ترف وشيخ الجنوب

البارت الأول

الرجال:حجينه راح يصير بيت كاظم شيخ عشيره **** خبر عمامك وشيخ عشيرتك وابنك لا انت ولا الحكومه تكدر تخلصه من ايدي لا تحاول تشرده

واول ما طلع رحنه ركض لبيت عمي اخذنه بابا وثاني يوم راحو عمامي وجدي وكل واحد جبير بالعائله لبيت شيخ **** ورجعو بالليل محمد كاعد ويانه حاله حالنه يتراجف من الخوف وكعد بابا وعمامي اني واكفه بالباب مال غرفه الأستقبال

بابا:الله لا يوفقك ولا ينطيك سود الله وجهك

مروة:شكو احجي شصار احجي

بابا:شصار صخام كسرو ضهرنه ب 100 مليون

مروة:دهر صابهم ان شاء الله

بابا:ومو بس هيج رايدين فصليه منه هذاك الولد عمره 15 سنه خليت طلقه براسه يا ساقط

مروة:ياخذون منو فصليه منو تنطي بتها عيني

نوار(عمتي):والله انتو احتارو المصيبه مصيبتكم خلو ابنكم ينكتل وما ننطي فصليه

مروة:اسم الله فال الله ولا فالج احد كلج ناخذ بناتكم ننطي ترف

_اي ليش لا ابنكم يسوي المصيبه وتوكع براسي والله ولا اتورط لو اعرف اموت

كامت مروة ما خلت مكان ما ضربتني بيه ومحد كلف نفسه يساعدني بالكوه خلصت منها ركضت لغرفه بنت عمي ختلت هناك اباوع على بنت عمي تباوع عليه بأحتقار اتمنى اموت الف مره ولا اشوف هل نضرات بعينهم عليه عبالك فد حيوان كدامهم ...

مر اسبوع على هل وضعيه رجعنه للبيت بديت اساعد المساعده مالتنه اسمها ماريا خطيه متقبل بس اني اخاف عليها مروة تأذيها اذا تعرف بيها هي متقبل اساعدها وكل مره يفتحون الموضوع مال فصليه اتعارك وياهم وما اقبل وحته قبل يومين تعاركت على هذا الموضوع من رفضت اتزوج مروه صعدت الي بالليل خنكتني بالمخده لحد ما اغمى عليه ومن كعدت ضربتني ضرب يومين ما اكدر انام على خاصرتي يعني طول عمري تعبانه وشفت الضيم كله وهسه يردوني اندفن بمكان غريب ويه ناس واتحمل ذنب محمد وذنب الطفل الي كتله محمد خلصت غسل مواعين وتنضيف المطبخ وصعدت لغرفتي اريد ابدل ملابسي مبللة وما اشوف غير محمد فايت لغرفتي سكران وصحت بيه

_شتريد شسوي هنا

محمد:حبيبتي الحلوة ..راح ..راح ياخذونج..مني..مني

_شهل قذاره مالتك ساقط اني اختك

محمد:لا مو اختي

سحبني من شعري بقيت اصيح خله ايده على حلكي دفعني على الجربايه بعدها ايده على حلكي شك ملابسي من صدري وكام يبوس بيه ريحته تكتل ريحه عرك قذاره ضربته كل قوتي بين رجله وكمت بقه يكفر وفتت للحمام مال غرفتي وقفلت الباب وبقه يضرب بالباب يريد يفوت واني مخليه ضهري على الباب ابجي واضرب على وجهي مخلت نفسي تملخ من القهر وحركه قلبي ما اعرف شنو الي سويته والله هيج يعاقبني بقيت بالحمام لحد ما طلع الصبح واجتي مروه الصبح ومن سمعت صوتها فتحت الباب وكالت

مروه:راح يجون يأخذونج لا تأخذين شي ميريدون اي شي وياج بس بدل ولبسي هاي العبايه وربطه فوك راسج واخذي اوراقج وجوازج وهل اشياء

بدلت ما حجيت اي شي على حجي البارحه محمد الي جان طول عمري اشوفه مثل اخويه صح كلب وقذر  بس معتبرته مثل  اخ بس والله ما ابقه بهل بيت لو يعيشوني ويه الحيوانات هناك واني اكول كل مره يتقدم الي واحد ميقبل ازوج لو يروح يهددة طلع الساقط عينه عليه النكس الله ينتقم منهم كلهم ويحرك قلبهم مثل ما حركو قلبي نزلت وبس جنطه مال جتف بأيدي ما حجيت شي بقيت اباوع على أبويه وباوعت كدامي جانو رجالين واكفين بالباب رجعت باوعت على بابا ودموعي تنزل ومحمد واكف بالزاويه يلعب بالتليفون مشيت وصلت يم الباب وهم الرجالين واكفين وقبل لا اطلع كلت

_حسبي الله ونعم الوكيل بيكم

💗💗💗💗💗💗💗💗💗💗💗💗💗💗💗💗💗💖💖💖💖💖💖💖💖💖

حبيباااااااتي يله هل بارت تمتوعه 😂😂

و

أريد اشوف التصويت حته اعرف مهتمين أكملها لو لا ابطل 🙂🙂🙂