ترف وشيخ الجنوب

البارت السابع

ريم:حبيبي لا تشيلين هم ريحي نفسج باجر اوصي الج على دوه ينزل حرارتج وترتاحين

ترف:اسفه..اسفه لان هو مو بينكم اني اسفه

ريم:اوووف يا ترف كل مره راح ترجعين لنفس السيره تره كلنه محروك قلبنه واريد اكلج تره عمران قلبه طيب كلش لا عبالج

ترف:اي واضح

ريم:لج حقيره هذا اخويه

ترف:ما لكيت كلادتي ضاعت الله يوفقج هي كل الي باقيلي من امي الله يوفقج الكيها الي

_ريمه لا تتاخرين بنيتي نامي من وكت

ريم: حاضر قلبي محتاج شي

_لا سلامه قلب اخوج

حجيت من وره الباب ومشيت لغرفتي سديت الباب وتمددت على الجربايه ليش ما اريد اكللها الكلاده يمي ليش افكر بيها راسي راح ينفجر هلكد ما افكر بيها بحركاتها جمالها وحته وهي مبهذله ترجف القلب

#ترف

كعدت الصبح جسمي كله يوجعني دايخه سبحت وجنت كاعده انشف بشعري حته انزل اساعدهم تأخرت شويه فاتت رغد وصينيه الأكل بيدها وكمت بسرعه اخذتها من ايدها وكلت الها

_أسفه ميحتاج والله احد يجيب الي شي ولا تعبين نفسج

رغد:يا شبيج ولج تراني مو عجوز عمري 27

_لا لا والله مو قصدي هيج

نوال:والله عجزتي وكمتي ما تشيلين صينيه

رغد:غير تكعد راحه الزريكه

ريم:اش اهدو لا يكعد عمران

وصاحت بأسم عمران كل قوتها فزيت وبقن يضحكن البنات وصاح عمران من غرفته

عمران:لا تسون المكان حمام نسوان

ريم:محد كال الك ودي امي يم خواتها ومتقبل نروح وياها عمرااان

وصاحت بعلو صوتها يا رب ميجي ما اريد اشوفه و نفتح الباب فات لازم العكال بيده باوع عليه ودار عينه وكالت

ريم:عجز كام ما يكدر يمشي ولا يركض جماعتك شبعو مي ورد تدري بهل شي

عمران:ها متأكده من حجيج هذا خلي انطيج شبطين عكال واترك اثر بجدمج وكتها نشوف عجزت لو لا

مشه بسرعه ركضن البنات يضحكن وطلعن بره منتضرات ريم تنهزم منه صار كدامي وريم ورايه لازمتني وكال