رواء/خالو تحسين كعد بس اتحسه بغير عالم
يابه اني اخذت سلفه ع محل .....
واشتريت اراضي وابيع واشتري؟؟؟؟؟
جدو طفر بعصبيه من الفراش واستند ع التخم وصاح لابارك الله بيك لك انت شنوو اتريد تموتنننننني والك انت خببببل كام يرجف
والعصبيه طغت علي وخالو حسان اهدي بي يابه ع كيفك ليصير بيك شي لتنجلللللط .....
خل نفهم بعد الصار صار شتريد اتغير التفت خالووحسان علي وكله كم مليون اخذت جاوبه١٥مليون.....
خالو حسان اتهستر گام ع حيله ولزم خالوتحسين من ياخة قميصه واهز بي انت صاحي ولك لو شارب لك دمرتننننا....
تحسين/ لك زعطوط وخر ايدك اني اتمد ايدك عليه
اليوم انتقم منك وتلازمو وحمديه اتعيك يبوووو
گتلورجلي عصاااابه انتو مجرمين وبيبي صارت بنص وآمال تسحب بخالو حسان وبيبي کامت تلطم واتصيح وتضرب ع بطنه واتگلهم همداه بطني الجابتگم وجدو لزم راسه باثنين ادي.....
امي بالحمام صاحت حوراء شكو جدج اشبي
كلتله هو وخوالي يحجون بموضوع البارحه واتعارگو......
ام حسام/سمعت اصياح اخواني واني بالحمام رجفت وصحت ع بنات من كالن خوالنا يتعارگون
متت بدمي وخفت ع ابويه شطفت ع سريع ولبست بلا ما انشف وطلعت رگض سحبنا حسان اني وآمال
بالگوة وطلع من البيت ناااار وتحسين اخذته حمديه الغرفته.....
ظل جسمي يرجف هم هبطه وهم لان مبلله ربع ساعه واني ارجف.....
رفعت ايدي للسما وناجيت ربي اشوگت ارتاح ماظل بعمري عشر سنين بعد وانت ارحم الراحمين ارحمني اني وبناتي....
جدو ظل اصيح واتعالت اصواتهم واشتد النقاش بينهم وخالو حسان ماسكت لكاه فرصه حتى ارجعه الرشدة وقومه رغم هو اصغر منه واتعارگو....
ام تحسين/دخلت لگيت الهوسه والصياح ياساتر شجاكم يوميه بيتي مشتعل كافي البارحه طلع ابوكم من حلك الموت وهسه تتعاركون لو تتفاهمون حتي انحل السالفه العالم باجر تجي .....
اتفضحنابالشارع كله تحجي بسوالفنا يبوو عليه ولكم عمرنامايتحمل عرك ومصايب....
وانت الجبير وتعدل المايله شجااك حظيي هذا حظي المفروض اخوك اليغلط وانت ترگع ورا وتعلمه مو العكس گعدو والگو حل ....
وانت تحسين بعد الصار اللساني ميطخ اللسانك اعتبرني ميته وبجيت....
تحسين لايوم اسم الله عليج عمرج طويل انشالله گلشي ولازعلج عليه تدرين ما اتحمل
واني ماسويت شي غير اعتمدت ع نفسي بالشغل....
حسان بعصبيه وغضب مشروع وتعتمد ع نفسك يامشروع وانت ماخذ قرض ع محل الاقمشه منين اتوفيهن انت مخببببل....
تحسين احترم نفسك اني اگبر منننننك تغلط علييييه حقير شايف نفسك عليه انت اخر واحد يحجي وعلمني.....
رواء/ تعبنا يوميه مشاكل اتمني يوم واحد هدوء حجيت بگلبي لازم اوصل للهدف وانجح واخذ شهادتي واتعين حتي نطلع بيت وحدنا
يارب بس التوفيق منننك....
ابوتحسين /طلعو منا ولاواحد اظل اريد ارتاح وافگر حتى اعرف شنوو اسوووي بهل مصيبه....
حوراء /طلعو من الاستقبال وسدو الباب خالو تحسين دخل للغرفة بس شگله منفوخ الي اگله بز اطگ وخالوحسان طلع معصب وروحه طالعه.......
وامريكاوالعظمى اقصد حمديه الدنيا محترگ وهي كاشخه ومتمگيجه ع اخر حبايه اتگول عروس.....
حضرت صينية الغدة واخذته الغرفتهم ترم عظام خالو تحسين بعدالعرگه والهجوم الصار......
رواء/صار المغرب وصلينا وبدينانحضر العشا
وماما اساعدنا واندك الباب اصدقاءجدو اهل المحلات ومجموعه زلم جيرانا وياهم نسوانهم
رات ماما اتلگتهم ودخلت النسوان من باب المطبخ سلمنا ودخلن للهول والزلم بلاستقبال
وضيفناهم واني وحوراء بالمطبخ كعدنا وزجة خالو حسان اجت گعدت يمنا.....
واتصلت بخالوحسان كلتله انت وين خطار اجوي ع عمي تعالةبسرعة......
اشويه واجه خالو كال آمال ع سريع مي وجاي للزلم......
اخذهن وطلع ضلينا بس احنا....
آمال/كتلهم بنات باجر من الصبح اروح البيتي وباليل ارجع لان جو البيت متوتر......
واني ما اتحمل حمديه ومصايبه وكل اشويه شامرة قمبله وماالزم نفسي واتعارك وعمي تعبان وبعدين اطلع اني الغلطانه.......
نص ساعه وطلعو صبينا عشا جدوكوة اكل شوربه من القهرلملمنا ودنغسل بالمواعين دخلت خالتي
وبعده دخلو بيت عيال غدير وغدير.....
سلمو وكعدنا ممصدكين غدورة يمنا ونسولف
اشويه واشرت الماما بدون محد اشوفه وراحن للمطبخ....
غدير/اشلونج يوم والله مشتاقتلكم وانحرمت من شوفتكم من غيرالفضايح كلهم عيالي عرفوبخالو سكير....
واشلون ماخذ افلوس الرجال والقطعه ومواصوليه لان نسيبهم جان واگف من صارت المشكله وكل شي حجى لعيالي والله من سمعت صرت هل گدوتني كدامهم واحس صغرت بعينهم ومهيمن كل مرة وكال نسوتج صعبه ليش مترحين يم امج وخواتج اداروج واتحجج واگله لا دوام ومراح استفاد شي واغلس.....
الى متى يا امي لا نگدر ننجمع لا نگدر نشاوف
وشايله هم الولادتي لو ولديت وين اووولي
وبجيت.....
حظنتني امي وگالت اتهون واصير اسوالف الله كريم بنتي.....
رواء/ غدير وعياله كعدو نص ساعه وراحو
واحنا ضجنا لان كلشي منفتهم من جيته تجي رگض واتروح رگض....
جو البيت مگهرب ومحد يحجي بشي وبيت خالتي ساعه وهم طلعو لان باجر دوام.....
ثاني يوم داومنا وانتهى الدوام ورجعنا للبيت
لگينا الباب مفتوووح وامة الثقلين واگفه......
اختكم ام فرح
أنت تقرأ
يتيمه وجبروت البشر
ChickLitقصه تتحدث عن فتاة يتيمه تعيش معاناة هي وعائلتها بسبب فقدان الاب وتبقى العائله تحت رحمة بيت الاجداد وتعاني من الحرمان والمذلة وقسوة من يسمون انفسهم نحن نكفل اليتيم هل ستستمر المعاناة ام هناك بصيص امل يغير مجرى حياتهم
تكملة البارت الثاني عشر
ابدأ من البداية
