{أمر من السحر}

الحلقه ال ٢١🌹

السلام عليكم جميعاااا😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

#أمر_من_السحر_جيهان_سلامه_البارودى
#محبه_الرحمن

الحلقه ال ٢١🌹

سعيد مصدوم من كلام بسمه ومش فاهم حاجه

الام فهمت بسمه عملت ليه كده
وردت بحزن: ايوه يا حضرة الظابط 😞هشام معملش حاجه فى ابنى .....ده صاحبه من زمان
وخطيب اخته......يبقى هيأذيه ليه😔
وزى ما بنتى قالت لسيادتك.....هشام خطيبها

سعيد بيسمع وهو مش فاهم حاجه ومصدوم
من كلامهم😳

بسمه  لاحظت نظراته ليها ... وحطت وشها فى الارض😞

الظابط  مكانش مقتنع بكلامهم ...وفضل باصص ليهم بحيره 🤔

ها يا سعيد ......اقوالك  انت ايه  فى الوقعه

سعيد سكت شويه وهو مش عارف يعمل ايه
وبص لامه واخته وشاف القلق باين عليهم
والخوف .......وبص للظابط بإنكسار
زى ما قالوا لحضرتك .....هشام معمليش حاجه
انا وهو كنا بنهزر ما بعض والسكينه جت فيا
بالغلط بسببى ........مش بسببه😞

بسمه: غمضت عنيها  واتنهدت بإرتياح  ..الحمد لله

الظابط: انت متأكد من كلامك ده يا سعيد

سعيد  هز راسه  من غير ما يبص للظابط
ايوه متأكد😔

الظابط: ماشى يا سعيد ...اللى تشوفه
اكتب يا ابنى ...وقد اغلق المحضر فى ساعته وتاريخه ..........
وبعد المحضر ما اتقفل والظابط مشى
لحظات صمت  بين التلاته....وبكاء من بسمه وامها
😥😥
سعيد مستنى اى حد منهم يتكلم  ويفهمه هما قالوا كده ليه

بسمه: انا ماشيه

سعيد بعصبيه: تمشى فييين ....استنى هنا
انا عاوز افهم  الاول...انتو عملتوا كده ليه
ومين ده اللى خطيبك 😠

بسمه مش عارفه تتكلم من العياط وبصيت لامها تتصرف😭

ام راضيه: سيبها تمشى يا سعيد دلوقتى  وانا هفهمك على كل حاجه يا ابنى

وانتى ... اتفضلى يالا  إمشى ومتجيش هنا تانى.....احنا خلاص كلها يومين وهنيجى البيت

وكلمتها بتحذير......
وحسك عينك تخرجى من باب الشقه لحد ما نيجي.......انتى فاااااااهمه😠

بسمه بدموع: هزت راسها  ....حاضر....وخرجت

سعيد بحيره: هو فى ايه بالظبط..انا مش فاهم حاجه

امه قعدت جنبه على الكرسى....واتنهدت بحيره
ومش عارفه تقوله ايه ....واضطرت تكدب عليه

اصل يا ابنى ايمان راحت لاختك بسمه وفضلت
تعيطلها وتقولها ..انا  مليش غيره ...انا هتبهدل
لو اتسجن وهترمى فى بيوت اعمامى كل بيت
شويه...وهيخلونى خدامه عندهم..وكلام زى كده
فصعبت على اختك....وبسمه اختك زى ما
انت عارف قلبها طيب ...فعشان كده جت المستشفى قبل ما تقول انه هو اللى ضربك