ما كان صوته قويا ولا جميلا لكن الكل يمدحه وكان مصر ع اسماع صوته للناس ( غصبا عليهم) ويجمع المواطنين المساكين بالمسرح ولا يخلي واحد يتحرك او يحجي او يغادر لحد ما يخلص غناء جنابه الكسيف وجان يغني لعدة أيام متواصلة حتة النساء الحوامل يولدن اطفالهن بالمسرح ولا يسمح الهن بالخروج وحتى بعض الرجال يمثلون أنهم ماتو حتة ياخذونهم برة المسرح لأن جان الموت العذر الوحيد للخروج أثناء غناء الامبراطور محد كال ابد ل نيرو كلايدوس قيصر اغسطوس غرمانيكوس المعروف بنيرون انما جان يحصل كل جوائز الغناء في الامبراطورية الرومانية الامبراطورية الرومانية تأسست 27 قبل الميلاد وجان نيرون صاحب الصوت الزفت آخر إمبراطور روماني والامبراطورية الرومانية كلش متسعة بزمن نيرون
Oops! This image does not follow our content guidelines. To continue publishing, please remove it or upload a different image.
الأمبراطورية الرومانية في عهده
المهم وزيادة في الاحتياط اختار نيرون 5000 الاف شاب قوي من الشعب ووضفهم علمود يصفكولة كل ما يغني ونطة قادتهم رواتب حلوة ولبسهم دمالج (سوار) من ذهب ع اعضادهم (أعلى اليد) وجان كلش يحب نفسه ومن طلعت لحيته حلقه وحطه بصندوق ذهب مرصع بلؤلؤ وقدمه للأله جوبيتر( هذا أحد آلهتهم القديمة ) وجان يسافر لليونان موطن الموسيقى والشعر والألعاب الآولمبية علمود يتحف اهلها ويغني ويسابق بالخيل ويصارع وجان المصارعين او المصارعون ينهزمون امامه لان هوة الامبراطور طبعا بس سباق الخيل مو سهل اقناع الحصان انو هذا الامبرطور فبتالي كل شوي يطيح من عربته و يوكوفون السباق ويرجعونه لعربته ويطيح مرة الثانية وتالي يمل من السباق كله بس طبعا هوة يفوز ، ومن يرجع لروما جان الزعفران ينثر كدامه والأضحيات تنذبح ويأمر ان يشمرون تماثيل كل من فاز بهاي المسابقات بالزبالة والمجاري ، وبما انو إمبراطور يحب شعبه جان يغار من اعجاب الناس بالحيوانات فيلبس جلد الحيوان ويهجم ع العبيد والآسرى المقيدين بالملعب ويعظ بيهم 😂 وكالعادة الجنود يصفقون اله حب وحده اسمه بوبايا سبينا ف أعترضت امه وجانت هواي امه تعترض ع احكامه وامه صاحبة الفضل لان هية سوته إمبراطور لان نيرون جان زغير وامه تزوجت الامبراطور كلايدوس وقنعت زوجه ان يسوي ابنه ولي للعهد بدل من ابن الامبراطور الحقيقي ، ومن بلغ نيرون خلت سم لزوجه وصار نيرون إمبراطور نيرون شاف امه هواي تعترض فدعاها من قصرها إلى قصره وبينهم كان خليج او بحر ومن رادت ترجع امر ان يغير سفينة امه غير الي اجت بيه لسفينه اخرى وجان مهيئ السفينه للغرق وامر غلمانه وعبيده ان يهاجمون السفينه وبالفعل هاجمو السفينه بس امة لوتية طفرت بالبحر وما ماتت ومن وصل الخبر لنيرون اتهم امه هي الي حاولت تقتلة وطبعا عدمه وكال للناس هي الي انتحرت قبل لا ينفذ بيه الحكم واما حبيبته الي قتل امه علموده هم قتله ركل(دفرات) ع بطنها وهي جانت حامل والسبب لان كلتله تأخرت بسباق الخيل وبعد فترة شاف رجل اسمه سبورس ذكرة وجه الرجل بوجه حبيبته وكال اجعلوه امرآءة وأجرو ذيج العملية غصبا عليه نوب تزوجه نيرون زواج رسمي ولبسه حجاب وردي واكاليل الورد وجان ما يفارقه وجان لابد أن يقتل مستشاريه وقتل معلمه الفيلسوف الكبير سينكا واجبره ع الانتحار وبدة يقتل الناس والي يعجبه ويذكر بعض المؤرخين انو قتل رجل لان وجه كئيب ويشبه مدير المدرسة لكن الزمان بدة يصير قاسي ع الامبراطور بعد احترقت روما وبعض المؤرخين القدماء يكولون هوة الي حرك روما ويغني أثناء ما كان يحرق بيه لكن المؤرخين الحديثين ينفون هذا الحجي الكارثة الي دمرته مو لان حرق روما بل القصور الي بناها والناس ما عدهم بيت يكعدون بي وبنى قصر جبير كلش كأنه مدينة لان ضخم وسماه دومس أريا يعني بيت الذهب مكانه باقي لليوم القصر بين تلتين وبيه حدائق وغابات وبنايات تخبل وحتة سوالة تمثال بطول 37 متر وجانت غرف القصر جدرانه مغطاة بالذهب وأخرى سقوفها من عاج وعنده غرف سقفها يدور وتصب ع الضيوف العطور ونهب نيرون الناس وخفض قيمة العملة وفرض الضرائب ع المواريث وجان يجبر الناس بالتعذيب ع التبرع للأمبراطور بثرواتهم بعد موتهم نوب يتركهم وبعد فترة يدز واحد يكتلهم او يجبرهم ع الانتحار وما عاف الناس انما بليل يتنكر ويسرق المارة(الناس الي طالعه تمشي ) عشوائيا ويمكن قتل بعضهم ولام المسيحين وجانو قليل بذاك الوكت ع اساس همة الي حركو روما فأمر الحرس ان يخلون الشمع ع اجساد المسيحين بالنهار ويربطونهم ع عواميد بحديقته وبليل يشعل النار بيهم علمود يضوون الليل لضيوفه وان يسون اللعاب السرك بضوء هاؤلاء الشهداء وكالعادة الشعب يخاف منه وجان عنده استخبارات بكل مكان لكن الغضب تسرب من الخوف كتسرب الماء من السد قبل أن ينهار وبدو الناس يكتبون اشعار ساخرة ع حيطان المناطق بالاتينية واليونانية علمود ما يعرفون الي كتبه ثم ثارت عليه بريطانيا وفلسطين وخسر ارمينينا لصالح الفرس وثارت عليه الحامية الرومانية بفرنسا بقيادة حاكمه فيندكس والحامية الرومانية بأسبانيا بقيادة غالبا وجان أهل روما يسمون اطفالهم وعبيدهم بأسم فيندكس وغالبا ويهتفون بأسمائهم بالشوارع واذا اجة حرس الامبراطور يكولون احنه نصيح ع عبيدنه واطفالنة ماكو احد بجيشه يريد يحميه ولما وصلت أنباء الثورة وانباء الجيش ما يردون يحمونه إلى روما فكر ان يسلم نفسه لغالبا او يشرد للفرس او يلبس ملابس الحداد ويظهر لشعب روما متندم ع جرائمه فيطلب منهم حكم مصر ويتنازل عن الامبراطورية ويكتفي بمصر وتالي حسم اختياره ويروح لمجلس الشيوخ بين الثائرين يمشي حافي ويبجي ويغني اللهم بلكت يعفون عنه لأعتقاده ان صوته حلو ولما سمع مجلس الشيوخ رآيه خلعه طبعا وعلنوه عدوا للشعب للمرة الأولى من جان زغير كلوله الي ما سمعه ابد = صوتك خررررة زفت دمرتنه جنك ذبانة من تغني وانصدم خطية والحرس انفضو عنه وشرد وراد ينتحر خاف ودور عن جندي وحارس او عبد من عبيده ليقتله بس ماكو ، وصاح لا اجد صديقا ولا حتى عدوا ليقتلني نوب اخذ زوجه سبروس إلى بيت بالريف واختبئ ولما اجت الحرس ادور عليه فسئل شنو عقابي كلوله تنجلد عاري حتى الموت وسحب خنجرين وضرب نفسه او قطع شرايين ايده وقبل لا يموت كال آي فنان عظيم تخسرون بموتي
