امير:وصلنة للناصرية شفت نرمين رايحه بعالم ثاني
ما حبيت اكعدهة مبينة كلش نعسانة.
نرمين يلااا كعديي
نرمين:اممم شتريد
امير:كومي يلا وصلنة للبيت
نرمين:ها هذا بيتكم
امير:اي يلا بسرعه امشي
نرمين:خاف ما يقبلون اهلك بية
امير:دمشي قابل جايب صاحبتي وما يقبلون غير جايب بنية يتميه وامانة بركبتي واهلي ما يقصرون وياج ان شاء الله.
امير:دخلت وسحلتهة سحل كلش خجولة،
دخلت للبيت الكل منصدم بجيتي.
قصي:اميرر
امير:ايي يا عمري شلونگ يالغالي
قصي:بعد روح ابوك شتاقيتلك
امير:والله اني اكثر
سحر:حبيب امك تعال ابوسك
امير:حبيبتي امي الغالية
امجد:بعد ما الكل سلم ع امير نظرات الجميع صارت ع هاي البنية الي جايبهة امير.
فاطمه:اكلك امير منو هاي البنوتة الحلوه
امير:تعااي نرمين دخلي ليش واگفة بالباب
نرمين:دخلت مدنگة ميتة من الخووف بيت جبير وناس غريبين حيل مستغربة.
امير:فاطمه اخذي نرمين لغرفتج واطيهة ملابس من عندج وخليهة تنام واذا تريد اكل هم اطيهة خطيه هاي.
امير:بعد ما الكل سئلني منو هاي جاوبتهم وشرحتلهم قصتهة الكاملة.
قصي:والله خطيه هاي البنية ان شاء الله بحمايتي مثل قمر.
امير:ما تقصر شيخ.
امير:يلا سمحولي اكوم انام حيل تعبان.
سحر:براحتك ماماتي
امير:صدك نور وين
سحر:اووف والله شكلك
امير:شبيهةة نوور شنو مريضه بيهة شي
سحر:سولفت لامير كلشي صار بغيابة
امير:وانتو شلون تصدكون هل صااقط سلام هاااا
سحر:والله ما ادري
امير:وهسة ما تعرفون عنهة شي
سحر:لا والله
امير:ماشي اني ادور عليهة بس خل ارتاح نور واعررفهة ما تسوي شي غلط.
سحر:ان شاء الله حبيبي يلا نام وارتاح ورانة سوالف هواية.
امير:ههه عن شنو
سحر:اريدكم تسولفولي عن كلشي صار وياكم بالانبار انت واخوانك.
امير:صار تدلل الغالية
سحر:عمري امير
...........
بعد يومين...
سجاد(التؤم هو وجعفر):چنت طالع يمي اصدقائي دخلت للبيت شفت بنية بياضهة بلون الثلج عيونهة عسلي شعرهة اشگر وطويل بعدين دنگت ودخلت للبيت سئلت امي منو هاي.
سجاد:اكلچ يمة
سحر:كول
سجاد:منو هاي البنية البرة
سحر:هاي نرمين الي اجت وية امير اخوك
سجاد:هاا هاي الكردية ههههه
سحر:اي ولك روح جاي اسوي آكل لا يحترك
سجاد:يمه هاي حلوه الكرديه كلش
سحر:ازوجهة الك
سجاد:عليچ الله وتسويهة غير احلة ام بالدنيا
سحر:اسويهةة صدك
سجاد:اتمنة
سحر:هههه دروح وينك وين العشگ خل اكمل غدة لا يجي ابوك وشيخلصني.
نرمين:كملت غسل ساحة البيت اجيت اطلع اغسل باب الشارع لزمني ولد من ايدي وسحبني.
سجاد:هيي انتي وين طالعه
نرمين:ها اغسل الباب
سجاد:اكو واحد طلب منج هل شي
نرمين:بس خالتي سحر كالتلي نظفي الساحه مال بيت
سجاد:بس هاي مو ساحه هذا شارع دخلي كدامي بسرعه هسة الي يشوف يكول بنت الشيخ طالعه بدون حجاب تغسل الشارع.
YOU ARE READING
نهوة ابن عمي الشيخ..!
General Fictionالقصة:تتحدث عن فتاة عراقية من جنوب العراق تعيش تحت ضغط العادات والتقاليد! لتواجه الكثير من الصعوبات والمشقات وهي في بداية عمرها ويصبح الجميع ضدها فكيف ستواجه ذلك ...!
