الضياع
______________________
صعدت واني خايفة هوه درج طويل اول مره بعدين يجي مثل الغرفه صغيرة (تكرمون) ذبيت نعالي ودخلت هذه الغرفة حتى ذاك الي ديسوي الصوت ميحس اكو احد صعد لگيت بالغرفة ملابس شرطة وجيش واحذية وارقام مال سيارات واكو غراض من كبرت يلا عرفتهم شنو من ضمنها مانع حمل بأنواعه حتى مكياج مال نسوان چان اكو
هذه الغرفة الصغيرة اكو بيها ثلاث ابواب الباب الاول الي اني دخلت من عنده والثاني باب حديد والصوت الي چنت اسمعه جاي من وره هذا الباب والباب الثالث مقفول
طبعاً اني وصلت لهذه الغرفة واني ارجف من الخوف اكو بهذا الابواب مثل الشباك صغير بس عالي صاير بنهاية الباب جامتين مستطيلات لازم اجيب شي اصعد علية يلا اگدر اشوف شكو بهذه الغرف
چان اكو فدشي حديد مثل الصندوق بي غراض حاولت اسحبة حتى اصعد اشوف من الشباك شكو بالغرفة
سمعت صوت الباب مال بيت انفتح (نقطة دم ما ضلت بيه)
ركضت حتى انزل بسرعة لحگت انزل قبل لا يشوفني الحمام بصف الدرج
اني رأسن طبيت للحمام ارتاحيت لان مشافني واني بالحمام باوعت نفسي حافية
نسيت نعالي بالغرفة الفوگ اني هنا الكافر يبچي على حالتي راد يوگف گلبي من الخوف
اني چان لازم انتبه على جملة هوه گالها بس اني نسيت وچان عندي فضول بس اريد اعرف شكو فوگ بس ما اختاريت الوقت المناسب
الجملة الي هوه گالها هي
عمار:
اني مراح اغيب هواي وما اخليج تحتاجين شي
هاي الجملة چانت مهمه وچان لازم انتبه
لان هو من گالها يقصد مراح يگدر يغيب عن البيت هواي لان اكو سبب يجبره يرجع للبيت على الاقل مرتين بالنهار والسبب هوه مو اني السبب هوه هذا الفوگ (الخطار)
واني بالحمام سمعت واحد صعد فوگ
ورأسن نزل
طلعت من الحمام لگيت ولد مشايفته قبل واگفلي اباب الحمام وبيده نعالي
(اني چنت لابسة دشداشة شوية قصيرة چانت دشداشة نوره الله يذكرها بالخير)
ونص ردن لان اني اصلاً چنت اريد ابدي اغسل ملابس
رغد:
انت منو؟؟
هو:
ابتسم.. اسمي سيف بس يصيحولي (طلقة)
سيف طلقة بعد ما مشت الايام والسنوات عرفت انو سيف طلقة هو اقذر بشر الله خلقة (ما اريد اوصفلكم سيف اكثر لان راح تتعرفون علية شوية شوية)
سيف طلقة:
هذا نعالچ؟
رغد:
لا مو نعالي
اتقرب شوية شوية لحد ما انتچة على باب الحمام
سيف طلقة:
لعد ليش طابه للحمام حافية؟
رغد:
دا اشتغل اريد انظف
سيف طلقة:
يعني هسة هذا مو نعالچ؟
