عشق المراد (اكتملت)

الفصل الواحد والعشرين

الفصل الواحد والعشرين

نظر لها مراد بوجع دموعها تؤلم قلبه ذهب اليها وجلس بجانبها: عيونك الحلوين دول
مينفعش يبكو

عشق بصدمه: مراد انت هنا من امتي

مراد: من ساعت ما خرجتي من البيت مستحملتش منظرك خرجت وراكي

عشق بتوهان: ليه بتعمل معايا كدا

مراد بنبره صادقه: عشان بحبك يا عشقي هتقوليلي ازاي وامتي هقولك معرفش قلبي حبك
كدا حبك بكل ما فيكي طيبتك هبلك تخطيطك ذكائك شجاعتك حتي قلبي حبك ب وجع قلبك
وعايز يداويه

عشق: تستاهل واحده غيري صدقني انا منفعش

مراد: بس انا شايف ان انتي الي تستاهلي حد غيري حد يكون احسن انا شايفك كتيره
عليا اوي يا عشقي

عشق: انت الي هتبقا كتير عليا يا مراد انساني

مراد: قلبي هينساكي لما يبطل يدق يا عشقي

عشق: انا مش عشقك بطل تقولها

مراد: لا انتي عشقي انتي بتاعتي وملكي وهتبقي ليا مستحيل اخلي حد تاني ياخدك مني
لاني وقتها هقتله

عشق: انت مجنون بجد

مراد: مجنون بيكي

عشق: قوم خلينا نروح قوم

مراد: قايم قايم دا انتي بتحبي النكد يعني عمال اقولك بحبك وبتاعتي وملكي وانتي
مفيش كلمه حتي تبل ريقي

عشق بصرامه: قرب كدا هات ودنك

مراد: لا عارف الحركات دي هتشديني منها صح

عشق ببراءة: عيب عليكي برضو هاتها بس

اقترب مراد منها ف رفعت نفسها لكي تصل الي مستواه: لو هتحارب عشاني وعشان عايزني
احب اقولك انك في حرب خسرانه يا مرادي
غمزت له في نهايه كلامها وذهبت وتركته هايم بها

مراد بسرحان: قالتلي مرادي قالتلي مرادي ثم صرخ بصوت عالي
بحبببااااااااااااااااااااااك
سمعته عشق فهي لم تبتعد كثيرا وافتكرت كلام والدها ان الله سيعوضها كثيرا فبعد
الصبر جبر وها قد تحقق كلامه ظلت بهذا الشرود الي ان وصلت الي البيت ودلفت وفي
ثانيه كانت ع الارض وجدت هجوم عليها

عشق بضيق تنفس: ابعدو مش قادره اتنفس
ابتعدو عنها
سيلا بقلق: كنتي فين قلقنا عليكي

شادي: مراد لحقك ولا لا

وهج: خرجتي بسرعه كدا ليه

عشق: اهدو اهدو بس كدا اولا كنت ع الجبل ثانيا مراد اه لحقني وزمانه جاي ورايا
انا حبيت اكون لوحدي وثالثا خرجت بسرعه لاني حسيت بخنقه لما حسيتكو بتنهارو

سيلا:بننهار اي انتي عارفه اننا اقوي بيكي انتي اختنا الكبيره يا عشق

وهج: انتي عارفه انتي بالنسبالي اي انتي اول واحد فضلت جمبي خلتيني احقق احلامي
اني اتخصص في كذا مجال واقدر ابني نفسي من جديد انتي رجعتيني واحده جديده يا عشق