مرحبا
الكل جاي يسأل ويعتب عليه ويگلي نزلي بارت واذا ما تنزلين گلينه ليش ننتظر
تعرفون بيه انا اعاني من وعكه صحيه والدكتور مانعني من الكتابه لكن انا اكتب ومن اتعب صدقا اكتب
باليد اليسرى وارجع اعيد قراءة ما كتبته اصحح الاخطاء الاملائيهاعزائي مثل ما خبرتكم سابقا من اكمل البارت انزله احيانا اتاخر بسبب المرض والتعب المصاحب اله واحيانا
اتاخر لان البارت الي انشره لازم ثاني يوم انشر بارت ثاني تكمله للاحداثانتم اتحملوني وادعولي بالشفاء 🤲🤲😭
القصه بيها احداث مروعه بالبارتات القادمه رغم شارفت ع النهايه لكن احداثها قويه
حاولوا تنشروها بين اهلكم واقاربكم احنا نعيش بوقت صعب جدا وقت انتهت بي الاخلاق والقيم وحل ابدالهن
الكذب والحرام وهذا الي راح نقرا ونتعايش ويا بالبارتات القادمه 😱😱😱اتمنالكم قراءه مفيده 🥰
تحياتي آنيين الليل 🌺
/////////////////////////////||ناديه
عرفته فيصل ما رديت على رسالته وهو ما حاول يراسلني رغم انا كل شويه اروح اشوف الواتساب
گعدت على حركة حنين الي شفتها مبدله هي ابتسمت وگالت / / اليوم اخر يوم بدورة السادس
باوعت الها وانا اتمغط ... ... اي مو منا وهيج المدارس
حنين اتقربت //صباح الخير ندووش حبيبتي چايج بالغلايه والجبن بالثلاجه والصمونات فوكها
(تقصد فوك الثلاجه ) وانا رايحهابتسمت وگتلها... ... الله وياج
ردت عليه // فدوه ندووش قبل لا يبدي الدوام نروح نشوف بيبي جميله
خزرتها وما جاوبت وهي باوعتلي دنگت وراحت انا بقيت بفراشي وانا استذكر العطله الي مرت چانت بالنسبه النا
انا وحنين اهدأ عطله افراح تاركتنا وما تسمعنا حچي وهديل ساكته وبهاي العطله ماكو غسل زوالي مال الشتا
ولا اكو غسل بطانياتچنا انا وحنين يوميه ننزل نغسل المواعين والمطبخ ونفوت ع الطارمات
وقبل اسبوعين ياسر سافر ايفاد للخارج يبقى تلث تشهراو اكثر ودووم چان يخابر اهله ويخابرني من
خطي وانا احاول بس اسلم علي واتمنااله الرجوع بالسلامه ودوم اسمع افراح تحچي- - - راح نخطب الياسر براء
وهالمره گالت الامها وعمه شمس بس يرجع من الخارج نخطبله ونعقدالهم فد نوبقبل السفر من تحجي افراح بموضوع الخطبه والعقد ياسر ساكت مو مثل كل مره يحجي وما يقبل
وهذا الشي فرحني گلت الحمد لله ياسر اخيرا فهمني وفهم كلامي وراح يتزوج بت خالته الي اشوفها حلوه
ومناسبه اله (چذب هي تشبه امها وخالتها من ناحية الجمال والخباثه )لكن كل هذا الشي والهدوء والتغيير انا بقيت ما مرتاحه. ومترقبه ما معقوله افراح ساكته هي وهديل
اعرف جاي يدبرن شيداومت بالكليه واهنا قررت اشمر كل شي وراي تعب السنين واليتم وضيم افراح وطمع هادي
وقهر ميثاق وخيانة لمى
اله جريمة مياده ماگدرت اتركها لان اكيد هي ما راح تتركني راح تبقى لازگه بيه انا حاولت اتناساها
قررت اكون انا وبس انا ناديه الي لازم ادرس واكافح واطلع الاولى على القسم حتى يكونلي نصيب واتعين
أنت تقرأ
ناديه طفله اوصلت امها الى حبل المشنقه
ChickLitفي هذا الزمن المتقلب هنالك الكثير من القصص التي حين نسمعها لانكاد نصدق انها موجوده في مجتمعنا هذه قصه حقيقيه واقعيه ولازالو من عايشوها يتكلمون بها رغم قساوة الحياة وصعوبة اليتم الا ان المجتمع لا يتقبلها ناديه فيها الكثير من المعاناة لكن الحيا...