غياهب الجهلِ والظلمِ

البارت الثامن_عشر

ميرا.. ماكو مجاوبته ولا نفس طلع مني رغم ختنكت بالحمام بس احسن ما اريد اطلع يمى احسه وحش مو بشر. ...

سكت صوته مينادي بعد شويه ودك باب الحمام وهو يضحك ويكول ...

أدم... اطلع يحلو ليش خاتل هنا

جاوبته..احسن خليني هنا انته معليك بيه..

ضحك وكال ... اطلعي باباتي اطلعي ماعليه بيج والله بس لاتظلين من دون عشا تعشي ونامي يلا ..

هستوني دا اكوله ما اريد بس عصافير بطني كام يصوصن عاد كلتله بتلكئ ..

...احمم يعني معليك بيه ومحتجبرني على شي ...؟

ادم.. مستحيل اجبرج على شي اطمئني واطلعي يلا حبيبي ...

ميرا.. بالاول احلف عالمود اصدكك ..

أدم بضحكه.. وداعت غلاوتج عندي وتعرفين ما احلف بيج كذب يلا حبيبي برد الاكل ...

ميرا ... فعلاً هو من كان يسوي شي او مكسوره ميصدكوه اله يخلف بيه يعرفوه يحبني وميكذب بحياتي ابد ..

طمئنيت فتحت باب الحمام وطلعت من شافني ضحك بصوت وتقرب حضني باسني براسي وكال

..يلا نتعشه هسه برد الاكل ..

..ابتسمت ورحت وياه فتحنه الاكل وبلشنه ناكل والحمدلله من كملنه اكل نمنه و ما حاول يتقرب مني ابدد..
~~~~~~~~~~~~

امين:-عشينه الزوافيف ورجعو كلمن لبيته احنه ماسوينه عرس كبير بس بيناتنه ..

..فشله من ابو علي علي ماصارله غير كم شهر من توفه ...

..ظلو يمنا بس ولد عمامي وكم واحد من ولد خوالي اما البقيه كلها راحت ...

اني طلعت من بيتنه رحت على بيت عمي ابو مصطفى اسلمه جواز مصطفى الحمدلله اليوم يلا كدرت اطلعه اله ...

..لان الجواز حيل يتأخر بس معارفي كثر الله خيرهم مشو الي وطلعو بسرعه .

خلي انطلعه من العراق لان ادم مايسكت عنه ويقتله اذا ظل هنا فأحسن حل هو السفر ...

وصلت للبيت دكيت الباب شويه وطلعتلي اسيل لافه راسها بالسماغ ولازمه عودة الماسحه ومشلحه وكافه ردن اديها ...

كلتله.. شنو اسيل خير الي يشوف منظرج يكول وحده من الاثنين يا عدها حرب يا تسرح بالطليان ...

وخرت الشماغ عن حلكهه كالت وهي تفر بعيونها وتعوج بحلكها ..

..والله يا أموني كلامك عين العقل اني حالياً دا اسرح بالطليان ...

...اله شنو من طليان الله وكيلك مشيتهم مثل الميل النفس مايجرو الى يستأذنون مني..

أمين:-باوعتله واني مستغرب كلامها كلت ... ليش انتم منيلكم طليان علمود تسرحين بيهن وشلون مشيتيهن مثل الميل بلا..؟