المتيمه

البارت(22)

عاد كالو حقك كتله يا شيخ اني اجهز كلشي من يمي لان اعرف قمر ما تطلع وامها شلونها 😒 اكيد لا طلعها
ولا شيء
قمر ؛ اجن أمه وأخواته باركلي
وفرحانت ويركصن ويهوسن
ام ماهر: مبروك يا شيخه
ام خالد؛ يبارك بيج 😒
ام ماهر: خير خيه شوو مو على بعضج
ام خالد: لا ماكو شيء بس راسي ياذيني شويه
ام ماهر: يا بعد عيني ما بيج غير العافيه
ام خالد: يعافيج
ام ماهر: صلوات على محمد صدقه شوفيها جنها ملاك
ام خالد: اممم 😶
ام ماهر: 😟 يله خيه جا أحنى نروح. بعد ظلت يمج العافيه ومشكورين يبعد عيني
ام خالد : الله وياج خيه.
قمر: امي لا اجت يمي ولا شيء مادري وين راحت ادور بعيوني عليه ماكو🥺
اصعب شي ء على البنيه من تحتاج امها ومتلكها
وخاصه بهيج شيء
جانت لحضه حلوة ومحلوه لان بوقتها جنت كلش خايف
ماعرف ليش موقف صعب
اي وحدة تحتاج امها او اختها بهيج وقت
لا اني لا ام ولا اخت 🥺😭ً
جنى: شبي الحلو زعلان
قمر: لا ماكو شيء 😊ً
جنى: فدووة ولج شنو هالجمال.
قمر:😊ً
جنات؛ اهووو دوخر اكلج من هسة هاي تاكل راسج منا وجاي لان بس تحب تجي واذا لزكت بوحده متخلص منها
قمر: ههههه لا بلعكس
جنى: هنيال الشيخ بيج
قمر: مجرد ما كالت هيج حسيت خوف مدري ليش🥺
ام ماهر: ولجن يالله كومن كلها طلعت
جنات: يله حبوبه ضلت يمج العافيه
قمر: سلمت على البنات وعلى أمه لي هي عمتي.
وراحن
فهد: كلهن طلعن امي واخواتي وكلها عاد اني هنا شلون اروح بلا مل اودعها 🌚
كتله حسين
حسين: امر
فهد: مايامر عليك ضالم بس اريد ادخل احجي وياا مرتي ☺️ً
حسين🙄
فهد: شبيك ههههه
حسين: جا مو جنت جوه مساعه
فهد: وانت شكو لو ما نسوان جوه فلا اخذ اذنك 😌
حسين: هااا
فهد: والله غير مرتي عندك مانع لا حرام ولا عيب حلالي واريد اشوفه
حسين: حقك بس مو هيج
فهد: والله هيج مو هيج بكيفي
حسين: عمي بعد ما احجي خلي اخذلك طريق دخلت وكتلهن الشيخ يريد يدخل
قمر: طبعاً لمن طلعن اريد ادخل ابدل بس نسوان اخواني مقبلو كالن خلي يسلمون عليج اخوتج واخاف تجي ناس شيء
كتله خوش وشويه واجت مرت خالد كالت سون طريق راح يدخل الشيخ
قمر: 😳😳 شعنده هنا كلبي لا ارادين كام يدك
فهد: يالله. أحم.
قمر: يمممه 😩 صوت رعب. كمت ارجف واني ما صدك طلع.
فهد: دخلت اجيت لكيتها بمكانها
قمر: اجه كمت احترام
فهد: كامت بوجهي. بس مدنكه رفعت راسها كتلها اشو باوعيلي
قمر: بلعت ريجي يمه باوعت
فهد؛ دخيل هالعيون.
قمر: 🥺
فهد: اكلج
قمر: ساكته
فهد: شني وين لسانج
قمر: هااا
فهد: يبعد الهااا ولج احبج
قمر:😳
فهد: فتحت عيونها بس موو عيون ضيم واللله ههه كتلها خايب بهذلتي حالي تدرين لو لا
قمر: لا
فهد: هههههه يربي فاهيه 😂
فهد: اكلج يمكن اليوم ما اروح اريد أبقى يمج
قمر: لا روح
فهد: شني ما ترديني 🤨
قمر: هااا باوعتله رافع حاجبه وهوو عيونه حادة يمه يخوف. كتله لا بس روح
فهد: جا دام هيج اني اعلمج
قمر: شسوي 😟
فهد: بعدين
قمر: خله وراح يمه اني سويت 😕 هسة هذا زعل لو شبي اخاف يروح لبويه والله يطيح حظي
كمت اكل بأصابعي ليش كال اني اعلمج حسيت عصب يمكن غير صوته
اني شورطني ويااا
فهد: حسيته خايفه ههههه اني اعلمج اليوم شيخلصج مني كلت لاهلي يروحون وعمامي وكلها راحت كتلهم عندي شغله هناا
فؤاد وحميد ناصبين عليه هااا نربطت تريد تبقى يمها ههه سوه بيه لعبو لعب.
حسين:هاا شيخ باقي يمنا
فهد: لا عندي شغل صعدت السيارة ورحت. جذب اني ماعندي شيء فتريت العصر كلها واني افتر ومريت بولد صديقي
قمر: اول مطلع رحت لغرف بدلت ومسحت المكياج و بالي كله يمه شنو يسوي صاح ابويه
واني كمت ارجع صخام بعيني 🥺😭.
خايفه اكيد كال لأبويه. كام يصيح عليه خليت وطلعت
هاا
شيخ جاسب: تعالي حداي(يمي)
قمر: امر 🥺
شيخ جاسب: بدايه مبروك وان شاء الله شوفين السعاده صح راح نفقدج بس هاي سنه الحياة
ولي بكدج عرسن وجابن
قمر: اي اني عمري ١٨ بس من العادات العشائرية يزوجون ١٤او١٣ عادي تعتبره مره جبيرة
شيخ جاسب: بويه حدد الشيخ العرس الجمعه يعني الحنه الخميس. وكال اني اجهز كلشي خوش
قمر: اي.
شيخ جاسب: بويه شيخ فهد مزاجه صعب اني اعرفه واذا كلج شيء كلمه وحده يعني
لا تعاندينه اذا كال لا سوين لا سوين لا تناقشينا ولا شيء
وبالبنية الزينه تسمع كلام زوجها
بويه اذا كلج شيء مو طلعينه حجيه او شيء كون سرج وسرج زوجج يضل بالحجره (الغرفه)
قمر: تامر
الشيخ جاسب: ادري انتي حبابه وتربيتي بس بويه امج هم تعلمج بس اني كلتلج هذني الحجايات
خليهن ترجيه باذنج والباقي امج تعلمج
قمر: هزيت راسي وكمت سويت عشه وخبزت
واني كله هذا وبالي يمه شني براسه كلش خايفه.
حضرت العشه واكلنا وحسين وحسن
موتوني خجل هذا يكول كلمه وهذاك وبويه يضحك اما امي كل عاده ضايجه. بس تباوع بطرف عينها
ماعاجبها الموضوع
عاد خلصنا غسلت المواعين واريد انام ميته تعب فرشت فراشي واجه حسين
فهد؛ تعشيت يم صديقي وخليت وطلعت كبل لبيت الشيخ جاسب 🌚 اني اعلمج قمر. متريديني موو.
خابرت حسين
الوو ابو علاوي
حسين: هلا والله هلا بالنسيب هلا بشيخ فهد
فهد: هلا بيك ابو علاوي الذهب اكلك
حسين؛ كول
فهد: نايم الشيخ مور
حسين: اي ليشً
فهد: ها خوش اكلك اني هسة راح امر عليكم
حسين؛ كل الهلا
فهد: سديته منه وصلت دكيت هورن
حسين: هلا
فهد: هلا بيك.
حسين: اكيد جوعان
فهد: لا والله ابد لا جوعان ولا شيء خلصت شغلي ومريت على صديقي تعشيت يمه
حسين: الف عافيه
فهد : يعافيك جا حسن وين
حسين: حسن مساعه راح لمزرعه.
فهد: هاا يعني بس انت
حسين: اي
فهد: جا روح صيحلي مريتي خلي نسامر اني وياها 🌚
حسين: لا 😟
فهد؛ شبيك ديله روح صيح اختك او عليمن اني ادخل
حسين: يمعوده كول غيرها
فهد: ههههه صيحها لو اني ادخل
حسين؛ لا هاي تعيط اذا دخلت 😂
فهد: 😂😂 ديله روح
حسين: اكلك اني وياك نسامر شتكول
فهد: لا حبيبي شصخم بيك صيحلي قمرتي
حسين: هااا 🙄
فهد: هههههه خلصني
بس لا تكلها اني أريدها انت بس طلعها. خوش
حسين: ليش
فهد: مثل ما اكلك. كلها اي شيء المهم تطلع
حسين: دخلت كتلها قمر
قمر : هاا حسون تريد شيء
حسين: اي شكلها اووف يا فهد هاا اي.
اكلج سحر بره تريدج
قمر؛ هااا صدك حسون والله
حسين: دطلعي تريدج
قمر: خليت وطلعت ركض.
حسين؛ ههههه خوش سحر 😂😂
قمر: طلعت اباوع ماكوو اتلفت ماكو ما حسيت لا
فهد: شفتها تتلفت هاا شكلها شدور
خليت وصرت وراها وحضنتها من وراء
قمر: عاد اني كمت اضحك هههه واخيرا عندي اخبار هه
فهد: هههه فدووة ضحكتها تخبل كالت واخير فرحت حسبالي عرفتني كتلها اي كليلي شخبار
قمر:😳😳 وكع كلبي عطت
فهد: هاي عاطت خليت ايدي على حلكها 🤨 ولج إش فضحتينه
قمر: احاول اوخر ما اكدر اني وين وهوو وين
فهد: شاورتها كتلها ترى حسين يدري واني زوجج فصوتج راح اوخر ايدي اذا عطتي متلومين لا نفسج
قمر:يمه 😩 صوت خشن وشاورني عرفت حسين جذب عليه ☹️ يعني سحر ماكوو
فهد: وخرت ايدي.
قمر: وخر ايده اني خيبه امل مو طبيعي يعني سحر ماكو بعد ☹️
فهد: احسها ما تحركت جانت تحاول بس لمن حجيت وياها متحركت درتها عليه.
شفت دمعتها بطرف عينها كتلها تبجين 🥺
قمر: لمن كلي تبجين دموعي نزلن
فهد: بويه تبجين ليش احجي
قمر: دنكت مسحت دموعي كتله لا ماكو شيء
فهد: احجي شبيج
قمر: لا ماكو
فهد: كتلها تعالي
قمر: وين
فهد: معليج
قمر: بس
فهد: إش ولا كلمه
قمر: سكتت ومشيت وياا وداني يم النهر اكو شجره كعد وكلي تعالي كعدي
فهد؛اكعدي يله
قمر: كعدت بعيد عليه شويه. خله وسحبني يمه. صار راسي على صدره ردت اكوم
فهد: لا تحركين
قمر: 😑😐 احس نفسي مشنجه كوه
فهد: اخخخخخ. الله شعور ما مصدك والله قمر بحضني يمي حلالي. مدري اول مره بحياتي اتمنى شيء وتحقق
اول مرة بحياتي احب اعيش اي جانت قبل مامهتم وماعندي شيء اعيش عمود
صح اهلي واخواتي وامي وابوي بس كل انسان بهاي الدنيا يحتاج شخص يكون قريب عليه.
يهتم بي يحبه يحضي عمود يتوجع اذا صارله شيء
قمر بالنسبه ألي كلشي بحياتي
قمر؛ شعور صعب احس شيء حلو بس خايف مدري ليش
رغم هوو ماذاني ولا سمعني كلمه
واحسه كد كلامه يعني لمن كال اخذج صدك سوها واجه
بس مدري صوته رعب بلنسبه ألي عيونه ماكدر اباوع بيهن شخصيته وفوكها شيخ وسمعت. عنده عصبي 😕
فهد: شوفي هناك
قمر: وين
فهد: فوك بالسمه
قمر: شنو
فهد؛ هناك قمر وبحضني قمر بس قمري. احلى
قمر: 😐
فهد: قمرتي تدرين شني احلى شيء صار بحياتي
قمر: شني ً
فهد: انتي
قمر: اني
فهد: اي انتي اول نضره اخذتي كلبي وأول حجايه اخذتي عقلي وأول لقاء اخذتي دنتي وهسه راح تاخذين حياتي.
قمر: 😶
فهد؛ ليش متحجين اريد اسمع صوتج
قمر: هاا
فهد : يبعد الهاا احبج
فهد: هههه مرتي خجوله اكلج
قمر: كول
فهد: مو جنى الاسبوع هوواي على زواجنا
قمر: لا اصلن قليل
فهد: شلون شوو اني احس كل يوم سنه يعني بعد ٧ سنوات
قمر: هههه شلون
فهد: صدقه الضحكة
قمر: ردت اكوم سحبني عليه
فهد: هاا وين
قمر: مو صال هوواي اخاف امي تريدني اوو متقبل
فهد: جريتها بحضني كتلها مو امج ولا ابوج ولا اي واحد يكدر يحجي وياج انتي بعد صرتي باسمي. ومحد له حق عليج بس اني تمام
قمر؛ تمام يالله اريد انام ميته نعاس وهذا ولا كنما راح يطلع الصبح وراي شغل واني منايمه
فهد: ابوج لمن ضربج اذاج
قمر: هاا شوكت
فهد؛ بيوم الخطبتج من ابوج
قمر: ها اي 😶 بس مو من الضرب
فهد: جا من شني
قمر: من الحجي صعب شيء على البنيه من امها توكف ضدها. بيومها احس كلبي تفطر من الشيء الي كالته
اني ما انكر حجيت وياك
بس الله شاهد عليه ماجان بالي اي شيء
لا علاقه ولا شيء واني ما طلبت منك تجي بالعكس جنت اموت الف موته اذا تجي
جنت احجي وياك أريدك تعرف سالفه عمود بعد لا تجي
فهد: هاا كفيان شر مو 😂😂
قمر ؛ هههه بكيفك انت شتكول
فهد؛ اني بكيف مرتي
قمر: خجلني ابن راضي 🌚
فهد؛ تحبيني.
قمر:😶
فهد: شنوو احجي
قمر: مدري.
فهد: زين ليش ترجفين
قمر: اخاف 😬
فهد: شنو منين تخافين.
قمر: هاا
فهد: احجي
قمر: منك 🤭
فهد: مني تخافين ليش اني شنو سويت
قمر: مسويت بس مدري مجرد شعور
فهد: 😓 طلعت تخاف مني جا اني وحش اكل شبيج
قمر: من كلي وحش ههههه.
فهد: ضحكي.
قمر: لا اسفه موقصدي بس انت سئلتني وجاوبت.
فهد : بس تدرين عجبتني
قمر: شلون
فهد: اريدج دائما تحجين لي انتي تحسين بي ماريد جذب اتخبل اذا جذبين من هسة اكلج
قمر: جا تكول لا تخافين هوو هذا كلامك يحسسيني بالخوف
فهد: ههههه لا بويه انتي بنيتي ومستحيل اذيج لا تخافين اذي روحي وما اذيج ولج انتي بكلبي. تعرفين شني انتي الهواء لي أتنفس اذا ماكوو انتي اموت.
قمر: لا ارادينه كتله اسم الله 🥺
فهد:بويه تخافين عليه
قمر: سكتت
فهد: ههههه اني شلون وياا مرتي الخجوله
قمر: اريد افتح عيوني ما اكدر طفيت اريد انام وهذا لازمني حسبالك اشرد
لا أتحرك ولا شيء ما حسيت لا واني 😴😴😴
فهد: سكتنا شويه يمكن اقل ٥ دقايق احس ولا حركه باوعتها لكيتها نايمه 🥺
يبعد كلبي جعل محد ينام بحضني غيرج بويه احلى شعور حسيت ملكت العالم
بقيت على مكاني اخاف تفز. شلون الطفل اذا نام واخاف يفز اني هيج اخاف تكعد
كمت اباوع عليها ملاك والله مو بنيه تخبل 🥺
قمر: ما حسيت. بنفسي من كد التعب نمت 😴😴
سمعت اذان الصبح كمت اريد افتح عيوني ماكوو كوه كلبت اريد اعدل نفسي. وهذا كلها واني مادري نايمه بحضنا ناسيه مدري شبيها. فتحت
عيوني 😨😳😳
فهد : طول اليل نايمه بحضني واني آبد ما غمضت عيوني بس صافن عليها اذن الاذان كلت بس لا يجي الشيخ جاسب بويه اذا شافني 🌚😂😂
شيكول تخبل ما صدك ما يستحي لا وهاي نايمه ولا كنما
وعلي اتخزه دعيت كون لا حسين ولا الشيخ
يشوفني ولا اكعد اكعدها خطيه يمكن تعبانه 🥺
فتحت عيونها بس كلش فتحن مصدومه
ههههههه كتلها صباح العسل 💋
قمر: اني مصدومه وهذا يملي صباح العسل لا فوكها اجه باسني 😳😳😳
فهد: شبيج بويه هههه
قمر: هااا اني اسفه والله مادري نمت هنا شلون مادري
بس والله
فهد: ههههه تبرر الموقف واني ميت ضحك شلون تحجي بويه
قمر: هذا ميت ضحك خجلتي ليش يضحك صخام ولج نايمه بحضن الرجال ليل كله
دهر صابج 😕🤭
فهد: على كيفج اخذي نفسج ههههه
قمر : هااا خليت ورحت ركض لبيت بس ميته خجل
فهد :هههههه يفدووة خجوله مريتي بس خرب بيومها
موتني ضحك 😂😂
قمر: دخلت صار بوجهي حسين 😳
حسين: وين جنتي هاا
قمر: هااا جنت جنتت
حسين : هههههه ولج باقيه من اليل لهسة يم شيخ فهد
قمر: يمه صار بيه متتت كتله لا والله موو
حسين؛ موو شنوو ولج احجي
فهد:لك عوفها شعليك انت هاا
حسين: جا غير احقق وياا اختي احجي سوالج شيء
قمر: كمت 😭😭😭
حسين: بويه متتت خرب كامت تبجي هاي
فهد: ليش ولك تبجيها اجيت وحضنتها يله كافي خيولي
قمر:لا بيومها ردت اتخربط وللله من الخجل هذا الشيخ مدري تخبل مدري ما يستحي كدام حسين حضني
حسين: يمعودين شني ما تستحون مخلصينها محاضن صدك جذب حتى اختي ما تستحي
قمر: سمعت شكال اريد اوخر ماكوو مجلب 😐😟
فهد: ههههههه خطيه صار بيها منا اني ومنا حسين ما يكعد راحه
قمر: عفيه وخر
فهد: وخرت مسحت دموعها كتلها لا صير دمعتج رخيص على كلشي تبجين
حسين: اهووو انت شتحجي قمر ام دميعه اذا نصبنه عليه تبجي وهالكدامك
فهد: شحدك بعد تبجي مرتي
حسين : غير اختي وبكيفي
فهد: تايهتلك 😌
حسين: هههه دخلي نصلي
فهد: يالله
قمر:خليت دخلت جوه صارت بوجهي امي
كتله صباح الخير
ام خالد: هلا 😒
قمر:صليت وكمت خليت الجاي على النار وطلعت اسوي سياح بره
فهد: بويه شهالريحه الله
قمر:☺️
فهد: كثري ترى جوعان
قمر: من عيوني
فهد: اويلي يابه سالمت عيونج يعيوني أنتي
قمر: بقى كاعد يمي سويت سياح
حسين: يمعود هااا شعندك هناا
فهد: هاا شعندي يعني اباوع على هذا الجمال اتمعن بي
حسين: جا اني هم اكعد
فهد:😒 دكوم يم الشيخ لا هم يجي وتكمل السبحه
قمر:هههه
حسين: ههههه
الشيخ جاسب: ها بويه شعتكم هنا
فهد : ستلم كمت السبحه
حسين: هوو كال هيج واني بعد وكعت من الضحك 😂😂😂
قمر: ضحكت على حسين شلون وكع من الضحك هههههه
فهد: ههههه كلها لتمت ما شايفينها غير
الشيخ جاسب: خير بويه ضحكوني وياكم شوو مكابلين قمر
قمر: هههه
حسين: حياك شيخ اكعد هنا كعده عائليه حلوه مو شيخ
فهد: اي 😒🌚ً
حسين: هههه. اي قمر. شلونج
قمر:😂
حسين: شبيج
قمر: هههههه حسين
حسين؛ هاااا
قمر:خلصت شنوو هنا تأكلون لو جوه
حسين: بكيف رجلج اسئلي
قمر:باوعتله كتلها هنا او بالديوان
فهد: بكيفج انتي
قمر: 🌚 مدري انتو وين تحبون اني بامركم
فهد: هنا
قمر: خوش طاكه بيض بدهن وسياح وجاي وكيمر ولبن وحضرت كدامهم
الشيخ جاسب: صيحي امج
قمر: حاضر رحت كتلها يمه ابويه يصيحج
ام خالد: اني متريكه اريد اطلع لزراعه
قمر: هاا رجعت كتله طلعت تزرع تريكت
الشيخ جاسب: خوش خلها
قمر: محتاجين شيء
حسين: لا ها هيه
قمر: درت وجهي اريد اروح
فهد: ها وين ما تجين تاكلين
قمر: لا ماريد الف عافيه
فهد: تعالي ترى ما اكل
قمر: 😳 ابد ما يستحي والله ابويه وأخويه كاعد 🌚
فهد: هههه عرفتها تستحي كتلها يله تعالي هنا
قمر: صخام اشرلي عود يمه اكعد 😳
الشيخ جاسب: تعالي بويه لا تستحين هذا رجلج
حسين: ههههه تعالي شبيج جمتي اكعدي يم رجلج
قمر: خرب حضي
فهد: 😊
قمر: اجيت وكعدت. بس كوه عليه
فهد: هههه سويتلها لفه كتلها هاج
قمر: هاا
فهد: هههه شبيج هاج اكلي
قمر: اخذتها
حسين: يمعودين هسة احنى شني نسوي بويه
شيخ جاسب: ها
حسين: هاك
شيخ جاسب: شني
حسين: لفه اكلها
قمر: هههه
فهد: خرب بليسك حسين يمعود مو هيج
حسين؛ جا انت تحرك بكلبي يمعود ترى اختي هاي
فهد: جا واذا اختك جا اني غريب غير رجلها. مو عيني
قمر: اي
فهد: فديت الآي
قمر: كوه خلصت الريوك على اعصابي حسين منا وهو منا والشيخ جاسب هم عنده سوالف 🌚
شلت المواعين واغسل بيهن
فهد: الشيخ جاسب راح عنده فصل جان
حسين: انت اليوم تبقى
فهد: لا وين هسة اروح
حسين: جا اني اروح خابرني الولد
فهد: الله وياك اني هسة اطلع ما اطول
حسين: اخذ راحتك بس بحدود يمعود
فهد: هههه حسب
حسين؛ ما يتامنلك اني أبقى منا لمن تروح 🌚
فهد: هاا 🤨
حسين: لا يمعود جا اني ما اعرفك في امان الله
فهد: الله وياك
حسين: هههه ما اوصيك
فهد: دروح لك هههه دخلت جوه لكيتها مندمجه وياا المواعين اجيتها صرت كبالها كتلها راح اروح محتاج شيء
قمر؛جنت اغسل مواعين وهو. صار كدامي كلي راح اروح محتاج شيء
كتلها لا ممحتاجه
فهد: مادري شلون راح اصبر منا لعرس
قمر: دنكت
فهد: رفعت وجها كتلها. بعدج تخافين
قمر: أمم
فهد: معقوله هيج أخوف اني
قمر: كلش
فهد: هههه حرام عليج ترى اني حباب
قمر: 🌚
فهد:راح اشتاقلج
قمر:🤭
فهد: احبج
قمر:😶
فهد: مراح تحجين هههه مصيرج تحجين حضنتها 💋
قمر: تعلم الشيخ طلعت عينه 🙊
فهد: صارت طماطه ههههه كتلها. راح اروح ماعندج شيء تكولينه
قمر: توصل بالسلامه 🥺
فهد: الله يسلمج احبج
قمر: ههه. طلع صعد سيارة وراح
بس حسيت احساس مو حلو جانت فرحانه رغم المواقف بس حلوه اما هسة رجعت وحيده
اخخخ 😓 مره الأيام ونفس الروتين
فهد: لمن طلعت وقمر ابد ما طلعت من تفكيري باقيه بالي حفظت كلشيء بيها
ضحكتها خجلها كلشي
اذكر المواقف واضحك وحدي بالسياره منا لمن وصلت. لبيت
اول ما دخلت لبيت وهي كبت الهلاهل وهوساتً
واخواتي موتني ولك منين لكيتها وشلون خبلني هههه
مرات الأيام كلها تعب نرتب لعرس جبت غرفه نوم وطلعت اشتريت لها ملابسها كلها على ذوقي 🌚
عطور اني جبتلها بس مكياج اخواتي جابلها ونزله ما جربايه. وامي ملتهيه
تهزم وهوسه وشغل والبنات تنظيف البيت وحايرات شني يلبسن هههه
كل واحد حاير بشيء. بس رغم التعب لي اتعبه بس تبقى قمر بالي
ومرات الايام وخلص الاسبوع وصارت حنتي جماعتي ولد عمي وعشيرة كلها اجت
أغاني وركص والكل فرحان بس اني فرحتي تختلف احس طاير من الفرحه هيج باجر وقمر تجي يمي
قمر: اني الاسبوع مره عادي روتين اليومي وكلشي ما سويت بس اخواني اجوه ونسوان اخواني وهم سولي حنه خطيه لبست فستان ومكياج مكيجني وجوارينا اجن
واجت سحر مدري مني سمعت اجت تبجي من الفرح وكامت تهلهل وتركص وحارت شني سوي بس خطيه هواي بجت
وتعذرت مني لان عافتني هالكد بس صراحه البنيه مالها ذنب امي طردتها وسمعتهاً كلام محلو بحيث متكدر تجي
بس لمن سمعت مكدرت متجي
المهم غيرت شويه مني كامت تضحك وشلون وكمت اسولف وياها وتغني وتهوس وتهلهل
بقيت يمي طول اليل كمنا نسولف بات يمي
ثاني يوم اخذني حسين لصالون وفهد دازلي البدله مالت العرس بيد واحد من ولد عمه
نفس قياسي وتخبل راحت وياي سحر ومرت جابر
طلعت غير شكل
مكياج والتسريحه جنن اني ما عرفت نفسي 🙊
بعدينً اجه حسين رجعني لبيت اجواء الشيخ فهد
فهد: بالحنه لعبت لعب اني والولد ثاني يوم الزفه زروقت السيارة وطلعنا من الصبح هم يالله نوصل
وصلنا وراء الظهر.
الطريق كلها ركص وهلاهل ولعبنه لعب
قمر: كالوو. اجوي.
هنا حسيت شيء مدري شلون أوصف خفت خوف مو طبيعي ها هيه بعد اهلي اخواني ابويه وحتى امي بعد ما اشوفهم 🥺
كمت ارجف اباوع بعيوني اريد امي. 😭
دخل الشيخ فهد وأبويه واخواني ٤.
فهد: دخلت سلمت على الموجودين ودخلت جوه.
ام ماهر: هاي الرادها وهاي التمناها بنت الشيخ لبن الشيخ جبناها كككككلوووووووش
فهد: شفتها بالبدله البيضه بويه تخبل صايره بس عيونها دم 🥺
قمر: اجه ابويه حضنتها وكمت ابجي 😭😭😭
الشيخ جاسب: ولج بويه بسج مايصلح انتي عروس
قمر: بابا بعد ما اشوفك 😭
الشيخ جاسب: لا بويه اجيج وشوفيني وشوكت ما تشتاقيلنا الشيخ يجيبج
خالد: الف مبروك اخيتي تهنين
قمر: 😭😭
جابر : ولج بسج يبعد كلبي
قمر:اناشغ 😭😭
حسين: ولج شلون بعد ما اشوفج قمرت
قمر: حسوني😭😭
حسن: خاب راح نشتاقلج البيت مينطب بنيتي
قمر: يبعد بيتي 😭😭😭
الشيخ جاسب: بسكم بويه خلي يتوكلون بالله
قمر: اخذ ايدي وخلها بيد فهد
فهد: بستها 💋 من كصتها ومسحت دموعها 🥺
الشيخ جاسب: يله بويه توكل
قمر: اخواني سلمو عليه وطلعو. أبويه كاب توكل
قمر: امي وين كمت ادور بعيوني بين النسوان نكلب البيت كلب 🥺 اريد امي
فهد: تناشغ وتكول اريد امي
الشيخ جاسب: امج جا ما سلمت عليج
قمر: وين امي 😭
الشيخ جاسب: وين ام خالد
مرت خالد: عمي بالمطبخ
الشيخ جاسب: ناديها كلها راح يطلعون
مرت خالد: اي
قمر: انتظرت بس اني احس كلبي تكطع 💔 اي وحده تمنى امها بهيج وقت
ام خالد: هاا شيخ ردتني
قمر: شفتها وخرت ايد فهد ورحت عليها حضنتها 😭😭😭 يمممه خايفه
ام خالد: ..
قمر: حضنتها شاورتني كالت لا تخافين مو هذا لي رتي وكسرتي كلمتي.
قمر:بس يمه 😭😭😭
ام خالد: لا تكولين يمه اني ماعندي بنت تكسر كلمتي.
قمر:☹️☹️😭 لا يمه فدووة لا تحجين هيج
ام خالد: اني كتلج قبل العقد
قمر: بس ابوي
ام خالد: الله وياج
قمر: 😭😭😭☹️ كلمتها خنجر بكلبي كسرت شوو فرحه
الكاتبه؛نرجس_السعيدي
جانت بيه
خلتني اندم على كلمته نعم لي كلتها.
يعني مراضيه عليه والله مراح يرضه عليه 😭😭☹️☹️
اريد أسيطر على نفسي ماكو. كمت اناشغ
فهد: تخبلت شفتها مو طبيعيه مدري شكلتها امها 😟 كامت تناشغ. كوه طلعتها من البيت ركبتها على بيت اهلها
جنى: نشكر من عمها وابوها نشكر من كال أخذوها
جنات: ككككككلوووووووش
ضحى: اخوانه خوش اخوه يستاهل الهوسه
سهى: ككككككلووووووش.
ام ماهر: كككلووووووششش
فهد: صعدتها بالسياره وطلعنا اني الاسوق وهي يمي
بالصدر بس مدنكه وتبجي بجت بجي ما صاير 🥺
قمر: 😭 احس مختنكه كوه أتنفس ردت اتخربط
فهد: بنتي شبيج ولج بسج عيونج راحت
قمر: اناشغ اريد اسكت ماكوو
فهد؛ جماعتي لعب لعب أغاني وركص بالشارع وجبت فرقه مالت موسيقى
وكل شويه يطبكون ينزلون يركصون
فؤاد: كللللووووش
حميد: ولا تكول الوحدك كله احنى اخوتك لا تكول الوحدك
فؤاد: كككككلووووووش