قدر مكتوب حبك....وأنت قسمه
الواحد ماله ناتج....من تقسمه
يموت كلبي بيدك... من تقسمه
وشوف معزتك شمسوية بيهه
.................................
قمر: قصتي بدت من بابا كال راح نروح البيت جدو بالبصرة حضرنا غراضنا من الليل نظل أسبوع نمت من وكت اني متعوده اخابرهن يوميه لبنات عمي بس لان باجر نطلع من الفجر نمت من وكت
ماما: قمررر قمررر يلا ولج راح الوكت كومي
قمر: ماما وين راح مثلا يا ماما فدوه روحو اني ماروح
ماما:نجبي وكومي
قمر: اَي اَي كمت روحي
قمر: غسلت وجهي المي ثلج لو بيدي اذب نقطه نقطه الجو شته بارد
لبست بينصل شتائي اسود ٩٠ وقبوط ابيض وحذاء اسود رياضي وجنطه سوده مكياج خفيف شلت شعري ذيل حصان لبست كلاده طويله بشكل حلقه
وتراجي حلقه ابطن حلقه وخلخال صبغت أظافري لون اسود رشيت عطر اسمه الهيبه ( العطر رجال بس اني احب العطور الرجالية) قفلت الباب ونزلت جوه...
ماما: اكو واحد كلج رايحين العرس
قمر: هيه شنيه شبي لبسي
بابا: بابا قمر اني ابد ما اجبرج على شي بس لبسي كلاو
قمر: ليش بابا
بابا: بيت جدج ماعدهم بنات هيج يطلعن
قمر : تمام
ماما: وين الجنطه مال ملابس؟
قمر: ياا نسيتهه😬
ماما: ثول
قمر: جبت جنطتي ولبست كلاو اسود طلعنا من البيت ب٥ ونص سيارتنه
جبيرة تكفي بابا وعلي بالصدر ومحمد وماما وراهم واني وسهى بالاخير من علي يتعب محمد يسوق بمكانه الطريق كله نايمه كعدت على صوت سهى ننزل نتغده بمطعم خلصنا وكملنه طريقنا دخنا البصره ب١ بس طريق بيت جدو بالريف ب٢ وصلنالهم اكو حراس على الباب بيدهم رشاشات سلمو على بابا ومحمد وعلي احنه دخلنا جوه كراج جبير بي ٣ سيارات عاليه بيض واكو غرفه معزوله عن البيت بيهه صوت زلم اكيد ديوان بابا ودانه للمطبخ وهوه واخواني دخلو بالديوانية تلكنه ٢ نسوان سلمنه عليهن
ام عمر: يا هلا بام علي نورتونا والله
ماما: النور نوركم يا ام اعمر تسلمين
قمر: سلمنه على الباقي ماشاءلله اني ما اعرف بس ريم بت عمو رافت ( ابو عمر) وملاك وتقى بنات عمو سعد( ابو رافد)
ام رافد: متغدين خيه اصبلكم غده
ماما: لا والله مصار هواي من تغدينه تسلمين
ام رافد: خاف البنات جوعانات
سهى+قمر: لاواللة شبعانات
ام عصام : سمعت ما تلبسين شال شنو هذا الحاطاته على راسج حتى الركبة طالعه ( باستهزاء)
