اليوم قصتنا تختلف شويه مثل متعرفون العادات والتقاليد سائده في العراق لأكن بدت تقل مع مرور الوقت ..
نكدر نكول ثقافه والوعي والمجتمع اختلف وزمن عن زمن يختلف
بس لاسف اكو عادة لا ترضي الله ولا عباده .
اليوم نحجي على العادة لي يسموها ( غسل العار)
قبل لا نبدي بالقصه ومثل مكتلكم القصه شويه قديمه
بس حلوة .... يله نبدي 👇🏻👇🏻
اكو مكان منطقه ريفيه وجان اكو شيخ يسموه شيخ جاسب معروف وكلها الناس تهابه عنده اربع ولد ( خالد ، جابر ، حسن.وحسين) وعنده بنيه اسمها ( هناء) دلعها (هنوه)
شيخ جاسب عنده هنوه وبس جان مدللها دلال
شيخ جاسب؛ هاا ابو عادل شكلت
ابو عادل: جا اني مالي شور من بعدك يا شيخنا
شيخ جاسب : لا يخوي اهم شيء رايك لان هذا حقك والكاع كاعك فأنت بكيفك واعتبرني مو الشيخ اعتبرني واحد غريب
ابو عادل: والله يا شيخ اني مارفضلك طلب بس انت تعرف هاي كاع اهلنا وشو اني كلبي مامرتاح على البيعه وشاهد الله اني احجي وخجلان منك
شيخ جاسب: هزيت راسي لا ابو عادل أفه جاا تخجل مني هذا هو مثل متريد الكاع كاعدك وانت اعرف
ابو عادل: لا يكون زعلت ترى والله ما اكصد(اقصد)
شيخ جاسب: ههههه لا يخوي لا زعلت ولا شيء جا هي بس كاعك هي هواي كيعان اشوف ولدي بعد
ابو عادل: جا مدام هيج جا اني استئذن
شيخ جاسب :مرخوص ، خالد خالد
خالد: امر شيخ
شيخ جاسب: اكلك بويه ابو عادل مناوي يبيع الكاع لي ردتها
خالد: هااااا وهوو بكيفه غصبن علي يبع
شيخ جاسب: خالد
خالد: هاا شيخ جاا هوو منو ويرفضلك طلب وبعدين احنى اطينه سعر محد ينطي مثله ضعف سعرها
شيخ جاسب؛ بويه جا هي غير كاعه وهو ماكال شيء بس اني شفته متردد ولمن كتله عتبرني واحد غريب يله كال ماكدر أبيع وبعدين يا بويه. هم حكة (حقه ) الرجال.
هي كاعه وبكيفه
خالد: اي هم صح يله جا اني اروح
شيخ جاسب: وين
خالد: اروح لولايه يم عادل
شيخ جاسب: الله وياك بس صيحلي حسن
خالد: امرك طلعت وصحت على حسن حسن
حسن: هاا خويه
خالد: يريدك أبويه بالمضيف
حسن: رحت المضيف هاا شيخنه طلبتني
شيخ جاسب: اي بويه كل لامك خلي تكثر اليوم جاي لنا جماعه من ال(....)
حسن: بأمرك رحت لبيت شيخه
مرت الشيخ ( ام خالد) ؛ هاا يمه
حسن: شيخ يكول كثري هالمرة جاينه ضيوف من منطقه (...)
مرت الشيخ : اي يمه صار
حسن : جاا وين هنوة شتاقيتلها ما شفتها اليوم
مرت الشيخ : هههه جا يمه شلون اذا نطيها باجر عكبه
حسن: هنوة وتزوجها ما تزوج هنوة واذا تزوج شرط تكعد هنا
مرت شيخ : يييع يمه ولك شنوو نجيبه كعيدي
حسن: جا هو حاصله يكعد بيت شيخ جاسب
مرت شيخ : جا يمه هم عدنا اهل عمام جا تزوج واحد مكطوع من شجره
حسن: والله هذا الموجود يعجبه يعجبه ما يعجبه بعد احسن هنوة منكدر نفاركها
هناء(هنوة): سمعت اسمي تحجون عليه بالخير بالشر
مرت الشيخ : ها شوف مدة لسانها شطوله
حسن: لزمتها من خدودها ولج شلونج اليوم ما شفتج
هنوة: اي جا هاي امي من الصبح روحي منا وردي منا تعبتني 😕
مرت الشيخ : فلك فلكج ولج وين متعبتج بس شكول اذا اخوتج وابوج طلعو عينج تدللين وتدلعين
حسن: ههههه جاا حكها تدلع جا بنت شيخ ويلوكلها شيخت البنات هنوة خاب شووو تعالي
هنوة: يبعد اختك عسى ما انحرم منكم يا عزي ودلالي
حسن : شيخه دشوفيها وتلومينه جي ندلعها
مرت الشيخ : هاا كصت عليك بلسانها
حسن : ههههه
هنوة: هههه🤭
حسن:يله اني اروح محتاجين شيء
YOU ARE READING
المتيمه
Romanceقصه حقيقيه تكلم عن ظلم الام لبنتها وعقابها بسبب غلطت اختها تكلم عن عادة ما تسمى(بغسل العار) تابعوا الاحداث لمعرفة القصه
