Ang Teacher ng Section 13

CHAPTER 1

"Mag hanap na lang kayo ng papalit sa akin! Ayoko na!" muling sigaw nito at galit na lumabas. Sandaling katahimikan ang namutawi sa mga guro.

"Ano na'ng gagawin natin? Mukhang wala nang may gustong maging adviser ng section na iyon." Parang nauubusan na ng pag-asang saad ng head teacher na si Mr. Quizon.

"Kailangan nating makahanap ng susunod na adviser ng section 13 Mr. Mondragon."

"Bakit kaya hindi muna ikaw ang humandle sa kanila Ms. Chan?" turo ng isa pang guro sa English na si ma'am Santos.

"What?! Hindi pwede! Mababastos lang siya doon! At baka kung ano pang gawin sa kaniya ng mga estudyanteng iyon!" sabi pa ni Ma'am Paras, ang Filipino teacher ng section 13 na palaging binoboycot ng section 13.

"Kailangan nating madisiplina ang mga estudyante ng section 13. madami ang hindi nag eenroll dito sa school dahil takot sa kanila! masisira ang reputasyon ng Mondragon Academy!" Anas ng Head teacher.

Lahat sila ay nag sasalita sa conference room habang si Allen ay tahimik na nag iisip. Si Allen ang Principal samantalang chairman naman ang kaniyang ama ng eskwelahang iyon. Sa edad na tatlumpo ay tinanggap niya ang alok ng kaniyang mga magulang na patakbuhin ang nag iisang pamana ng kanilang mga ninuno sa kanila. At ayun ang Mondragon Academy.

Isa ang Mondragon Academy sa mga pinaka matandang paaralan na nakatayo sa buong Cavite. Open ito sa lahat ng nakatira sa buong Cavite. Isa itong all-boys private high school. Karamihan ng estudyanteng nag aaral dito ay anak mayaman. Pero dahil sa sobrang mahal ng tuition fee ay kakaunti lamang ang estudyanteng nag aaral dito. Kaya naman para dumami ang bilang ng mga mag-aaral ay gumawa siya ng programa na nag bigay oportunidad na makapasok lahat ng estudyanteng walang kakayanang makapag bayad ng tuition. Ang Mondragon Academy ay nag tayo ng panibangong building na siyang nag silbing paaralan para sa mga estudyanteng libre ang tuition mula 1st year hanggang 4th year.

Ang section 13 ay matatagpuan sa building na ipinatayo niya para sa mga estudyanteng libreng nakakapag aral sa paaralan. Tinawag itong section 13 ng mga guro kahit ang totoo ay apat na section lamang mayroon 4th year ng Mondragon Academy. Dati pa lamang ay rinig na ng binata ang tungkol sa section na iyon ngunit ipinag walang bahala niya ito nung una. Ngunit hindi inaasahang ganito pala kalala ang madadatnan niya bilang principal. Sa loob ng tatlong taong pamamalakad niya bilang principal ay walang guro ang hindi nag tagal sa tinaguriang hostile section ng Mondragon Academy hanggang sa makarating sa board ang kalokohan ng mga estudyanteng iyon. Nangako siya sa kaniyang ama na lilinisin ang pangalan ng Mondragon sa pamamagitan ng pag papatino sa naturang mga estudyante dahil kung hindi ay maki kick out lahat ng nasa section na iyon.

'Tatanda ako ng maaga dito. Shit.' Dumagdag pa sa frustration ni Allen ang usapan nila ng kaniyang kapatid. Hindi ito pumayag sa pakiusap nya dahil akala nito ay ipag kakasundo nanaman ito ng kanilang mga magulang. Ngunit mali ang kapatid dahil walang kinalaman ang mga magulang nito sa usapan nila.

"Kailangan natin ng adviser na makakapag patino sa kanila." Sabi ni Ms. Chan.

Tumikhim siya para kunin ang atensyong ng mga kaguruan ng 4th year.

"Don't worry. Ako na ang hahanap ng adviser nila." Tumayo ito sa kinauupuan atsaka dumiretso palabas ng conference room. Muli niyang tinawagan ang kaniyang kapatid ngunit out of reach na ito.

Bumalik siya sa office niya at doon ay nakita niya ang kaniyang kasintahan na si Sabrina Alejandro. Kaibigan din ito ng kaniyang kapatid. Nang dahil kay Alex at nag kamabutihan sila.

"Mamaw.." agad na nawala ang frustration na nararamdaman niya at agad na lumapit sa girlfriend.

"Mukhang madami kang problema papaw ah" nakaupo ito sa mahabang sofa ng office niya. Nahiga ang binata sa mga hita ng dalaga.