روايه عشق حياه

الفصل الثامن عشر

في الخارج

كنان وهو يضرب بالنار بحرافيه جدا هو وعدي وحازم ثم يقول كنان بضحك : ايه يا مؤيد مش ناوي تضرب بالسلاح .
مؤيد : لا ياعم هيعورني .
حازم بضحك : خايف يا مؤيد امال عايز تتجوز ازاي يا صغير .
عدي وهو يناوله سلاح ويقول له : امسك واضرب وانشف كده.
مؤيد بتوتر : عمري ما مسكته قبل كده .
عدي بهدوء : تعالي وانا هعلمك ومسك يده وأخذ يعلمه حتي تعلم ثم بدأ يضرب أكثر منهم .
اخذوا يحتفلون وسط فرحه الجميع ثم انتهي اليوم وتجمع الجميع داخل القصر .
احمد الاسيوطي : انت ياولدي في اوضه بتي حياه احنا جهزناها ليكوا ، والست وعد في اوضه جمبكوا والاستاذ عدي في اوضتك اللي كنت جاعد فيها ومؤيد وحازم في الاوضه اللي جمبها .
كنان بابتسامه : حاضر وأخذ يد حياه والجميع وصعدوا الي الاعلي .
وبعد أن دلوهم علي غرفهم .
حازم وهو يغمز الي كنان قبل أن يدخل غرفته بعد أن دخلت حياه : الليله ليلتك يا عريس .
مؤيد بضحك : لازم تكون اسد وتدبحلها القطه من اول ليله .
عدي بضحك : اتلم يالا منك ليه اخويا راجل وانا واثق فيه ادخل يا كنان وسيبك منهم .
ثم دخل الجميع الي الغرف .
~~~~~~~~~~~~~~~~~~~~~~~
في غرفه مؤيد وحازم .

مؤيد : مش عارف ليه احنا اللي في اوضه مع بعض .
حازم : انا لو عليا عايز اوضه لوحدي او مع موزه .
مؤيد بضحك : اه لو يجيبوا لينا موزتين كده هنا يبقي يا سلام .
حازم بضحك : طب نام يا اخويا ويبقي احلم بالموزتين .
وظلا يضحكان .
~~~~~~~~~~~~~~~~~~~~~
في غرفه عدي

عدي وهو يتصل بوعد ويقول : ازيك يا وعد انا سجلت رقمي عندك دون اذنك .
وعد : ليه .
عدي : عشان اطمن عليكي المهم الهدوم والحاجه عندك في الاوضه .
وعد : اه وشكر .
عدي : كلمتي ولدتك طمنتيها عليكي .
وعد : ايوه وشكرا علي التليفون .
عدي : العفو .
وعد : عايزه اسالك علي حاجه يا عدي .
عدي : اتفضلي .
وعد : انت ليه قولت ليهم اني خطيبتك .
عدي بهدوء : عشان عيله الدهشوري دول فكروا انك اختنا وكان ممكن يقترحوا أن انتي اختنا واحنا اخدنا حياه فهم ياخدوكي فأنا أول ما سألوا قولت لا خطيبتي عشان ميبقاش فيه كلام كتير في الموضوع .
وعد بتفهم : اه ماشي .
عدي : تصبحي علي خير .
وعد : تصبح علي خير .
~~~~~~~~~~~~~~~~~~~~~
في غرفه كنان وحياه

كنان : مبروك يا حياتي .
حياه بخجل : الله يبارك فيك .
كنان بابتسامه : ادخلي الحمام غيري واتوضي وانا هغير هنا وهدخل بعدك اتوضي عشان نصلي .
حياه بخجل: هههنصلي ليه .
كنان بابتسامه : هنصلي ركعتين لله يوفقنا في حياتنا اللي جايه يلا يا حياتي ادخلي .
وبالفعل دخلت وبعد مده هو ثم صلوا سويا ثم دعا كنان الله أن يوفقهما في حياتهما الجايه معا.
وبعد أن انتهوا جلست حياه بتوتر شديد علي السرير فجلس بجوارها كنان ومسك يداها وقال : مش عايزك تخافي مني يا حياتي وانا لسه عند وعدي جوازنا علي الورق ومعانا مهله لو تقبلتي أننا نعيش سوا فهنكمل فلو لا براحتك انا عمري ما اغصبك علي حاجه .
كنان بابتسامه : ربنا يخليك ليا يا كنان .
ثم قامت متسائله وقالت: طب دلوقتي انت هتنام فين وانا هنام فين .
كنان بضحك : انتي هتنامي علي السرير .
حياه : وانت ؟
كنان بضحك : علي السرير .
حياه بصدمه : ماهو احنا قولنا جوزنا ورق .
كنان بضحك : يا حياتي ورق بس عادي هنام علي سرير واحد وكل واحد ياخد جمب متخفيش مش هقرب بس لو عوزتي أقرب هقرب عادي وانتي قمر كده وغمز لها .
حياه بخجل : كنان اتلم بقا .
كنان بضحك وهو يقلدها : كنان اتلم بقا.
حياه بخجل : بس بقا ووسع كده شويه وأتت بمخدات ووضعتهم في المنتصف .
كنان بصدمه : مخدات ليه .
حياه بخجل : كده ثم تسطحت وأخذت الغطاء وتغطت .
كنان بصدمه : حياتي انتي هتنامي باسدال الصلاه والطرحه.
حياه بخجل : اومال اعمل ايه .
فاعتدل كنان في جلسه ثم أقامها واجلسها هي أيضا وقال : بصي يا حياتي انا جوزك علي سنه الله ورسوله يعني اقعدي براحتك مش لازم تفضلي متكتفه كده خدي راحتك ومتخفيش مني انا امانك حتي من نفسي انا قولتلك جوزنا علي الورق بس انتي لو عوزتي تغيريه عادي ده رأيك بس يا حياتي متتكسفيش مني انا جوزك مهما كان بلاش كسوفك الزياده ده مش هينفع تنامي باسدال الصلاه لانك مش هتعرفي تنامي بيه خدي راحتك ولو عوزاني انام علي الأرض عادي .
حياه بخجل : بس يعني انا عمري ما قعدت قدامك بشعري .
كنان بضحك : لان مكنتش جوزك لكن دلوقتي جوزك اوثقي فيا حياتي ادخلي الحمام غيري تعالي نامي وانا هنام عشان بس متتكسفيش وتركها وذهب الي الجنب الذي ينام به ونام .
ذهبت حياه الي الحمام بتردد ثم قامت بتغير ملابسها الي بيجامه ميكي ماوس وقامت بفرد شعرها الذي كان يصل الي بعد ظهرها بكثير وخرجت وأخذت تمشط شعرها أمام المراه مفكره أن كنان نائم .
كنان وهو ينظر لها بصدمه : بقا انا استاهل ضرب كام جزمه عشان اقولها جواز ورق بقا همسك نفسي ازاي هوف بقا بس انا امتا بقيت كده امتا حياه دخلت قلبي كده معقوله حبتها طب واللي كنت بحبه لتالا ثم قال تالا مين واللي معاه القمر ده يفكر في تالا ثم قعد يقول اووف بقا ياربي وأخذ يتلقب في السرير.
ثم ذهبت حياه باتجاه السرير وغطت في سبات عميق بينما ظل كنان صاحي لا يستطيع أن ينام بعد أن رآها بالك الهيئه .
كنان لنفسه : معقوله حبيتك بس امتا امتا نسيتيني تالا معقوله كنت وأهم نفسي بحب تالا بس انا معتش تهمني تالا انتي لما كنتي بتموتي انا كنت بموت زيك واكتر انتي بقيتي حاجه مني انا مش عارف ده كله حصل امتا وازاي بس اللي عرفته انهارده اني مقدرتش اشوف حد بيبصلك كنت هموت حازم ومؤيد علي اني عارف انهم بيهزروا بس مكنتش مستحمل ياتري هتحبيني يا حياه بس لازم اقولك علي كل حاجه حصلت معايا زمان .
ثم اعتدل وأخذ يتطلع بها وهي نائمه ثم قبلها بهدوء ونام بجوارها وهو سعيد لانه أصبحت زوجته .

وفي الصباح صحيا علي أحد يطرق بابهم ثم ذهب باتجاه الباب وفتحه وجد الحاجه امينه وهي تزغرد وتقول صباحيه مباركه يا عريس اتفضلوا الفطار اهو وبعد ما تفطر انزل أجدك واديله الامانه .
كنان بذهول : امانه ايه .
الحاجه امينه : الامانه اللي كان جايلك عليها .
كنان بتفكير : حاضر يا حاجه وتسلمي علي الفطار ثم ذهب ووضعه علي السرير ثم قال هعمل ايه في المصيبه دي دلوقتي ......

توقعاتكوا
رواية عشق حياة
بقلمي المتواضع زوزه
جروب روايات بقلمي المتواضع زوزه ❤️🌈😍

كنان هيعمل ايه ؟؟
الحاج احمد لو عرف ايه اللي هيحصل ؟؟
عدي ووعد علاقتهم هتعمل ايه؟؟
تالا لو عرفت أن كنان اتجوز هتعمل ايه ؟؟
كنان نسي تالا معقول والا لا ؟؟