احقاد دفينه

٢

هاي غايز👋

لا تنسو الفوتز والكومنتس الي تحفزني اني اكمل 🦸‍♂️

___________________________

رغم هوَسي بالأتزان، إلا انَ قلبي لكَ ميّالْ *

_________________________________

الساعة كانت تشير لل ٣:٠٠ص، كان مالك مستمر بالسياقة لوجهته المحددة

باوع ع دانيال الي كانت الهدفونز بأذنه ومبين انه نايم

وقف السيارة ونزّل كرسي دانيال شويه حتى يرتاح بالنومه واخذ الغطاء الموجود بالمقعد الخلفي وخلاه عليه، ابعد الهدفونز من اذنه واطفأءه

بعد ماانتهى شغل السيارة من جديد وباوع ع الجي بي اس، كان م باقي شي ع مكان القرية، بس مو مبين قدامة اي شي!

فكر انه يتصل ع ثامر بس الساعة الثالثة صباحاً يعني اكيد ما راح يكون صاحي!

كمل سياقة ع اخف سرعة حتى يباوع زين لعل وعسى يلقى لافته او علامة تدل ع وجود قرية بهاي الهيمه(ارض جرداء)!

بعد ما صارت اشارة الجي بي اس، حمره دليل ع وصوله للمكان المنشود، اشعل اضوية السيارة ونزل منها يشوف المكان، بس حرفياً مو مبين شي من الظلام!

لذا رجع دخل للسيارة واطفئها وقفل الباب، مدد كرسيه ونام هو الآخر مقرر ان الصبح يتصل ب ثامر

بعد عدة ساعات، استيقض ع ضوء الشمس الي حرفياً دا ينخر عيونه!

فتح عيونه ببطئ بسبب الضوء، باوع ع مكان دانيال بس م كان موجود!

تملكه خوف فضيع ونزل بسرعه يدور عليه، تنهد براحه بعد ما شافه واقف بعيد ويصور المكان، خصوصاً ان قدامهم بشويه اكو هور! بس بسبب الظلام مشافه البارحه!

مالك/ داني حبيبي

دانيال التفت ل أبوه وبأبتسامة/ صباح الخير

مالك/ صباح النور يا عمري

دانيال بضحك/ شنو هل غزل من الصبح

مالك/ هاااا متريد غزل!! اوك، تعال ابن الكلب ليش نزلت من السيارة بدون علمي!!

ضحك دانيال وقال/ فكر بيها ترا مو اني الكلب!!! بعدين م قدرت انام بسبب ضوء الشمس!

مالك/ اعرف شتقصد بس مالي خلگ ارد عليك هسه، تعال نكمل طريقنا يلا!

دانيال/ جوعان..

مالك/ بيني وبينك اني هم جوعان تعال نشوف بلا شجايب ب بوكس الاكل!

.
.
.
.

بغداد.....

ف بيت كبير جداً او ممكن نقول قصر! وهو بالفعل كذلك..
كون هذا القصر هو احد القصور الرئاسية للنظام السابق، وصاحبه الحالي انفق عليه ثروة عمره حتى يحصله!