رحت سلمت على....... العروسة باركتلها ورجعت كعدت يم عمتي شغلوا اغاني انزعجت من صوت الأغاني اكره الاغاني كلش لأن من المحارم التي حرمها الله سبحانه وتعالى
شسوي راح اجبر نفسي علمود ارضي عيالي كاموا يرقصون سارة تفاجات بلبسها نفنوف بيجي لحد الركبة صلوخ حتى صدرها بارز واخلاص كذالك هماات
صلوخ وطويل للكاع
رشا لأبسة محتشم ....وحجاب عجبتني هل مرة لبسها جان حلو مومثل كل مرة الوحيدات من بين البنات هن لبسهن يلعب النفس مو راح يدخل العريس شلون يتعرن كباله
وهاي حمزة يحجي... لاتلبسين ضيق لاتخلين مكياج و
كذا دتعال شوف عرضك شلونه
قربت عمتي لعندي وكالت "
ماتصيرين مثل سارة واخلاص مكياج ولبس
حلو شبيج جنج عجوزة
_ تريديني البس لبس عاري كبال الناس والعالم هسه العالم تكول وين الشرف وين الأخلاق عمه
_شقصدج ولج بناتي بدون أخلاق وشرف
_العفو عمه موهذا قصدي الحمدالله بناتج شرف وأخلاق بس عيب لبسوا هيج كدام العريس الناس مترحم
_ونعل أبو الناس شعليها كومي روحي اخذي ابنج من رشا كومي ماتعرفين تحجين صايرة
_عمه أسفة اء ..
_لا أسفة ولاشي تغلطين وتريدين اسامحج كومي من يمي فورتي دمي ام الشرف نسيتي شنو جنتي
كمت هاي ..... شبيها انزعجت والله موقصدي اهينها بكلامي ترى العالم جاي يحجون عليهم كعدت يم رشا اخذت
صوفي بحضني وكالت بهمس
_ اكلج هذني وين عمتي منهن شلون مخليتهن
هيج يلبسون لبس مكشوف وعاري
_شعلي بيهن
_شعليج بيهن شنو مو عارهن بنص وجهنا توني سمعت عماتهن يكولن قليلات شرف وأخلاق مثل امهن ماعدهن
تربية جايات يعرضن جسمهن
_ والله العالم تحجي خيه بس ماتشوفهن
عمتي عميه من يمهن
_ هه هي عميه عميه من يم بناتها بس كبال الجناين مفتحة باللبن عمي الاجواء هنا تختلف مو مثل بغداد عادي يلبسون البنات بالحنة كلشي هنا أجواء ريفية وناس ومتشددة
كلش بالهوى يتعيبون
_ سمعت اكثر من وحدة تحجي عليهم صوج صوج
عمتي خلتهم يلبسون هيج
_ صوجها هي وعمي واخوانهن الكواويد ماشافوهن
يعني قبل لا يدخلن
_ اندري
_ كواويد وداعتج بس علينا نادرين روحي كوليلها النسوان يحجون على بناتج إذا ماكتلتج كبال النسوان كلها
_مخبلة اروح اكوللها
_ لا تشوفينها هيج حبابة ترى والله العظيم بالوجه
المراية وبالكفة سلاية
YOU ARE READING
زوج أختي والماضي { مكتملة }
Short Storyقصة واقعية "ماذا لو عاد الماضي مرة أخرى لكن هذه المرة يعود بطريقة مروعة تثير اشمئزازي من أجل أن يسلبني كل شيء جميل في حياتي ويحرمني من أجمل أيام عمري وأجمل الأحلام التي أحلم بها وأصبحت ضحية وأجبرت على فعل أشياء لا أريدها ولم أحلم بها حتى تغيرت حيا...
البارت 29
Start from the beginning
