ظلم المجتمع

part 1

هلو اني اسمي يارا من ديالى قصتي تحجي عن المجتمع (الذكوري) اني حلوه وبيضه يعني شڪلي حلو راح اعرفڪم عني عمري هسه 25 لان راح اڪتب قصتي اني وصغيرة

الام: يارا ولج ڪومي تاخرتي ع المدرسه ڪومي ولج

يارا: ماما بس شوية والله تعبانه بس دقيقة

الام:تمام انتظرج اني راح انزل عود بدلي وتعالي بسرعة

يارا: راح ارجع اڪمل نوم ما اعرف ليش النوم يصير حلو وقت الدوام من ما عندي دوام اڪوم بسرعة من عندي دوام ما اڪعد

الام: هاي ما نزلت وتأخرت هواي ولللللجججج ياراااا ڪومي بسرعة انزلي

يارا: اهوووو ڪمت
راحت بدلت وغسلت وفرشت اسناني ونزلت

الام: تعوزج هلهولة تأخرتي تريڪي وروحي لمدرستج

يارا: تمام ماما
تريڪت وخلصت وڪلت لماما حروح للمدرسة

سارة:هلو يارا صباحو اليوم عدنا امتحان رياضيات شڪد اڪره وڪلشي ما مفتهمه مناا

يارا: هلوات صباحو ولج گبر شڪد حلو الرياضيات اصلاً ڪلش سهل بس رڪزي بي وراح تفتهمين زين هسه بالمدرسه اشرحلج الامتحان

سارة:لو تبقين منا لباجر صبح تشرحين ما راح افهم شي

يارا: يلا امشي اني معليه بيج عبالي اساعدج بس انتي حيوانه ههههههه شسويلج
طبعاً اني ڪلش شاطره واحب المدرسة حلمي اصير دڪتورة اني هسه صف سادس ابتدائي وما بقى للأمتحانات وقت اجت الامتحانات وامتحنت وانتظر النتائج تنزل

يارا: اوووف ياربي يمته تنزل النتائج وره دقايق نزلت والحمد الله طلعت الاولى ع مدرستي رحت ارڪض ع ماما وبابا ابشرهم

ماااامااا نجحتتتت طلعت الاولى ع مدرستي

الام: الف مبروك حبيبتي
الاب:الف مبروك بابا عفيه بنتي

اجت ايام وراحت ايام واجه وقت التسجيل ع المدارس واخيراً رحت عالمتوسطة رحت ع بابا حتى يسجلني وياريت ما رحت وسمعت ڪلامه ڪسر احلامي هو واخواني

يارا: بابا تڪدر تروح تسجلني بالمتوسطه

الاب: شنو ولج احنا ما عدنا بنات تڪمل مدرسه مڪانج المطبخ وبس

حسين: ايي يابه صح ڪلامك امشي ماڪو تسجيل روحي ساعدي امي خطية تعبانه

يارا: اني هنا متت من البجي شڪد توسلت بيهم بس مفاد بشي
بابا عليك الله اريد ادرس واصير دڪتورة خليني اڪمل دراسه اريد احقق احلامي فدوه اروحلك حسوني احجي وياه بابا خلي يخليني ادرس بابا الله يخليك ابوس رجلك خليني ادرس

الاب: امشي ولي من وجهي لو تعرفين شسوي بيج

يارا: حرام عليڪم والله بنفسي اڪمل دراسة خلوني ادرس عليڪم الله خلوني ادرس ماما احجي وياه بابا بلڪت يقبل

الى هنا وينتهي البارت الاول اذا حبيتو القصة وشفت تعليقاتكم حلوه انزل البارت الثاني ياريت تشجعوني حتى استمر بهذا شي

اﺎݪڪكاﺎتبۃ اﺎݪصغيࢪۃ ⁽⇣̀😻َِ❤َِ🔐،!)''۽