي
ع المغيسل. واني اغسلها
لو اذكر صراخي واني اشوف وجها ابيض وشفايفها زرك
لواذكر من ذبو عليها تراب وتغطئ جسمها او وجها بعد ماشوفه
شذكر وشنسئ شضل مني من سحلوني سحل ع كبرها
من احاجيها ومجاوبني شضل مني اني من راحت امي
شفت وجوه هواي ناس ماعرفها هذولي خوالي وخالاتي واولادهم وبناتهم  الي ماعشت وياهم اجن يبجي ويلطمن وياي وهاي التشك ثوبها والي تزلغ خدودها والي تصرخ بعلو حسها
هاي الحضات الي مانساها لو الله يطيني عمر جديد
ثلاث ايام الفاتحه واني افقد وارجع اكعد محد درئ ابويه هوا الي كتلها ابويه مجرم محد سال ليش ماتت جانو مصدومين التهو بفاتحتها بس اني الي اعرف ماكدرت احجي بذاك لوقت جنت فاقده ممصدكه امي راحت خلصن ايام لفاتحه وخوالي ضلو للسابع وراحو
ورجعت للحياه بس انسانه ميته مابيه روحي ابويه ماشفته ولا اريد اشوفه خلص لسابع وكلمن راح لبيته
فجاه ابويه اتلاغه وي خوالي وضل يصيح ويكول ماطيها ولا توصلولها الي فهمته انو خوالي كايليله خلي تجي عدنا ترتاح وهوه مقابل مو محبتا بيه بس
يخاف اعترف علي واكول هوه كتلها
ريم: قبل منرجع لبغداد عمامي حجو وي زوج عمتي الله يرحمها ع مود تجي بتها يمنا ترتاح لان وحدها راح تضل وهيه متاذيه ميقبل وضال ينتر بعمامي
رجعنا ولكل تعبان ومقهور وخاصه لكل شافه حاله
البنيه شون تعبانه ولازم احد يمها عمامي ضلو يهددون
اله ناخذها ونجيبها يمنه مكافي جان حارمنا من اختنا
يريد يحرمنا من بتها هم كلمن صار يحجي شكل لحد ماجدو سد لسالفه وكال عوفوها هسه وهيج مشت ايامنا وحنا مالنا واهس بكلشي

فاطمه :ماداومت مدرسه مالي خلك اروح بعد تعبت حيل احس ماكو شي يسوه بدنيا بعد
جنت كاعده بغرفتي وخاله ثوب مال امي بحضني وتنزل دموعي ع خدودي وتحركني ياريت اموت وراها
بس موكلشي نتمناه يصير فجاه اندفر الباب ماشوف بس ابويه يهجم عليه ويضربني ويخنكني. من ركبتي ويكلي ديري بالج اسمع حاجيه لاحد الي صار لامج اموتج وراها واخلص منج خفت كلش خفت خاصتا من كال اموتج ماريد اموت اني عافني وراح وهيج مشت ايامي وحدي وابويه نهار كله طالع ومن يجي بليل يشرب واسمع بس صوت البطاله مال العرك واني اطب بغرفتي واقفل لباب عليه لحد ما فد يوم كعدت نزلت بغرفه امي فتحت لباب واشوف ذيج الشوفه مريه كاعده ع جربايه امي وابويه يمهم
فاطمه: منو هاي
ابو فاطمه: زوجتي
فاطمه: تخبلت عقل ماضل براسي شنوو زوجتك وااامي شنو امي شنو ليش تزوجت ضليت الطم ع وجهي وابجي ليش هيج سويت بينا ليش تكرهنا
زوجت ابويه سعاد: دكافي لج لاتخليني ابتلي بيج مكافي حرمتوني منه كل هل سنين واخذته امج مني
مكافي جبره ابوه  يزوج امج الحقيره لاتخليني اموتج وراها هسه عرفتي ليش يكرهجن يلا ولي
فاطمه: طلعت من لغرفه وصعدت لغرفتي وطكيت بجي ياربي ليش هيج شنو لسويته ع مود تاخذ امي مني ليش هل اذيه يارب ساعدني ماحسيت بروحي نمت وكعدت ع دفره ابطني فزيت وباوعت هاي زوجه ابويه
سعاد:يلااا عيني يلا كومي نضفي لبيت موبس نوم وسحبتني من شعري ونزلتني
فاطمه:دمعتي بطرف عيني وين جنت وين صرت شون جنت مرتاحه بجال امي وماجنت اطخ اي شي
الله يرحمج يمه -------
مساء الخير حبايب هاذ لبارت الثاني لحد يكول قصير هيه هاي احداث وجاي انزلها بل تفصيل وانشالله تعجبكم ❤️