أرتدت منامه خفيفة وتوجهت للفراش بخوف
وفجأة ظهر وميض يضرب عينها مُنبعث من حقيبتها أقتربت من الحقيبة باستغراب و بدأت تُفتش بها و لكن لم تجد سوى هذا المفتاح اللعين لم تبالى و
ألقته بإهمال ثم غفت قليلا لعلها تهدأ و بعد فترة قصيرة من نومها أستيقظت على صوت هاتفها لم ترى من يتصل و ردت على الفور
اسيل بتثاقل :الو ....مين معايا
رغدا: انا رغدا يا أس فينك انا منتظرة أكتر من نصف ساعة فى الكافيه
اسيل بتذكر و هى تستيقظ و تجلس من نومها: سورى يا رغدا انا نسيت حقك عليا تقدري تنتظرى شوية كمان انا مش هتأخر
رغدا :اوك بس اوعك تتأخرى انا فى انتظارك
اسيل: اوك يا حبيبتي سلام
استيقظت اسيل و تجهزت للخروج و اعطت تعليمات للخادمة بشأن والدتها و مواعيد الدواء ثم توجهت لصديقتها بسرعة كى لا تغضب اكثر
**********************
عند الشيخ بركات
نظراتها كانت كفيلة بسقوط حصون قوته حتى دلفت إليه من تدعى بأنها السكرتيرة و ماهى إلا شريكة له و لأفعاله الشنيعة
مروة بتعجب ... مالك يا توفيق شكلك مرعوب كده ليه حصل حاجة
توفيق (الشيخ)...البنت اللى كانت هنا يامروة مش طبيعية نهائى فى حاجة غلط فيها
مروة باستغراب...مش فاهمة قصدك ايه بأنها مش طبيعية انت هتلعب عليا انا
توفيق بحدة ... فى طاقة كبيرة جواها و متأكد انها عارفة حاجة عنا بس اكيد حد اللى سلطها علينا عشان تعمل كده البنت دخلت افكارى و كلمتنى
مروة... تفتكر يكون مين و ازاى قدرت تعمل كل ده
توفيق... مش عارف بس اكيد هعرف ، كلمى وائل و خليه يراقبها و يعرف كل حاجة عنها من غير ما تحس بى و نبهى عليه انها خطر و اوعى يتكشف قصادها هتبقى كارثة
مروة... طيب اعمل اى دلوقتى معاها و الناس اللى بره اللى فى انتظارك
توفيق بمكر... العادى يا مروة عايزنها تفكر ان إحنا دجالين بس مش لازم تفهم اللى خلف القناع عشان نعرف نلعب معاها صح
مروة... طيب و الناس اللى بره اقولهم اى
توفيق... خليهم يمشوا يا مروة لأن ملك مش هتسمح ننفذ شغلنا النهاردة نهائى و لو خاطرت كل حاجة هتتهد بلاش النهاردة
