عشق المراد (اكتملت)

الفصل الثامن عشر

الفصل الثامن عشر

ذهب ادهم الي عشق لكي يعتذر منها فهو يعلم انه مذنب

عشق ببرود: لو جاي تعتذر وفر وامشي

ادهم: انا بجد اسف عارف اني غلطان واتمني تسامحيني

نظرت له عشق نظره طويله ثم قالت: تعالي اقعد

جلس ادهم بجوراها ف اخذت وساده و وضعتها علي رجلها وجعلته يسند راسه عليها

عشق: احكي

ادهم بتنهيده: كان اسمها سما كنت بشوفها زي السما فعلا صافيه وحلوه كانت معايا
في الجامعه فضلت احبها من غير ما حد يعرف بس جيه الوقت الي كان لازم اعترفلها فيه
ف طلبت ايديها وهي وافقت وهي مبسوطه ف افتكرت انها بتحبني وكانت مخبيه وفضلت ابني
في احلام كتير علي اساس انها بتحبني الخطوبه طولت ل 3 سنين لان باباها الي طلب كدا
كنت موافق لحد ما حددنا معاد الفرح لقيت قبل الفرح ب اسبوعين رساله من رقم صاحبي
بيقولي حبيبه القلب معايا وفي حضني هي مش بتحبك انت كنت مجرد كوبري عشان توصلي
حسيت وقتها اني كنت مغفل اوي كرهتها سافرت ل الصعيد واشتغلت ظابط هناك وبعدها رجعت
القاهره لما اترقيت للمخابرات

انهي كلامه ثم نظر الي عشق:انا مكنش قصدي اجرحك بكلامي بس مش قادر انسي خيانتها
ليا

طبطت عشق عليه: انا مسمحاك من بدري انت اخويا ياض ومش هزعل من اخويا

ادهم: انتي طيبه اوي يا عشق

عشق: كدا هتغرغر في نفسي اوي

ادهم: اكيد الجمال دا لازم يتغر طبعا

عشق: اي شعورك ناحيه وهج

صمت ادهم

عشق: سكت ليه

ادهم : خايف

عشق: وهج غير سما صوابعك مش زي بعضها انت بتحبها عيونك فضحاك

ادهم: للدرجادي

عشق: اه ياريت تبقا تقرب منها شويه كدا وتعرف عنها برضو ماضيها هتعرف انها شبهك
ويلا بيتك بيتك عايزه انام

ادهم: ماشي ماشي خلاص متزوقيش

ذهب ادهم وهو يفكر في كلام عشق الي ان ذهب في نوم عميق نام الجميع
______________Remo Samir_______________
صباح اليوم التالي
استيقظ الجميع وتجمعو في الصالون لكي يبدو مخططهم
عشق: كلنا موجودين صح

الجميع: صح

عشق: دلوقتي حاتم عنده معاد الساعه 10 يعني بعد ساعه المشوار هيكون ناحيه
كافيه*******تمام سيلا هتطلعي تلبسي اللبس الي انا مختراه تمام وهتخرجي برا هتلاقي
عربيه موجوده تمام هي مش شغاله ومش هيعرف يصلحها اصلا ف انتي افتحي الغطا لفوق
وسيبيه مفتوح واقفي قدامه هو لما يشوفك هيجي يسألك لو في حاجه طبعا ممكن يقولك
اركبي عربيه غير دي قوليله احنا مجناش هنا غير ب عربيتين بس واحده باظت اهي
والتانيه مع جوزي في الشغل هيعرض عليكي تركبي معاه الاول ارفضي قوليله لا شكرا مش
عايزه اخرك لو عندك مشوار لو لو اصر عليكي التانيه في التالته وافقي واركبي معاه
وحطي شنطتك بينك انتي وهو تمام