فهد : رجعت لبيت ابوي طار بشيخ جاسب لان كلش يعزه فاني ستئذنت منهم ودخلت لبيت
جنات : يمه هلا هلا بشيخ العرب
فهد: ههههه ولج لسانج
جنات: شبي 🥺
فهد: يخبل
جنات: حسبالي ههه
فهد: وين هذيج الخبله
جنى: منوو قصدك 🤨
فهد: انتي اكو غيرج
جنى: هااا
فهد:شو لا اكو هلا ولا شيء شني شبيج
جنى:زعلانه
فهد: بويه زعلانه منو مزعلج
جنى: امي
فهد: شبيها الغاليه
جنى: تريد زوجني ماريد شني ابن جابر هذا الملح
فهد: هههههههه اي والله لا عاب حلكج صدك املح
جنى: والله
فهد : شني ولج تعالي منين شايفته شوو اني دخت 🤨🤨
جنى: ههههه شبيك بعرس سهى غير عشتو صعدنا بسيارته 😒
فهد: اي
جنى: اي وامه لزكت لامي وامي كل يوميه ازوجي ازوجي طلعت روحي عفيه فهودي فدووة احجي وياها ماريد ازوج
فهد: ههههه اخلي ياخذج على اقل نخفف تبقى بس جنات
جنات: ههه 🙊
جنى: اهوووو فهد شبيك
فهد: خاب اشاقه دوخري ترى ميت تعب اريد بس انام
ام ماهر: هلا يمه
فهد: هلا بيج يالغاليه شلونج
ام ماهر: يبعد كلبي بخير اذا انت بخير
فهد: ان شاء الله دوم بخير
ام ماهر: يبعد كلبي يمه جوعان
فهد: لا يمه اريد بس انام ميت تعب
ام ماهر: خوش يمه نوم العوافي
فهد: يعافيج جنات
جنات: هااا
فهد: عود كعديني ساعه ٤ خوش مو تنسين اطيح حظج
جنات: ههههه جا خوش اخليك نايم ل٥
فهد: موو اجي
جنات: كل الهلا تعال
فهد: ههههه مابيه حيل بس والله اذا صدك سويتيها اموتج
جنات: ههههه روح يصير خير 🙊
فهد: ههه رحت نمت. وصدك كعدتني ب ٤ ال ربع سبحت وبدلت وطلعت.
مريت بالديوان لكيتهم يسولفون كعدت شويه وترخصت
منهم
طلعت صعدت السيارة اريد اروح لبستان اريد اشوف الخيل مالتي
مشيت نزلت صعدت على الفرس وكمت امشي بالبستان بعدها الشمس قربت تغرب
هيج واني الحصان. وباوعت صارن عيوني بعيونها
اخخخخ
شنوو قصتها
اووف عليها عيون ماكو هيج احس العمر كله اباوع بيهن
وما اشبع
جانً لونهن اخضر اوووف بويه.
لا وفوكاها مدمعات شنوو السبب لي يربطون بنتهم
على الرغم لمن
سولفت وياا اخوانها احسهن يحبونها وطايرين بيها
زين ليش رابطينها
معقوله مريضه
لا لا شني مريضه ما مبين بيها شيء
اووووف يا ربي شلون اعرف قصتها ما اصبر زين شلون
واني بديره وهي بديره
صبرك يا رب
ااخ اول مره بحياتي افكر ببنيه طول عمري من بعد سنين طويله
صاباني زين ليش كالت لا تكول لاحد لي شفته
اخخخخ
راسي كام ياذيني من كد ما افكر اوووف ليش هي شمعنه
لا شبيك فهد
احتمال لان شفتها مربوطه مجرد فضول
اي اي اكيد فضول
كمت افتر بالبستان اذان اذان المغرب رحت دخلت الخيل ودخلت صليت
وخابرت على ابن عمي اجه هم سولفنا.
قمر: بعد ما ربطتني امي خلت وراحت اني بقيت طبعاً فترة الصبح منا لقبل الأذن تجي تفتح الارباط
واكوم اسوي غده وراها اغسل المواعين وأخبر واسوي عشه والبيت وأنام
وهاي حياتي
مرة الايام واني هذا حالي ابد ما تغير نفس الشيء
مرات اكول ليش امي هلكد تكرهني
بس اكول لا متكرهني اني شني مسويه عمود تكرهني
بس تدرون المصبرني منو
اخواني حسن وحسين يموتون عليه وبس اطلب بس امي دائماً تحجي عليهم
اني من النوع مو لسان ابد صح اخواني هما بس ما احجي وياهم وهم ماكو وكت كلها شغل خطيه يتعبون
جابر وخالد بالسنه حسنه نشوفهم بالعياد والمناسبات ولو هي يا مناسبه.
لا عرف ناس ولا شايفه ناس
صديقتي الوحيدة سحر.
تعرف عني كلشي من اني وصغير وتبجي على بجيي
لا جيران ولا كرايب ولا كلشي
ماشايفه ناس ولا احجي ويا ناس كلشي محرومه منه
فهد: مرة الأيام وصارت سنه وكل ما أبقى وحدي صير كبالي تخبلت صرت ما احب اكعد وحدي اريد انشغل باي شيء المهم ما تجي بالي
بس لاسف تجي لان اني افكر بيها
كلت ها هي اني لازم اعرف سالفتها بعد ما اصبر
كلت لأبويه اني اروح لمحافظه (..)
شيخ راضي: شعندك
فهد: ماكو بس صديقي نخاني ولازم اروح اني انطيتك علم اخاف أتأخر
شيخ راضي: الله وياك
فهد : توكلت على الله وطلعت من الصبح وصلت لبستان مالتهم خليت السيارة ونزلت انتظرت نفس الوقت اباوع ماكوو احد.
كمت امشي وتوجهت لبيت شيخ جاسب
طبعاً لمعلومه البيوت لي بالبستان ماكو بيهن باب شارع لا كبل يعني بنص البستان بيت.
المهم كمت امشي على كيف. آباوع محد اكوو
توجهت لنفس المكان
بس اني صراحه جنت خايف اخاف ام خالد لو واحد من الولد لو الشيخ
وزحمه يكلي شني جابكً لا منطيهم خبر ولا شيء
دعيت ميت أمام كون محد اكو
باوعت عديت المضيف محد توجهت لمطبخ جان مسدود الباب
دكيت الباب محد عاد فتحته
فهد : 😳😳😳
قمر : بيوم من الايام ونفس كل مره كعدت الصبح ريوك سياح وبيض وخدرت جاي آكلو اخواني وراحو وابوي هم اكل وجانت اكو فاتحه راح وامي تريكت ونفس كل مره
ربطتني وراحت
جان الجو بارد كتله يمه سدي الباب لان بارده خلت
باوعتلي بطرف عينها وردت الباب
بقيت كاعده بالكاع بس شنو جنت بوكتها مريضه وبارده كمت ارجف اني
الكاتبه:نرجس_السعيدي
جنت لابسه دشداشه لون اخضر خاله على شعري حجاب بس متعصبه بي لون اسود وشال على جتافي لون اسود.
يربي بارده شوكت تجي امي.
كمت ارجف اووف ندكت الباب مالت المطبخ يمه بس لا واحد من اخواتي يربي
YOU ARE READING
المتيمه
Romanceقصه حقيقيه تكلم عن ظلم الام لبنتها وعقابها بسبب غلطت اختها تكلم عن عادة ما تسمى(بغسل العار) تابعوا الاحداث لمعرفة القصه
