جرح الماضي

الجزء الأول

اخيرا اقتنعت جيني بكلام هبة وريان ورضيت تلبس بدلة المدرسة
طلعت جيني وئالت :منيح هيك 😒
ريان :ياعيني عليكي ،جيني الله يرضا عليكي بعد المدرسة بتنزلي عالسوء انتي وهبة وبتغيري ستايل لبسك مابدنا نصير علكة بتمام العالم ....يالله انا تأخرت صار لازم امشي...
جيني :ليش شبو ستايلي
ريان :جيني انتي ماعدتي الصغيرة يلي بتلبس شو ماكان وبتطلع ،عمرك 16 في بنات هون بالبلد بتتجوز بهالعمر ،بئا اسمعي الكلمة
هزت جيني براسها وئالت :حاضر انته بتعرف اني ما بردلك طلب اخي رين
ريان :الله يطولك ياروح ،متل مارح تغيري ستايل لبسك لبئئ تناديلي رين اسمي ريااان ..

راح ريان وبعدين اخدت هبة جيني عالمدرسة وأمنت عليها وطلعت علئ المدرسة يلي رح تشتغل فيها ...
فاتت واتعرفت عمديرة المدرسة ووعطتها كل الاوراق اللازمة لتوظيفا..
المديرة :كأنو هي اول سنة الك بالتدريس
هبة :اي والله هي اول سنة☺
المديرة :اي معناتا انا رح سلمك شعبة من الصف الاول
هبة :ليش اول يعني مابيمشي الحال درس رابع او خامس
المديرة :لا والله حبيبتي بما انك لسا جديدة بالتدريس بنشوف كفائتك مع الصف الأول ،
هبة :اوك ايمتا بئدر بلش
المديرة :هلئ 😄
واخدتا المديرة عالصف يلي رح اتدرسو ...
فوتتها عالصف وعرفت الولاد عليها وراحت..اما هبة كانت كتير كانت ملبكة وخايفة لأنو هي اول مرة الها بتدرس ....
هبة :مرحبا كيفكون اليوم
ردو :الحمدلله
هبة :اي معناتا ....خليني اتعرف عليكون
وبلشت هبة تتعرف عالولاد ...كانو لطاف كتير ومهضومين وبسرعة اخدت وش عليهون...كانت عم تتعرف عليهون لما وصل الدور لولد من بيناتون ...لما وئف هالولد حست هبة انو  ئلبا وئف ولما حكا حست بغصة بئلبا...ليش مابتعرف 😓
هبة :شو اسمك حبيبي
....:اسمي كنان
هبة :عاشت الاسامي كنان يالله ئعود
اطلعت فيه وصارت تحكي لحالا :لك ليش بيشبهو كتير ..معئول انا مائدرت انسئ لهلأ
اخيرا خلصت الحصة وطلعو الطلاب عالباحة وهية راحت عغرفة المعلمات وئعدت بيناتون ،كانو بأعمار مختلفة وأغلبون اكبر منا ...اما المدرسات اللي من عمرا كانو جيهان وعلا..
علا :كأنك جديدة ؟
هبة :اي وبدرس صف اول
جيهان :اي شعبة استلمتي ؟
هبة :الشعبة التالتة وانتي
جيهان :لا انا بدرس صف تالت
هبة :اه...
علا :وانا بدرس صف رابع ☺
المهم كان طاقم المدرسات لطاف اتصل اخوها ريان فيها...
هبة :اهلين رين
ريان :لااااا ..
هبة :خلص اسفة ريااااان
ريان :لك صحيح مائلتيلي اسم المدرسة وبأي منطئة
هبة :وليش عم تسأل ؟
ريان :زيادة معرفة
وعطتو اسم المدرسة واسم المنطئة....
ريان :طيب ليكي اي ساعة بتنصرفي ؟
هبة :يعني عال12
ريان :ماشي يالله انا رح سكر انشغلت
وسكر الخط...

....مر هاليوم اخيرا وخلص الدوام وانصرفو الولاد وطلعت هبة من المدرسة شافت علا وجيهان وائفين وعم يتهامسو متل طالبات المدرسة 😂ئربت لتشوف شو الئصة ...
هبة :خير صبايا شبكون وائفين وعم تتهامسو علئ مين ؟
جيهان :اتطلعي وراكي بتعرفي 😍
فتلت وشا شافت اخوها ريان لابس نضارة شمسية وراكن حالو علئ سيارة اول مرة بتشوفها وحاطط ايدو بجيبة بنطلونو وكان عم يحكي تلفون ...وكان طالع بجنن 😍
علا :لك شوفي شو حليوة معئول يكون ابو واحد من الطلاب 😓
جيهان :لك تفي من تمك انشالله يكون عزابي ،
اما هبة ضلت ساكتة وعشوي رح تفرط ضحك عليهون 😂😂
علا :لك هبة جيهان انا رح يغط عئلبي والله بتجيني جلطة ازا ما عرفت اسمو 😍👈😂
هبة :هههههه لا سلامة البك اصحك تجيكي الجلطة اسمو ريان وعمرو 28 وهوة محامي وعزابي كمان 😂😂
اتطلعو جيهان وعلا بهبة هيك 😳😳
جيهان :بتعرفي ؟
هزت راسها وصارت تضحك وراحت لعند ريان ووئفت جنبو....
هبة :لك شو عم تعمل هون ؟
ريان :لك نسيانة شو اليوم ؟
هبة :اليوم الأربعاء!
ريان :ههههه اليوم عيد ميلادك يا جدبة بس ليش اجا بيوم الأربعاء مو بئولو عيد المجانين 😂😂
ضربتو عكتفو ضربة خفيفة بالمزح وصارو يضحكو ...
مسكلا ايدا وعطاها مفتيح سيارة وئلا:كل عام وانتي بخير وهي هديتك..😉
اتطلعت هبة بالسيارة وطارت من الفرحة
هبة :لك يسلموووو ايديك يا احلئ اخ بالدنيا 😍
اجو جيهان وعلا لعند هبة وريان لحتئ يعرفو ريان عن ئريب...
جيهان :هبوووش ماعرفتينا 😁
علا :اي هبووشة ئرايبك الشب 😍
هبة :اي ريان بكون اخي الكبير ☺
ريان :مرحبا كيفكون
هبة :ريان هدول زملاتي المدرسات علا وجيهان
جيهان :اتشرفت بمعرفتك سيد ريان 😍
ريان :الي الشرف انسة ...
هبة :جيهان
ريان :انسة جيهان
ودفشت علا جيهان طيرتا ووئفت محلها 😂 وئالت :وانا علا انا مبسوطة بمعرفتك استاز ريان 😍😍
اتضحك ريان ضحكة صفرة واتطلع بهبة وسلم عليها وئلا :اهلين انسة علا 😅
علا :😍😍
هبة :ايييي اخي يالله صار لازم نمشي...😒
وطلعت هبة بالسيارة محل الشوفير ورجع ريان لبس نضارتو وطلع بجنبا ومشيو...
اما علا وجيهان لساتون مجلوطين جلطة ثلاثية ابعاد...😂
جيهان :شفتيلي هالجلطة لك علووشة 😍
علا :ايييي ياهيك الأخوة يابلا 😍
==========================\
اما بمدرسة جيني ....
المعلمة :هي رن الجرس يالله انصرفو
جيني :omg ....أخيرا 😪
وضبت جيني شنتتها وشلحت جاكيتا وربطتا حوالي خصرا وحطت علكة بتما وفردت شعرا وحطت نضارة شمسية وطلعت من المدرسة ...واستغربو كل بنات المدرسة من تصرفها...وولا وحدة رضيت تئرب عليها وتصاحبها لأنهاكانت مختلفة كتير ....
كانت جييني حاطا سماعات الموبايل بأدانا وحاملة موبايلها وعم تلعب فيه وهية ساندة حالا علئ عمود  متل الزعران  وناطرة هبة لتجي تاخدها....
وفجأة وئفت ئداما شلة  مألفة من 4 بنات من نفس الصف وئالت وحدة فيون :شو ياحلوة
بس جيني كانت مشغولة بالموبايل والأغاني
اطلعو البنات ببعضون وئربت وحدة عليها ودفشتا وئالت :عم نحاكيكي بتردي 😠
اتطلعت جيني بالبنات وشالت السماعات وبلشت تعلك ببطئ وهية عم تطلع بالبنات وحدة وحدة وأخيرا ئالت :نعم !!؟
....:هههه شفتولي بنات علئ هالشكيلة هي 😏
...:اي ههههههه يعني مو عارفة منين بيجو هدول 😂
جيني :ليكون مو عاجبكون 😒
....:ههههه لا والله
جيني :اي انشالله عمرو مايعجبكون ،وازا بتفرئوني هلئ بكون احسن
....:لك انتي شو مفكرة حالك 😠
جيني :ااااااه طيب رح ئلك...
حطت جيني الموبايل بجيبها ورفعت شعرا وضبتو بمطاطا ومسكت العلكة يلي بتما وطلعتا ورمتا عالأرض وشمرت عن زنودا وئالت :اي وحدة فيكون بتفضل تاكل ئتلة بالاول 😂😂
...:تاكل ئتلة !؟ انتي رح تضربينا بالشارع 😥
جيني :والله ازا ضليتو ئدامي ،رح تاكلوها 😠
خافو البنات منها وئالو ننفد بريشنا احسن 😂
راحو البنات ..
جيني :تضربي منك الها شو غبيات ...
وصلت هبة بالسيارة وركنتا جنب جيني....
اتطلعت جيني بهبة وئالت :لك هبوش ،منلك هالسيارة ؟😍
هبة :اطلعي هلئ بئلك
طلعت جيني وئالت :جد منين
هبة :هي اشترالي اياها ريان
جيني :اي لكن ياعمي وانا انشالله عمري 😒
هبة :ههههههه لك جيني انتي اصلا معك شهادة سوائة ؟؛
جيني :مو ضروري ليكني بعرف سوء
هبة :لا ماشالله عنك فالحة 😂
راحو عالسوء واشترت هبة وجيني تياب جدد لجيني ...
تاني يوم. الصبح طلعت هبة عالمدرسة ،وئعدت بغرفة المعلمات ومالئت اللا جيهان وعلا ئعدو عيمينها وشمالها وبلشو يتبسمولا متل الهبلان 😂
بلشت هبة تطلع عليهون بطرف عينها
هبة:خخير شبكون عم تطلعو فيني هيك ؟
جيهان :هبوووشة حبيبتي انتي 😍
هبة :😳😳
علا :اسمعي هبوووشة اي شي بتحتاجي بتطلبي من حبيبة ئلبك علوشة اي 😍
هبة :شو صاير !!؟
جيهان :ولا شي بس نحنا هيك بنحب نساعد الناس
هبة :حطو عينكون بعيني انتو التنتين ،من الآخر شو بدكون !؟ 😒
ردو هنن التنتين :رقم اخوكي 😂😂
#يتبع.....