ناديه طفله اوصلت امها الى حبل المشنقه

البارت التاسع والثلاثون

احبابي عندي عتب بسيط
انتو الي تقروون ومستمتعيين اعداد اهواي ميه وميتين وخمسميه والف
اكيد تحبونها للقصه وتقرؤها سؤال يراودني

ليش ما تدوسون النجمه تره انا الي جاي اكتب واعيد الكتابه والاحداث واسال واحيانا اخذ راي ناديه
استاهل منكم تدوسون نجمه هي نجمه بس اضغطوها

لاتكونون بخلاء النبي صلى الله عليه وآله وسلم يقول
اعطي الاجير اجره قبل ان يجف عرقه

انا جاي اكتب واتعب واسهر واتمرض بس حتى اوصل القصه الكم
استاهل تصوتون مو ؟!
اي استاهل
شكرا الكم
//////////////////////.
ناديه
بتنا يم بيبي جميله وتقريبا نفس ما انا ما انام بالليل عمه شمس باتت يمنا وبقينا نسولف وهي تگلي
ديري بالج من افراح وبناتها لان هسه راح يشنن حرب عليج وياهن هادي ونصره
سالتها //عمه شتگولين هادي راح يسكت
شمس //اسمعي ناديه حتى لو هادي سكت افراح ما راح تسكت لازم تكونين حذره وتتصرفين بذكاء
...اعرف عمه وانا متاكده ما راح تسكت

شمس //الصدك انتي سباعيه واتصرفتي زين بس گليلي صدك انتي ساحبه الوصايا من سراج من قبل سنتين
ضحكت ......هههههههه لا عمه اصلا كل شي صار قبل تلث تيام بس انا فكرت اسوي هيج حتى اجنب نفسي المشاكل
شمس //ما طول سراج وراج لا تخافين

هزيت راسي بالنفي ...لا عمه سراج ما شفته من اكثر من سنه بعد شنو هو وراي
شمس //هسه مثل ما گتلج ديري بالج من افراح تره راح تشن حرب عالميه
...وانا هم احاربها خو ما اسكت كافي شبعت ضيم وقهر ومذله انا واختي
شمس//نامي مو وراج دواام
...لا ما اداوم اريد اشتري ملابس وحتى شويه وجهي يطيب

شمس //انكسرت ايدهم مي خالف بشويه مكياج يصفى وجهج
...لاعمه انا اصلا ما اخلي مكياج بعدين منيلي
شمس ابتسمت وگالت //انتي حلوه بدون مكياج بس يراد تعتنيين بنفسج ولازم تفكرين شلون تحافظين
على حلالج  وحلال اختج وتديرين بالج من هاي الحيه افراح
...... ان شالله عمه

جميله عبالنه نايمه گالت //اي اسمعي كلام عمتج وديري بالج من افراح ونصره
شمس گعدت على حيلها وگالت //هسه يمه لو زهراء قابله بهادي ما چان كل هذا صار وهسه هنه عايشات
ابيت ابوهن معززات مكرمات
جميله وهي خاله ايدها على عيونها //تدرين بيه حلفت ما اجبر زهراء من لمن اتطلگت وعلى كيفج شمس لو ماخذه
هادي چان هسه يباوع الها مثل ما يباوع للبنات انتي من كل وعقلج بت نصره تخلي يشوف دربه

صفنت ويه نفسي وكلت يعني هادي خطب زهراء بعدين اتذكرت لمن زهراء اتعاركت ويه افراح على مودنا
وگالت الها صوجي ما قبلت بهادي
يعني عمي هادي خاطب زهراء وانا اشوفه من تجي شلون يبقى صافن عليها ومن تحچي يسمع الها يعني
عمي هادي خطب زهراء وطلب منها تبقى ويه بيبي او ويانه يعني عمي هادي يدري بينا احنا بنات اخو
لا ويجوز طلب من زهراء الزواج لان يدري بيها تحبنا ونحبها ويجوز چان يريدها اتاثر علينه حتى نتنازل الها
على ورث ابونه ويجوز ويجوز اوووه هسه زهراء اتزوجت وهادي يشوف العمى وما يشوفنا