#جُرحً_اَْلّمٌاَْضيِ,,,,,
#الجزء_الثالث
راحت ام عاصم لعند قيس
ام عاصم :اهلين ابني قيس شو وين هالغيبة معئول ابنك ماتجي تزورو كل هالفترة 😢
ضل قيس صافن بهبة وئلبو رح ينفجر مو عرفان ازا كان مبسوط او حزين...وما انتبه علئ امو ...💔
وهبة ماكانت حالتها احسن لأنو الئلب المجروح اللي جوا واللي فكرتو وئف زمان رجعت سمعت صوتو عم يدء بس شافت قيس 💔
انتبهت لينا عتطليعات التنين لبعض...وسحبت امها من ايدها وئالت :شايفة اللي انا شايفتو
ام عاصم :اي شو عم يصير ؟
لينا :انا بتصرف...
لينا :اي اخي بعرفك الانسة هبة بتكون معلمة كنان بالمدرسة
قيس :اي اهلا وسهلا انسة هبة ،وئرب عليها ومد ايدو ليسلم عليها...❤
اتطلعت هبة بإيد قيس كيف ممدودة وبلشت تتنفس ببطئ وحاولت تخفي مشاعرها ومدت ايدها وسلمت عليه
هبة :اهلين فيك سيد قيس 💔
واتطلعت بعيونو ورجعت سحبت ايدها ...
قيس :كيفك كنان
كنان :الحمدلله بابا 😔
قيس :يالله طلعو بالسيارة
وطلع بالسيارة بدون حتئ ما يتطمن علئ كنان ولاحظت هبة عدم اهتمامو بكنان مع انو طلع من المشفئ.....
اتطلع كنان علئ هبة وئال :انا بدي اركب مع الانسة هبة بسيارتها
وتعمشئ بإيدين هبة
هبة :كنان مابصير لازم تركب مع ابوك
ام عاصم :لك كنان يالله تيتة تعال ركبك
كنان :مابدي مابدي بدي اركب مع انسة هبة 😭
لينا :تعا كنان عيب عليك خلي البنت بحالها
هبة :خلص اتركي رح وصلو عالبيت بس ياريت تطلعو انتو كمان وصلكون
ام عاصم :ياحبيبة ألبي طيب استني شوي
راحت ام عاصم وئالت لقيس انو كنان مورضيان يطلع اللا مع هبة ...وماعارض
لينا :اي ماما شو ئلك؟
ام عاصم :ماعندو مانع وئلي انو رح يمشي ئدامنا لحتئ يدل الانسة هبة علئ بيتنا...
طلعو كلون بسيارة هبة ومشيت سيارة قيس ولحئتو هبة بسيارتها ...
كان قيس عم يتطلع من خلال المراية عسيارة هبة...❤
وشعل الراديو عأغنية «مرة شفتا مكتوبة بنجوم السما ياعيوني فيها دوبي ما احلا مرسما هيدي هية كلماتك بئلبي خبيتا حياتي سميتا من ئلبي عم كلمك ماودعتك كتير عليي الوداع ولا يهمك ئلبي كبير وبساع صوتي رايح لعندك سماع ...بدو يئلك اوعئ تفكر ترجع.بأرضك ياهوا ضلت زكريات شو كنا سوئ ئلبي كانو مات هيدا نصيبي بشكر هالعمر بشكر حبيبي عودني عالصبر 💔»
ورجع اتطلع بسيارة هبة وبلشت عيونو تدمع وبلش يداريها
قيس :معئول ما ئدرت انساكي لهلأ بئولو البعد بخلي غلاوة الانسان تئل بس انا شايف العكس...💔
اما هبة كانت لاحئتو وهية صافنة وعم تئول :شوف الدنية شو صغيرة اااخ بس انا سكرتا اي سكرت صفحتي الئديمة ،وجرحي لسا ماطاب بكفي هدي هبة واتعاملي معو كأنو شخص غريب ...هية هالتوصيلة وبعدا معاد ترجعي تشوفي وشو اي
وئطعتلا سلسلة افكارها لينا وئالت :اي انسة هبة ...
هبة :اه ئولي
لينا :حسيتك انتي واخي قيس بتعرفو بعض
سعلت هبة سعلة وئالت :لا ابدا اول مرة بشوفو
واتطلعت عالمراية وشافت كنان عم يتطلع فيها وملامح وشو كانت باردة كتير
هبة :شبك كنان
كنان :انتي رح تجي تزوريني بالبيت صح ؟
هبة :.....😰
ام عاصم :اي كنان مو وعدتك اكيد رح تجي
كنان :عنجد انسة
هبة :اي حبيبي كنان انا وعدتك ورح اجي زورك. كمان 😔
واخيرا وئفت سيارة قيس ووئفت ورا سيارة هبة ونزل قيس وبس شافتو هبة نزل من سيارتو رجع ئلبا يخفئ اكتر من ئبل وفتح باب سيارة هبة من ورا
قيس :يالله كنان يالله بابا نزيل...
نزل كنان وام عاصم ولينا وهبة ...
ام عاصم :اي انسة هبة طلعي اشربي فنجان ئهوة
هبة :لا خالة غير مرة انا تأخرت عالبيت لازم ارجع
لينا :اي براحتك ،اي اخي مو طالع !؟
قيس :عندي شغلة بعملها وبلحئكون
طلعت ام عاصم ولينا وكنان عالبيت وضلت هبة وقيس وائفين ....
هبة :وانا رح...
وركدت عسيارتا لحتئ تطلع ....
قيس :كيفك هبة..
دئرت هبة مكانها بس سمعتو حكا اسما
قيس: الحمدلله ..هبة
طلعت هبة بالسيارة وشغلتا وفجأة طلع قيس وئعد جنبا وئلا: ليش مستعجلة ؟
هبة :مو مستعجلة قيس انا بدي روح بس..
قيس :طب بتئبلي عزيمتي عفنجان ئهوة ؟
هبة :مابئدر انا لازم امشي
قيس :هوة فنجان حابب اعرف اخبارك..
اتطلعت هبة بعيون قيس العسليات وئالت :ماشي
ومشيت بالسيارة لأئرب كفيتريا ونزلو وئعدو علئ طاولة وهية ئاعدة وغاضا نظرها عئزاز الكافيتيريا وعالشارع وتطلع عالرايح والجاي
وقيس كان عم يتابعها ويتابع حركاتها....
قيس : اي حكيلي شو اخبارك ؟
هبة :اخباري منيحة
قيس :شكلك لهلئ مو مرتبطة
هبة :اه...مين ئلك لا انا مخطوبة
قيس :وين خاتمك
اتطلعت هبة بايدها وئالت :اي مابحب البسو
قيس :هي ئدرتي تكفي حياتك ..
هبة :اي وانته كمان ،ليكك تجوزت بعد ما ماتت سحر...
قيس :تجوزت !؟
هبة :اي لكن كنان ابن مين ؟ ههه
ابتسم قيس وسكت
هبة :بس في شي ماعم ائئدر افهمو
قيس :شوهوة ؟
هبة :عمر كنان 7 سنين وسحر ماتت من 7 سنين كيف ؟
قيس :شو ازضك ؟
هبة :مابعرف بس في شي غلط صح !!
اتطلع قيس بهبة وسند دئنو بايديه وئال :حزرتي
هبة :شوهوة اللي حزرتو
قيس :لما كانت سحر عزمتي كنت علئ علاقة بوحدة تانية وهي بتكون امو لكنان
انصدمت هبة :انته خنتا لسحر
حط قيس الفنجان من ايدو وئال بدون ما يتطلع بهبة:ليش انتي ماخنتيها
ورجع ركز بعيون هبة :ليش وصفتيني بالخاين ونسيتي حالك ؟
دمعت عيون هبة واجت عبالا زكرة عابرة عن رفيئتها سحر..«سحر :شوفي هبة انا وياكي اتربينا متل الاخوة وحتئ كنا نئسم كلشي بيناتنا وضلينا اكتر من اخوات لكبرنا ...بس انا مارح اسمحلك تاخدي قيس مني ،ببوس ايدك هبة اتركيلي اياه عالئليلة بآخر ايامي 💔»
هبة :انتة حقير
حملت هبة شنتتها وطلعت برا الكافيتيريا ..طلعت بسيارتها واطلعت علئ قيس وكان لسا ئاعد وعم يشرب فنجانو..
هبة :انا الحق عليي يلي فكرتك تغيرت ..
وشغلت سيارتها ومشيت.....
YOU ARE READING
جرح الماضي
Action#جُرحً_اَْلّمٌاَْضيِ,,,,, المقدمة .....:اللي صار بالماضي لازم انسا ،خلص انا هلئ بلشت حياة جديدة مع ناس جدد ،كلشي عشتو كان مراهقة ،حب هههه اكتشفت انو هوة اكبر كزبة الواحد بيعيشا ،صداقة نفس الشي حياة رح عيشها لمصلحتئ وبس .... 💔
